الحمد لله والصلاة والسلام على سيد الانبياء محمد عليه السلام
ونجحت الوزارات باشغالنا ببعضنا البعض !
فهناك من تفرح بالترشيح ثم تحزن بسبب الاستبعاد ثم يكون هناك من يفرحون لاستبعادها
ونسينا قول رسولنا الكريم لا يؤمن احدكم حتى يحب لاخيه مايحب لنفسة !
على الاقل اظهروا تعاطفكم معهم يمكن الدور الجاي عليكم بالاستبعاد !
نحن نعلم مقدرة الوزارت على خلق فرص وظيفية للجميع ونعلم احقيتنا وجدارتنا بها ، فلماذا لا يكون هناك صوت واحد لخريجات البكالوريوس التربوية وغير التربوية اعداد المعلمات والانتساب
صوت واحد بخلق فرص وظيفية للجميع دون استثناء

سبب فتحي للموضوع هو فرح البعض بالدفعات القادمة وكأن من كان قبلهم لم يستبعد !

اتمنى للجميع الوظيفة الكريمة التي تحقق امنايتكم

معاك حق

وكل مره كنت اقولهم خلونا صوت واحد

عشان يكون مؤثر وله قوته


ونجبرون يوفرون وظائف للجميع


لكن دام الكل يفكر بنفسه بتستمر العطاله


سنوااات وسنوات ونفس الموال

الله يسعد قلبك ويفرج همك على ذالمووضووع والله انا من زمااان وهذا كلامي المطاالبه باستحداث وظاائف تكفي الجمييع من الخريجات العااطلات في جميييع المنااطق مو يعطوونا وظاائف بالقطااره وكأنهم يتصدقون عليينا من جيوبهم
لكن احس الناس ماهمهم الا انفسهم خلاص هي توظفت مااعلييها بالبااقيات والا اللي تنتظر وظييفه تقول انا افرح بالدفعه ومااعلييها من المستبعدات <<تروا في مستبعدات مو من الدبلوم لا من البكالوريوس ونقاطها عاليه بعد
مع اننا كلنا بنروح من ذالدنيا ونخلييها برمتها سواء المترشحات وغير المترشحات والمستبعدات وغير المستبعادات فو ش احلى منه تقولين كلمة حق تنصرين بها مظلوم وتحاولين ترفعين الظلم عنه وتوقفين الظالم عند حده وتحاولين ترفعين يده عن الظلم <<(( كلمة حق تحااجين بها عند الله يوم القيامه فالساكت عن الحق شيطان اخرس واين نصرة المظلوم الذي امرنا بها سيدنا محمد عليه افضل الصلوات واتم التسليم ))

وهذه تعليقي باحدى المواضيع لمشاركة احدى الاخوات عن اعلان وظائف الاحتياج السنوي 5الاف

اقتباس:

المشاركة الأصلية كتبت بواسطة هتون الهمس هههههههه << ينكتون ذولاء ولا ايييش !!! 5 الاف فقط !!!!هههههههه يعني هي كفتنا 28 الف !! عشان يبون الخمسه آآلاف تكفيينا هههه <<حدث العاقل بما لايعقل يعني نااوين لنا على مضاربه اقصد مفااضله على طفست او نتفت او شتفت وظاائف!!!!! هع انا ماقلت الكلام هذا عشان ابي اتوظف لا ..انا قلت الكلام هذا عشاان ابي كلنا نتوظف مو بس خمس الاف يتوظفون ,, والبااقيات لا الى متى يعني هذا النظاام الفااشل من هذه الوزااره الفااشله اللي ينزلون الوظاائف بالقطااره ويصلحوون فييها صجه اعلاميه انهم نزلوا وظااائف !! <<<ماقد شفت انذل من وزاارة الخدمه المدنييه واكذب منها,, الله لا يكثر خيييرهم ينزلون وظاائف من فووق خشوومهم مو برضاهم بس تكفيينا كلنا او على الاقل ثلاثة اربااعنا ....مو فقط تكفي ربعنا فقط وثلاثة ارباااعنا لا ويقوولون تكدس من سنوات وهم بطرريقتهم هذه وبنظاامهم هذا الفااشل اللي من سنين سبب هذا التكدس والإستمرار فييه بعد ’’ وصدقوني اذا استمر الوضع كيذا راح يكون في تكدس اكثر من السنه هذه في السنوات الجاايه.. لان الخريجات من الجاامعات كثيير ودفعات جديده راح تتخرج وبيزيد الاعداد العطاله مابتنقص،،

وهذا موضوعي نزلته بعد الدفعه الاولى بعد ماشفت الواسطات اخذت النصف الاكبر من الوظاائف ودليلي ان اكثر القدييمات اللي لهم 15 و14 الى 5سنوات ماترشحوا فعرفت ان الوااسطات لعبت دوورها بالترشيح فاستغلت اكثر الوظاائف ولا احد ينكر فالواسطات نشوفها عيني عيينك في كل مكان فهل الخدمه المدنيه منزهه عنها في هذه الوظاائف ؟؟ ابدا لا
ولو عندهم اشوية مصدااقيه <<تروا اقول اشويه فقط
يكتبون نقااط كل مرشحه قداام اسمها ..عااد وشفييها دامنهم كاتبين اسمها بالكامل فلييش مايحطون نقااطها
وهذا هو موضوعي الرابط(( وزارة الخدمه لم تنفذ اوامر الملك المفدى في توظيف العاطلات !!! فماهو الحل ؟؟؟ ))
والحين لازم يكوون صوتنا وااحد والمطالبه بحقنا وااحد ونترك عننا التخااذل

وفعلا زي مااقلتي وزارة الخدمه المدنيه تستمر في مسرحياتها الهزليه ونحن صاامتين
وكل ماتكلمنا قالوا ارزاق!!! ياناس نعرف انها ارزاق بس لازم نقول كلمة الحق لازم نداافع عن حقوقنا وحقوق غييرنا
واللي تقولون ان الله هو الرازق اقولكم ونعم بالله بس قديييمه

بس زوودووها لمعلومااتكم هذه العبااره فقط
"ان الله يرزق الطيور قوتها ولكنه لا يلقى به اليها داخل اعشاشها" فالمطالبه بحقوقنا مع قوة الاتكال على الله هو من باب السعي في طلب الرزق

فعدم المطاالبه بحقوقنا بحجة اننا متوكلين على الله فهذا اسمه تواااااكل مو توكل

فالتوكل هو التوكل على الله و السعي بطلب الرزق من اي سبب كان حتى وان كان المطالبه بالحقوق

اما التواكل هو فقط التخاااذل والتكاااسل عن السعي وراء الرزق وان كانت المطاالبه فييه لانه حق مشرروع لنا


فلازم نفرق بين حقيقة التوااكل والتوكل << فهم


والله ينصر كل مظلوومه ومظللوم على من ظلمهم وحسبي الله ونعم الوكييل

ياليتهم يخلصون دفعه دفعه
ان شاء الله يطلعون عشر دفعات
بس يصير تنظيم
والدفع اللي خلصت يتم اجراء المقابلات لها
كذا اريح واحسن لهم

[align=center]

الخطأ من الوزارة نفسها وكل هذا تضييع للوقت وسوء ادارة من الوزارة لمتى مسلسل الاستبعاد والترشيح ؟؟ وزارة فاشله لو يسوون زي الرجال التعيين حسب الدفعات افضل كدا تكدس الخريجات وواسطات ومحسوبيات والشغل من تحت لتحت حسبنا الله وكفى واقول لاخواتي المستبعدات الله يعوضكم عاجلا غير آجل
[/align]

موضوع مهم وعلى الجرح والله

كل وحده بتاخذ رزقها وماراح تاخذ رزق احد ابدا
انا لى تسع سنين متخرجه وكل سنه اقدم لى والى اخواتي
وكل سنه تطلع تعيناااات لكن لم اتذمر ولم اشتكي لاحد سوى طلب من الله الخير
وبفضل الله تعينت اختى قبل سنتين
وانا ترشحت مع الدفعه الاولى وهذا من فضل ربي
واخواتي ثقوا بالله حق الثقه
وان شاءالله كلنا متعينات لان هذي السنه رشحو 280000الف
وهذا بوادر خير باذن الله

ماادري وش الرابط اللي عندكم؟؟
الفرح بالدفعة الجديدة هو تجدد أمل الغير مرشحات فقط
يعني تتأمل إن اسمها يطلع بالدفعة الجاية بس أكيييد مو معناته
إنها تطق اصبع لأن غيرها استبعدت لا وألف لااا الله يرزق الجميع
بعدين اللي معهم دبلومات واستبعدوا راح يطلعون لهم وظايف بعددهم اللي هن
حاملات الدبلومات المتوسطة ويعلم الله اني فرحت لهن من كل قلبي والله يتمم لهن
ويعجل بتطبيق القرار اللي يخصهم ولو كانت الوزارة عادلة من البدااااية كان الحين المنافسة
بين خريجات عام٣٠و٣١ و٣٢
واللي قبل مفترض في وظااايفهن من زمااان الله المستعان أساسا مفرووض كل سنة عدد الوظايف٢٨ الف
لحد ماتبدأ بطالتنا بالانقراض
الله يرزقنا من واسع فضله جميعا