مساء الخير للجميع. ماأحد ينكر إن الواسطة هي العنصر المحرك والهام في التوظيف والنقل وحتى الترقيات بس مو الكل يعتمد عليها فيه ناس يعتمدون على ربهم أولا ثم قدراتهم والتفاؤل. بالنسبة لي أنا قال لي أخوي بعد ماخلصت المقابلة إذا يبدأ يبحث عن أحد يعرفه ويسأل عشان تبدأ التوصيات وقلت له لا أنا الحمد لله عديت الاختبار والمقابلة كانت حلوه بس ماتوقعت إن إعلان النتائج بيجي بهالطريقة خصوصآ إعلان نتائج بنات الرياض اللي يدعو للتساؤل. بس مانقول الا ياااارب وأنا ماقلت هالكلام عشان أشكك بكلامك ي ....أبك.....أبدآ ويعلم الله إني واثقة بكلامك وكيف فزت بوظيفتك والله يوفقك ويعطيك من خيرها ويكفيك شرها بس هو شي بخاطري وحبيت اقوله

[align=right]هلا بك عزيزي أبك وصباحك رضا ونعيم
وتستاهل كل خير, ولو تصدق إني من بداية إحتكاكي معك بالردود تمنيتها لك يشهد الله
أول واحد يطري على بالي ومهو قصور في البقية أكيد.

وإشادتك فيني أفتخر فيها أكثر مما تتوقع

والحمدلله الوظيفة ذهبت لمن يستحقها أنا متأكد
عني وعن البقية كلّن وطموحه ومابتوقف على هالوظيفة وباقي المشوار طويل ويبقى الأمل


..

إلا أبك أيها الموظف
الرسائل الخاصة هنا أستقبل وماأرسل ولا كيف؟ [/align]

يسعد صباحكم بالرضا والخير

ديمه .. مقدر كلامك ووضعك ,حتى انا لازال عندي شك بخصوص مقابلتهن بالعليا

يعني احنا انقبلنا وماعملنا مقابله بالعليا .. ترو خايف للحين انها هيك وهيك


الله يوفقك ويرزقك بوظيفه ان بعدت تكون بنفس الحي


مرحبابك طروق

الله يسسسسسسسعدك ياشيخ

وشكراً للمليون طروق

ايها الموظف >>> حسيت اني فقيه مره وحده هع

الخاص ترسل وتستقبل

بس اذ ارسلت المفروض رسالتك تروح للصادر يعني تقدر تشوفها بعد الارسال

لاكن الشباب ملغينها من هنا .. يعني لو ارسلت بتروح الرساله لاكن ماراح تبقى بالصادر عندك

الله يوفقك ويفتحها بوجهك ,ونشوفك بالبشت الجامعي معك الماستر وبالتفوق كمان


موفقين الجميع ,,باذن الله ماتنتهي هالسنه الا وانتوا موظفين

شدوا الهمه بس

تستاهلون كل خير وربي

ربي يعينكم ويحفظكم

ودي

أبك......تسلم على تفهم نفسيات الاخرين..أما وضعي !!!ترى عادي عندي أنا بنت يعني لو أقعد من هنا لعشر سنين قدام عاطلة مو مشكلة بما إن كل شي ابيه متوفر ياربي لك الحمد بس أنا اللي ضايقني طريقة الاعلان لا أكثر ولا أقل .......وبالنسبة لوظيفتكم لا تخاف خلاص بما إن طلع ترشيحك مايهم لو تقعد شهر أو ششهرين والله يسعدك ..والله الله بالشغل الزين والامانة وأنا متأكدة إنك قدها....

مساء الخير

بصراحه اشوف ناس كثير هنا زعلانين ومحبطين ومستغربه ليش

انا ماجتني الوظيفه مثلكم بس مازعلت تدرون ليش لأني مستخيره ومرتاحه وعارفه انه تأخيرها خيره من ربي

واتمنى انكم تفكروا مثلي كل شي خيره انا بأول تقديماتي كنت ازعل واتضايق كثير بس الحمدلله بعد ماصرت استخير ارتحت
[align=center]
لاتزعلوا انه ماعندكم واسطه ربي هو واسطتنا واللي مايحالفه الحظ مايدري يمكن ربي كاتبله الأفضل

فكروا في الموضوع بشكل افضل وخلوا رؤيتكم اوسع للأمور ولاتضيعوا ايامكم بالحزن


تحياتي للجميع[/align]

ديمه .. ربي يحفظك ويرزقك باللي يسعد قلبك

مروجه .. اول مره اشوف بنت كذا اسلوبها ,جميل لما تشوف وحده تتكلم كذا

الله يوفقك ويستر عليك


دمتم بحفظه

السلام عليكم

اخوي ابك بالعكس انت تستاهل الوظيفة وكلنا فرحنا لك والله
وأدري انك جبتها بجدارة .. بس احنا نتكلم عن حقين الواسطة
اللي ظلموا أنفسهم قبل غيرهم وسالفة البنات اللي في الرياض خير دليل
وعموما هي في النهاية توفيق من الله ولو شخص مكتوبه له بياخذها بواسطة أو بدون

طارق .. ايه قانون ههههههه لازم أحلل تخصصي في التحجير
بس للأمانة تخصص صعب ومعدل عالي ومافي وظائف
حتى الإبتعاث لازم محرم
الله كريم يرزقنا من واسع أبوابه

ومرة ثانية مبرووك لكل اللي انقبلوا وبإنتظار الإعلان النهائي

مروجه...تسلمين على الكلام الحلو والله يوفقك.....ايمان .....بسألك عن جدارة يصير تقدمين عليها والا قسمكم مو تبع وظايفهم والابتعاث مع المحرم من الدين أولآ وأفضل لك درء للمفاسد والله يوفقك فعلآ تخصصكم مررررره حلو بس أنا درست مادة وحده وطلعت الشيب برأسي.....

هلا ديمة
ايه أدري من الدين وأكيد كلنا راضين فيه وبالفعل كله مصالح
بس انا جالسه أتكلم عن وضعي بس ههههههه
مدري عن جدارة بس قدمت اذا قبلوني كان بها !
ومن ناحية صعب صعب .. بس الحمد لله عدينا ومازال المستقبل مجهول

[align=center]أشكرك اخوي ابك عالإطراء الجميل وهالشي حصلت عليه مع تجاربي في الحياه

وتكرار المواقف

آمين يارب ويوفقك ويوفق الجميع يارب


الله يسلمك ديمه ويوفقك يارب وجد مااحب اشوفكم زعلانين على شي راح


على فكره يوم الاربعا ان شاءالله بتنزل مطابقة للوظائف الاداريه بالخدمه المدنيه 11000 اسم

وبالرياض لحالها حول ال600

اتمنى ان ربي يوفقنا ويحالفنا الحظ فيها جميعاً[/align]