أنا جاني قبول بدون واسطة
الجماعة الي ما جاهم قبول ؛ لا تخلوا حياتكم كلها تتمحور على هالوظيفة ؛ وكأن نهاية العالم فيها.
جاك قبول خير وبركة ؛ ما جاك دور وظيفة ثانية وثالثة ولا تيأس.



كنت مأمل على وظيفة ثانية قبل 7 شهور ... وما جاني فيها قبول ؛ حزنت وظيعت 6 شهور من عمري بالحزن.
... وظاعت مني فرص مسابقات وظيفية عدة خلال هالفترة. وحالتي المادية من أسوء إلى أسوء.
وفجأة لقيت نفسي قاعد أحزن لحالي ومحد حاس فيني ... حتى أهلي تعودوا على وظعي ( البطالي).
وقتها بدأت أفوق؛ قلت أدور مرة ثانية ؛ وتوفقت في هذي

أرجع أقول
إن كنت مصمم إنك تيأس إيأس ؛ ترا محد سائل عنك ...
كلكم جامعيين ولله الحمد ؛ يعني فرصكم إن شاء الله إنها زينة.
إبدأوا بالبحث عن وظيفة أخرى من اليوم ....

بالتوفيق للجميع.

ودنانتفائل بس الواحد تطق كبده من كثر ما ينتظر
بالموت وطقة الكبد تخرجنا والحين بالموت بنلقى وظيفة تناسب طموحنا واذا قدمنا ماستر ما يقبلون
واللي يقهرك تلقى بنات معاهم ثانوي اقل منك شهاده ومتوظفين حكومي بالواسطة
راحت أعمارنا واحنا نتمنى ونطمح وننتظر لي متى
دخلت الجامعة وانا كلي تفائل وتخرجت وانا محبطة
وكل ماتفائلت سدوها بوجهي ا
اجل هذي الوظيفة كنت متفائلة خير وواثقه انهم يقبلوني وعديت الاختبار والمقابلة أوكي وبالاخير ولاشي
صار عندي خوف من جداره صرت متشائمه ما ابغى افرح نفسي وأتفاءل وبالاخيرانصدم زي هذي
عاد اذا مااقبلوني بجداره معناته شهادتي اللي ماخذتها زينه
والله يخلف علي التعب والسنين اللي كافحتهابالجامعه
يارب لا اتواخذني على الكلام بس الواحد تطق كبده
نفذ صبري انا لازم اتوظف حكومي هذي السنه تعبت
ليش يهدون طاقات مثلنا بالفاضي عندنا طموح وطاقات توزن بلد لو بس يعطونا فرصه
صبر جميل يارب
إحباط في إحباط
الله يفرجها
الحمد لله على كل حال

هاذي مواول وظيفه ترى ادخل فيها مسابقه
كلها اتعب واطق مشاوير واخرتها اطلع فشنك
وانا ماهمني كذا لانو رزقي بيد الله ولا ادري وش المكتوب
لكن اللي باط مرارتي انو فيه ناس ياخذونها بدون مايتعبون زينا وتجيهم جاهزه
كل هذا بس عشان وراها احد يضبطها وواسطه
والسبب الرئيسيس اللي ماخلانا نتوظف ونلاقي فرصنا هو ان الوظائف تروح على هالاشكال اللي يجيبونها بالواسطه
بعذرهم يوم يقولون مافي شواغر لانها بالاساس تشغر بدون وجه حق وبالواسطه
ناس مومتخصصين ولادارسين ياخذونها بارده مبرده
واحنا شهادتنا الجامعيه ماجبناها الابتعب ودراسه وضغط
واخرتها نجلس بالبيت

حسبي الله ونعم الوكيل

ياجماعه انا مستغربه كيف تم الفرز اصلا هذي ان طريق
ديوان الخدمه يعني لابد من اظهار اسماء المقبولين بالموقع والجرائد
لانها وظائف حكوميه مو مثل القطاع الخاص
على العموم مبرووووك لكل المقبولين والله يعوضنا بالاحسن

الف مبرووووك لكل المقبولين الله يارب يوفقهم ويزيدهم ويسعدهم والله فرحنا لهم
بس ماقهرنا الاطريقة الفرز ينادون مئة وزيادة على خمس وظائف ليش كان ريحونا من البداية اذا مافي شي

صباح الخير ياحلوين

لاتتهمونهم بالواسطات .. اقسم بالله ويشهد علي ربي انها من دون واسطه

واخترت مدينتي حتى لما سئلني حق المقابله .. قلت ابيها لانها عند اهلي وبكون مرتاح مادياً ونفسياً

مع اني ولد اقدر اروح للخرخير او القريات ماعندي مشكله

بس المرتبه السادسه وفي بيت ابوي تسوا المرتبه الخامسه عشر بالقريات ^_^

وبعدين بقولكم ع دعاء تكفون احفظوه وقولوه بكل صلاه

اقسم بالله اني مجرب ,ومن كنت بثاني متوسط اذا مب غلطان وانا مواصل ع هالدعاء

والله اني مرتاح جداً .. والحمد والفضل لله سبحانه

"ربي إني لما أنزلت إلي من خير فقير"

استمروا عليه ,ومتأكد إنكم راح تشوفوا نتائج طيبه ع حياتكم الماديه والنفسيه

والرزق والخير مو وظيفه وبس .. بحياتك كلها خصوصاً الزواج والأولاد


بالنسبة لي اقولها بكل صلاه بعد التشهد ,واقولها بالسنن الرواتب ,واقولها باذكار الصباح والمساء

لدرجه صرت متعود اقولها دايركت ^_^

من كثر ما اقولها .. والحمد لله ع كل حال

ادعيلكم من كل قلبي ,ان الله يفتحها بوجيهكم

ومثل ما اسعدنا وافرحنا بالوظيفه .. يسعدكم بالوظيفه باذنه تعالى

انسوا هالوظيفه .. وراقبوا موقع وظيفه كم .. ترا ع طول ينزل الوظائف والمسابقات

ربي يحفظكم ويستر عليكم ويرزقكم بالرزق الحلال

اللهم آمين

^
ابك انا ماقلت انك ماخذها بالواسطه
ادري انك اخذتها بدون والله يوفقك
انا اتكلم عن الوضع الزفت هنا بصفه عامه وبكل المجالات

حسبي الله ونعم الوكيل

[align=right]نسرين, أما إنك بنت الأستاذ عمر رحمة الله عليه؟
ألف مليون ونعم

..

إيمان, واضح إن تخصصك قانون من يوم ردك على سالفة هبة بعد طلوع النتائج
مافي إنسان راعي مناحلة وتحجير إلا وفيه عرق قانوني [/align]

[align=right]على مايبدو, أن أغلب ردود الأخوات هنا مليئة باليأس والتظلم
وهي نوع من الفضفضة ولا ضير .. لكن لا تأخذهم هذه الفضفضة نحو ظلام حالك طيلة الشهور المقبلة
يقول مصطفى محمود:

من يقرأ التاريخ لايدخل إلى قلبه اليأسُ أبدًا
وسوف يرى الدنيا أيامًا يداولها الله بين الناس
الأغنياء سيصبحون فقراء ..
والفقراء ينقلبون أغنياء ..
وضعفاء الأمس أقوياء اليوم ..
وحكام الأمس شردوا اليوم ..
والقضاة متهمون , والغالبون مغلوبون
والفلك دوار والحياة لاتقف
والحوادث لاتكف عن الجريان
والناس يتبادلون الكراسي
فلا حزن مستمر ولا فرح يدوم!


كلام بماء الذهب

..

أبك حالة لإنسان أخذها بعرق جبينه ووصل لمبتغاه الحمدلله
أنا حالة لإنسان أخلص النية في إنه يبعد عن الواسطة وأكل هوا والحمدلله راضي بالنصيب.

ركزوا, فالحياة اكبر من مجرد وظيفة أو زواج أو راتب! الحياة أن تكون مؤمنًا بكل ماأمرك الله أن تؤمن به وحينها ستنجو في الحياة وبعد الممات مهما إبتلاك الله في حياتك. [/align]

يسعد مساكم ,واسعد الله مساك بالخير والرضا يا طروق باشا

يسعدك ربي ع هالردود اللي تثلج الصدر

والله ان ردودك اقراها مره ومرتين ,الله يحفظك

البنات .. ان شاء الله تتفوقون بوظائف اخرى ونسمع عنكم كل خير ان شاء الله

طروق .. ياشيخ واصل ماستر وربي فكرك فكر رجل قيادي

محترم وخلوق ومحبوب ومزيون ^_^

لك مني الدعاء ,وللجميع

الله يرزقكم ويفرح قلوبكم باللي تتمنوه وانتم بكل صحه وعافيه

اللهم آمين

دمتم برعايته وحفظه