أمس السبت رحت لشقراء عشان كان عندي اختبار امن وسلامة في جامعة شقراء

والحمدلله اختبرنا وسوينا اللي علينا والموفق الله ،، والاختبار سهل الحمدلله مافية اي صعوبة

بس بغيت اتاخر على الاختبار وضيعت مكان جامعة شقراء بس الله رزقني في رجال طيب من اهل شقراء دلني على الجامعة .. ودخلت الجامعة واختبرنا في الدور الثاني ولحقت عليهم في الاختبار تاخرت عشرين دقيقة بس ، بس ماقصروا المدرسين دخلونا القاعة واختبرنا مع الزملاء ..

المدرسين قالو لنا اللي يجيب في الاختبار فوق الستين بنرسل له رساله على الجوال عشان يجي الجامعة للمقابلة الشخصية ويكون مقبول بأذن الله .. واللي ماتجية رسالة يعني جاب في الاختبار تحت الستين.

في شباب جو بعدنا بساعة ونص رفضو يدخلونهم المدرسين .

والحمدلله اختبرنا ورجعنا لقواعدنا في عاصمة الخير الرياض سالمين.

والله ماجيت كان بعيد المشوار عليه مع العلم لديه خبره ودورات بس الحمدلله على كل حال وموفق انشالله والله يجعلها من نصيبك
اذا عندك طريقه الاسئله في الامن والسلامه لاهنت اطرحها
تحيييييييييييياتي

الله يرزقك

الاسئلة ثقافة عامة واكثرها ضع دائرة وعلامة صح وخطأ

بس اهم شي تحفظ واجبات رجل الامن ومهماته . اكتبها في قوقل وتطلعلك

والله ياخوك مابغيت اروح بس قلت ياولد خذ بالاسباب واختبر ..واذ الله كتبلك الوظيفة بتاخذها واذا ماحصل نصيب ففي الامر خيرة

والحمدلله على كل حال *

الله يوفقك وان شاء الله تجيب فوق الستين و يرسلون لك رساله بالتوفيق

الله يوفقكم

الله يوفقنا ويوفقكم ان شاءالله

الله يوفقنا ويوفقكم ان شاءالله

اللة يوفقك اخوي وتجيب اعلى درجة