طيب ممكن أسألك أنت وش قسمك وكملت والا لا. لأنك تلح علي بالماجستير إذا معك شهادتها بآخذها ههههههههه الله يوفقك ويسعدك ويفتح لك آبواب رزقه اجتمعنا على الاخوة وافترقنا على المثل.

[align=right]ديمة, تأكدت من معلومة بنسبة كبيرة وهي:
إذا إنك خريجة إدارة أعمال أو إدارة عامة وماخذة دبلوم تربوي, يمديك تقدمين على الوظائف التربوية (التعليمية)
ويصير الدبلوم يدعمك في حال تمت مفاضلة لوظائف تربوية, مع العلم أنه مايزيدك نقاط في المفاضلة.. لكن يزيد على مؤهلك كلمة (تربوي) والي تعتبر جواز سفر للوظائف التربوية.

أي تخصص غير هالتخصصين تكون متاحة له الوظائف الإدارية وحسب تخصصه فقط.

وطبعًا هالقوانين تلاقينها في ديوان الخدمة الزفتية [/align]

[align=right]أنا خريج إدارة أعمال, وكنت معشم نفسي بالإبتعاث لكن ماجات معي تمام معدلي ع الحافة المشكلة آخر ترم رفعت المعدل من 3.55 إلى 3.70 ودرجاتي كلها A+ إلا مادة انلطمت فيها بـ C والمشكلة أنها مادة حرة وبإختياري لكن الحمدلله مع العلم إني لو أخذت فيها A+ يصير معدلي 3.75 بالضببط, لكن الله يسامح الدكتور إن كان ظلمني والله يسامحني إذا ظلمته.

ألحين موظف بسيط بشركة أبو كلب وعلى شهر 3 بيفتح الماستر في جامعة عبدالعزيز, يابسجل فيه وموظف بنفس الوقت أو بطلع برا وأضيع تحويشة بسيطة والوظيفة الي أنا فيها.. بمشيئة الله طبعا, وفي كل الحالات ربك كريم وفي كل الحالات إقتنعت إني ماأبغى وظيفة حكومية وأنا مؤهلي بكالوريوس حظوظي بالماستر أقوى إن شاء الله .[/align]

السلام عليكم و رحمة الله و بركاته

سافرت اسبوع و ماشاء الله شفت تطورات بالموضوع و مجموعه انقبلت
و مجموعه محد عبرها >>مثلي هههههه

اللف مبروووك لكل الي انقبلوا الله يوفقكم يارب و يبارك لكم في رزقكم
و يعوضنا الي في كل الخير ياارب

و انا مع الاخ طارق باكمال الدراسة
و باذن الله خلاص وجبت دراسة الماستر و باروح اخذ بطاقتي الجامعية بعد تردد من بعد القبول
اهم شي يا حلوين لحد يسبب و يقلل من قيمة تخصصي ادارة اعمال انا سيبت الطب لخاطره
و افتخر بتخصصي و تجيني فرص حلوة بس ما يحصل توفيق سبحان الله

اخ طارق استعد لاختبار القدارت الجامعية و اختبار اللغة الانجليزية استيب
لانها من متطلبات القبول بجامعة الملك عبدالعزيز

اي استفسار بالخدمة و لكل البنات *

باين رغبتك بإكمال دراستك والله ييسرها لك ويوفقك وإذا على الابتعاث الله يحفظك مع إني ضد الابتعاث من هالمصايب اللي نشوفها بس إن شاء الله يكتب لك الدراسة هنا بديرتك وفيه الماجستير الموازي مو يقبل أي معدل. وعلى التربوي ترى أنا ماأحب التدريس عشان كذا دخلت إدارة أعمال عشان ماأحد يجبرني على مهنة التدريس اللي تطفش وتزهق الواحد من حياته

السلام عليكم


الف مبروك لكل اللي انقبلوا الله يجعلها فأل خير ان شاء الله
بالنسبة للي فهمت أن الايميل جاء شباب وبنات جده ؟
هل جاء شباب الرياض ؟
سالفة الخمس بنات للحين ما دخلت راسي خصوصا ان بنات جده
اللي وصلهم الايميل ما طلبوهم مقابلهة ولا قالوا تعالوا !


ع العموم أتمنى أي بنت أو شاب من الرياض
يفيدنا أذاء جاءه إيميل وشكككرا

بالتوفيق

اهلين ايمان بالنسبة للبنات ولا وحده صرحت إن فيه ايميل جاها بخصوص القبول أو إن اللي قبلو كلهم من خارج المنتدى. والشباب ماشاء الله كذا واحد اختبر بالرياض وجاه ايميل. والله يكتب لنا اللي فيه الخير ويعوضنا بأفضل منها ونقهرهم ههههههه

ماشفت الا هنا وحدة قالت جاها ايميل والثانية تقول صاحبتها جاها ايميل بس غريبة انا ماجاني شيء يمكن اختاروهم و انتهى الموضوع استغرب مع اني الحمدلله الاختبار والمقابلة كلهم تمام بس الظاهر مالنا نصيب فيها الا اذا بيختارونا لوظائف ثانية على ماسمعت انها نازلة وظائف غير هذي. والله اعلم نقول ان شاءالله

اللي تسأل عن البنات في الرياض
خلاص تم قبول خمسة بنات اربعة منهم تخصص قانون ووحدة أدارة عامة