21-05-2012, 09:16 PM
|
|
Guest
|
|
تاريخ التسجيل: Mar 2012
المشاركات: 295
معدل تقييم المستوى: 0
|
|
اقتباس:
المشاركة الأصلية كتبت بواسطة مابي الا الستر
الله يوفقك ويسسعدك ماقصرت دعواتك
بس عندي مشكله دقيت اكثر ارقام الشركات مايردون وش المشكله
|
اخوي اكتب اسم الشركة وحطه في قوقل وراح تطلع لك أرقامهم كلها ..
لأن بعض الشركات يكون عندها اكثر من رقم فممكن اللي دقيت عليه يكون مباشر او يكون قديم او شيء من هالأمور .. ولكن مثل ماقلت لك انت قدم عن طريق الفاكس وبعدها الإيميل , وبعدها خذ وصف الشركة من قوقل ايرث او اسأل اي احد ورح للشركة وقدم اوراقك لهم بعد ما ترسلها ايميل وفاكس او العكس .. المهم انك تقدم بشتى الطرق ولا تيأس ابد
وأنا قاعد الآن أحدث هالقاعدة وأظيف عليها أكثر وأسوي لها اب ديت لأنها عندي من سنة تقريباً ..
عموماً أخوي انت سو اللي قلتلك وبإذن الله تحصل نصيبك .. وصدقني اجتهد على نفسك شوي وبتلاقي اللي يسرك
وعندي طريقة كنت اسويها برضوا , صور سيرتك الذاتية عدد 10 صور وحطها في ملف حافظ شفاف وخلها في سيارتك .. وأطلع من الساعة 10 الصبح الى 1 الظهر
وطب على 3 الى 4 شركات في اليوم .. أبد ادخل عليهم وقل وين الموارد البشرية ؟
بيقولك هناك ادخل وقدم سيرتك وعب الأبلكيشن تبعهم وأطلع ..
وخلاص خلها في بالك انها 5 ايام في الاسبوع من 10 - 1 الظهر هذا الوقت للتقديم الميداني فقط ..
يعني لو قلنا راح تقدم على 3 شركات في 5 ايام في الاسبوع راح يطلع لك 15 شركة في الاسبوع ولو تظربها في 4 اسابيع يطلع لك 60 شركة .. هذا غير اللي راح تقدم عليهم من الأيميل وانت في البيت ..
ودايم اول ما تقدم الميداني تقدم مرة ثانية بالفاكس أو الايميل , او تخليها بعدها بيومين او ثلاثة للتأكيد عليهم ..
وعندي برضو فكرة افضل وأقوى .. خذ اسم مسئول التوظيف في القاعدة ولما تروح للشركة او الوزارة او غيرها ادخل عليهم وأسأل عنه بالأسم : قل بغيت فلان موجود ؟
بيخافون منك << وكثير استغربو مني يحسبون اني اعرفه أو أقرب له .. المهم لما تدخل عليه قله السلام عليكم الأستاذ فلان كيف حالك ؟ << وخل وجهك قوي وناظر في عينه
بيقولك يا هلا بيستغرب منك وبتشوف هالشي في عيونه
قله أبد والله انا بغيت أقدم عندكم اذا متوفر عندكم شواغر وهذي سيرتي الذاتية وفي أي وقت ترغبون رقم الاتصال موجود على السيرة وأنا جاهز لكم في اي وقت .. وسلم عليه وأطلع من عنده , ورح للي بعده وهكذا .. ولو تاخذ منه كرته الشخصي يكون افضل تستفيد منه وتفيد غيرك به للي حولك من اهلك وأخوياك لأنه راح يكون موضح فيه الايميل والتحويلة والفاكس واسمه الكامل ويمكن واحد من اهلك واخوياك يكون شهادته عالية تعطيه المعلومات ويقدم وان شاء الله يتوفق معهم اذا ما توفقت انت ..
--
بالتوفيق اخوي وبالتوفيق للجميع
وان شاء الله احدث القاعدة في اقرب وقت وأطرحها في موضوع جديد
--
|
العرض العادي
