تسجيل الدخول
|
|||||||
تأسس الموقع عام
2006
Site was established in 2006
|
|||||||
| أضف رد |
|
|
LinkBack | أدوات الموضوع | انواع عرض الموضوع |
15-05-2012, 04:40 AM
|
||||
|
||||
|
خبر خاص .. للي دخولهم في الأمن العام مدينة الرياض السبت الجاي .
السلام عليكم ورحمة الله وبركاته أدخل في الموضوع على طول الخبر الخاص بدخول طلاب الأمن العام بمدينة تدريب الأمن العام بالرياض السبت الجاي يقول انكم في الكتيبة الثانية وذي نقطة حظ لكم مررره أول شي بيكون الميز والمسجد والبوفيه لكم لحالكم كتيبتكم الكتيبه الوحيدة اللي بتكون بعيده عن الكتايب ال4 اللي دخلت قبلكم يعني مافي زحمه في الميز بعيدين عن العيون بشكل كبير نظامكم بيكون مريح واللي فوق كذا الكتيبه مقسمه الى 3 سرايا من ضمن ذي السرايا سريه بيكون رقيبها شخص ولا كل شخص اسمه ناصر الأكلبي والله ي شباب اللي يكون في سرية الرقيب ناصر الأكلبي ذا شخص محظوظ لأبعد الحدود يعني الحجز بعد ال45 بيكون قليل مره مره مره فوق ماتتخيلون ذا الشخص مايبي منكم الا 3 حاجات فقط وماهي صعبه ابدن وبين يدينكم متوفره 1- الإحترام لنفسك وله وللمدربين 2- الحماس في الحصص في الميدان 3- النظافه في السكن والميدان يبي الشخص اللي يحترم المدرب ويحترم الرقيب ومايخالف التعليمات بشكل بجح يدري ان فيه طلبه يدخنون يدري ان فيه حركات بس بالمستخبي ومايدقق ابد ولايحب يدقق ورى الطلبه عشان مايكفشهم لكن الطلبه الهمجيين اللي يسويها عربجه ذا يروح وطي ثاني شي يبي قوة في التمارين وفي العرض اللي قدامه وفي الميدان الكبير يبيكم اقوى سرية لأن الكتيبة مقسمه إلى 3 سرايا كل سريه لها رقيب فإذا إنبسط منكم ووقتها بتكونون مبسوطين مره لأنه في ال45 بينسيكم همها مره بتكونون أكثر السرايا في مدينة التدريب كامله راحه ودخول للسكن يعني بعد الحصص راحه على طول الا الطلبه الغير محترمين ولا ملاحظاتهم قويه مره يعني وضع النوم مره تمام لكم ومريح جداً وكثير كثير يعطي كما كنت للمحاجيز تعرفون يعني ايش كما كنت يعني يا طويلين العمر اللي مسجل محجوز في السريه وشاف الرقيب عرض في الميدان مثير مره وحماس وصوت عالي كل المحاجيز افراج كما كنت والشي الثالث النظافه في السكن يبي دورات المياه تبرق ونظيفه والفصايل نظيفه والاسياب نظيفه وبكذا تاخذون عيونه في التدريبات اللي تكون خارج الميدان مثل تدريب الرمايه أول الفصول الدراسية خلال الدراسه بعد ال45 اللي يسجلوون اسمه ويقولون له راح نحجزك يروح للرقيب ناصر اهم شي يكون شخص معروف لدى الرقيب ناصر انه كفو ومضبوط ويقوله والله راح يفكه على طول وثاني شي اللي يقدر يصير ضابط صف في سريه الرقيب ناصر يسير لأن الرقيب ناصر ماهو ضعيف نفس ويخلي ضباط الصف يعلمونه باللي يدخنون والامور ذي يعني مايحب هو نفسه مايحب الدبوس ذا مره مايحب يكره الرجال ذا مره ولا يتقبله وتراه نصراوي بحت مره يعني اذا فاز النصر بكاس الملك يابختكم هههههه بس والله ي شباب بتنبسطون جدا اللي في سرية الرقيب ناصر وطبعا كلامي مو تقصير في حق الرقباء والكتايب الثانية بس من حقي افتخر في الشخص اللي خلاني احب الدورة رغم قسوتها من حقي افتخر بالمدرب اللي ماقصر معانا في اي شي الرقيب ناصر والمدرب منير الشهراني والمدرب ناصر الخليوي والمدرب فواز الشيباني والمدرب حمد الزيد ذولا مدربين ونعم المدربين ولا انقص بالمدربين الأخرين لكنهم مدربيني اللي أفتخر فيهم وفي تدرييبهم في كتيبتي لأن سريتنا بالرقيب ناصر أخذت أفضل العروض في الميدان الكبير في مرات كثيرة وذلك بفضل ربي وبفضل تحفيزهم لنا وبفضل جهود إخواني الطلبه في الميدان وأحب أقولكم شي خلا سريتنا تحب ذولا الأشخاص كثير هم كانوا أفضل معينين لنا حتى في قسوتهم كان فيها لين يعني ممكن يجازونك بعدين جزاوات كثير كثير لكن مايحجزونك لأسباب تافهه ابد ويعدون اشياء كثير مره بس اهم شي يشوفون منك احترام لهم وللميدان وللسكن والاحترام الاول اللي يهمهم المسجد اذا احترمتوا نفسكم فيه صدقوني بتلاقون احترام كبير منهم وألف مبروك للي داخلين السبت الجاي في سرية الرقيب ناصر الأكلبي ألف ألف ألف مبروك لكم وهذا الخبر لحاله يخليكم أفضل من غيركم كثير في الدورات . وبالتوفيق للجميع في جميع السرايا والكتايب .
|
|
15-05-2012, 04:45 AM
|
||||
|
||||
|
اي مدينة تدريب لو سمحت
|
|
15-05-2012, 05:20 AM
|
||||
|
||||
|
أكيد في الرياض مافي إلا الرياض
|
|
15-05-2012, 05:41 AM
|
||||
|
||||
|
بارك الله فيك
|
|
15-05-2012, 12:54 PM
|
||||
|
||||
|
|
|
15-05-2012, 04:38 PM
|
||||
|
||||
|
بيض الله وجهك والله انك اعطيتني حافز
|
|
16-05-2012, 04:39 PM
|
||||
|
||||
|
الله يوفقكم ويرزقكم
|
| أضف رد |
|
(( لا تنسى ذكر الله )) |
|
|
|
|
العرض العادي
