مساء الخير على الجميع
حبيت استفسر اذا احد عنده خبره او تجربه في مشروع مفروشات ( بطاطين ومفارش ومخدات ومن هالحاجات )
طبعا مو مفروشات كبيره
ياريت احد يفيدني عن التكلفة وكيف هالشغله حلوه ومجديه
تحياتي للجميع

فيها خير ان شاءالله ,, بس للاسف ما عندي خلفيه عنها

ان شاءالله يفيدونك الاخوان باللي يعرفونه.

فيها شغل واكثر الي مكوش على هذا المشروع هم الأفغانيون ولو ما فيها خير ما استمرو
الاخوه الأفغان لهم طريقه في هذي الشغله يشتمعون كل ٥ أشخاص في مشروع بمعنى قطه ويستاجرون معرض كبير ويديرونه
ويحصلون خير الله يرزقهم ...لو تفتح مشروع حاول ما تجيب الا أفغاني لعلاقتهم ببعض .. حاول تدرس الموضوع وابحث في قوقل
ومحلات السجاد قبل البدء والله يوفقك

اتمني يجي من يفيدك باسرار هذا المشروع وخباياه ونستفيد
موفق ان شاء الله

المفروشات والبطاطين اعتقد شغلة شوي متعبة ليش لأن الواحد متى يشتري بطانية بالسنة بالسنتين مرة

فدورة المال فيها ضعيفة مقارنة بغيرها

بالشتاء تتحرك صح اذا جاء برد صح وبعدين يكون السوق ميت


اذا انت في مكة والمدينة جيدة نوعا ما للزواروقريب من الحرمين