ماشاء الله الأوضاع هنا مشتعلة بشكل غير متوقع صراحة
ياجماعة صلوا ع الحبيب و ترا الموضوع المقصد منه تجمّع وفزعة لبعض لكن بحسب ماقريت آخر الصفحات الوضع قلب تشكيك على لاشيء للأسف, ترا في الأخير كل الأرزاق مكتوبة ومحد منتظر من أحد منة أو فضل أو رفعة ضغط .. لذلك بلاش تشكيك في بعض وخلونا نذكر هذا الموضوع والموجودين فيه بالخير إذا خلصت القصة

..

بالنسبة لسالفة هبة, وش بكم شبيتوا عليها عندها خبر وقالته ومتأكدة منه ليه ماتقدمون حسن النية؟ ليه خليتوا البنت تندم إنها تكلمت! وإذا تذكرون ترا الوظائف النسائية 13 وظيفة! وبحسب كلام الأخت هبة أنه 5 إنقبلوا في الرياض منهم زميلتها والله يوفقهم, هذا يعني أنه باقي 7 وظائف شاغرة.

بعدين موب يمكن هذه طريقة بأنهم يستدعون المترشحين (130) والتأكد من قبولهم النهائي للوظيفة عشان يصير إعلان الوزارة للنتائج بالأسماء ؟! أنا هذا الي متوقعه صراحة بناء على كلام هبة.

والي كاتبه ربي بيصير, عن نفسي أنا بنتظرهم إن شاء الله ليوم الإثنين الجاي إذا مانزل أي إعلان أو أي خبر عن مستجدات هالوظيفة بسحب عليهم وبنسى إني قدمت عليها وبكمل في الشركة الي أنا فيها.


..

للمتخصصين والمتخصصات إدارة أعمال, هذا تخصصي وبكل أمانة هذا أقوى تخصص في الإدارة! لأنه يطلبونك قطاع خاص بشكل كبير, وعندك قدرة على التقديم على الوظائف الحكومية الإدارية أي وظيفة كانت! وفي أي وزارة لأنك (إداري) ومافي مكان مافيه مدير حتى المستودعات لها مدراء لذلك لاتنكدون نفسكم ع الفاضي والوظائف صحيح أغلبها قطاع خاص لكن هذا الموجود, وأبدؤوا حددوا (طموح وقتي) وإقتنعوا فيه وأقنعوا فيه أهلكم مرة ومرتين وثلاث .! والله يوفقكم من قلبي والله

..

تذكروا أنكم في السعودية يعني من 10 طموحهم عالي 2 يتحقق طموحهم وماينصدم بظروف سيئة , حاربوا هالشيء وحطوا خطة ب وخطة ج وخطة د كمان, وصدقوني مسألة إني أقعد على أمل وظيفة حكومية لمدة ستة وسبع سنوات هذا في المشمش لو أشتغل كاشير في الدانوب!


..

بالتوفيق ولنا لقاء آخر, المهم روقوا فديتكم