انا اليوم جايه اطرح هنا مشكله اكثر من بنت

كلنا اشتغلنا في مؤسسه
على اساس عقد وتامين اجتماعي
والموارد جايه بالطريق

براتب 1000 ريال يخصم منه 200 للمواصلات
وكذالك يخصم من كل موظفه 1000 ريلل تامين على الاجهزة الي نشتغل عليها
يخصم على دفعتين كل شهر 500 ريال يبقى للموظفه اخر شي 300 ريال راتب اول شهرين بها المؤسسه بعد كذا تصير تستلم 800 ريال على دوام من الساعه 7 الصبح الى 4 العصر
او دوام من 7 الى 12 الظهر ومن 4 الى 8 بالليل

ماعلينا من هذا كله اكتشفنا قبل فترة ان العقود الي وقعنا عليها تم اتلافها بمجرد ماغادرنا المكتب
وان التامينات كانت كذبه واحنا غير مسجلين بالتامينات

غير ان الموارد ايضا كذبه رفع صاحب الحلال الرواتب الى 1500 ريال
علشان يضمن سكوت البنات يعرف ان كل الموظفات محتاجين لها
بعد كذا صار يطرد البنات بدون وجه حق ومايعطي احد حقه

يعني ياخذ الف التامين بالاضافه الى راتب او راتبين ويطرد الموظفه
واذا تم سؤاله عن الراتب ليه مانزل بالحساب يقول انا احفظه لك عندي ؟؟؟؟؟؟؟
بها الشكل يوظف ويطرد بالبنات ومايعطي اي وحده حقها بالاضافه انو يخصم من بنات بدون وجه حق
من تساعدوني كيف نقدر ناخذ حقنا منه

لو عندك او عند وحده من البنات صور من العقود روحوا لمكتب العمل واشتكوا

لكن لو ماعندكم مايثبت ماتقدرون تسون شئ

وانتم من البدايه الله يهديكم كيف ترضون تتوظفون عنده براتب يصفى لكم منه 300 ريال

مافي فايده من مكتب العمل لاننا كلمناهم وحده من البنات اشتكت ولها الان سنتين ومحد اعطاها وجه
والتانيه قضيتها وصلت للمحكمة ونفس الشي متمرمرة ومحد سوا لها شي

قال مكتب العمل هههههههههههههههه أساس المصائب كلها مرجعه مكتب العمل الله على كل ظالم

حبيبتي روحي المستشفى السعودي الألماني وظائفهم فوريه ورواتب حلوه وجو العمل أحلى

بالتوفيق غاليتي والله يآآآخذ حقكم منه

كيف ياخذ تامين على الاجهزة وهي تبع الشـركة وتستخدم لمجتال العمل ويستخدمها اكثر من شخـص؟؟
للاسف ياختي هذا منكم انتم يعني مافكرتم زين وشلون توفقون على تامين على شي ملك الـشركة
كيف توافقون يخصم بدل المواصلات حتى لو هو وفر لكم المواصلات ؟
وكيف ترفضون بدل السكن ؟
الراتب يجي مقسم الى : راتب اساسي , بدل سكن , بدل مواصلات وغيرها من البدلات الاخرى
هذي بس الا يتم الخصم منها فقط 9%
اللي هي لتامينات الاجتماعية
وبنسبة للعقود اذا معاكم صوره منه توجهوا بشكوى لمكتب العمـل
وانتم الرابحين 100%
وتقدري بحاله ثانيه اذا ما معك صوره من العقد
اللي هي ترفعون دعوى على الشركه بمكتب العمل
مو بالحالك اكثر من 5 موظفات ويكون القرار بصالحكم ويتم استرجاع جميع المبالغ لكم

لا تعليق مادام خصمك من اصحاب الاموال

عليك ذهب الي مكتب عمل اذا مصار شي
ارفعي شكو في امارة المنقطه
شنو في صير معاكم
الله يعينكم

بعض الاخوة يشور عليك بالتقدم بالشكوى على مكتب العمل
وهو رأي جيد في حالة انه لديك المقدرة على مواصلة الشكوى
وكل ما يعينك عليها من معارف وخبرات قانونية وحتى مواصلات

ولكني ارى ان تكون لك بمثابة درس يوضع في الحسبان في مجالات عملك القادمة
بالتوفيق
...

يعطيك العافية ...

حسبي الله عليهم

الناس صار همها الماده وتاكل حقوق الناس اعوذ بالله

لازم تشتكون وماتسكتون