السلام عليكم ابغى مشورتكم
انا موظف في شركة وراتبي الحمدلله طيب ومرتاح والمدراء مبسوطين مني لي 6 سنوات معاهم لكن قي السنتين الاخيرة وظفوا نساء وصار فيه اختلاط وبعض الامور اللي ماترضي الله فصرت اتضايق. علما باني مااحتك بالنساء لكن لما اشوف هذه المناظر انقهر
ففكرت اني اطلع ليموزين واشتغل بالمطار كل اللي استشرتهم قالوا لي لا انت معك دبلوم وبامكانك تطور نفسك وتكمل تعليمك حرام عليك تضيع دراستك ... ايش رايكم وجزاكم الله خير

كآره المشـاكل ،،
أول شيء أسعد الله مسائك وعسى الله يكتب لك ألخيره ودروبها يارب،
وبما أني انا كنت أشتغل ب المطار وشغال للحين ولكن ماهو زي قبل، والسياره ماهي ملكي ملك أخوي، ولكن أوقات الاقيها فاضيه واخوي مايحتاجها أخذها انا واروح بها المطأر لانها مسجله ب ألمطار
الخلاصه أنت ب امكانك تكد المطـار وموظف في شركه أكثر الكدادين ف المطار بالتكاسي زي كذإ ف الصباح بالشركه ومن ألمغرب ف المطار ليين 12 او متى مايطلع اخر مشوار له
وبكذا تستغل وقت فراغك،ومنها تبقى في شركتك لأنهم عارفينك وعارفين أسلوبك وشغلك ومنها تطور نفسك وتطور سنوات الخبره عندك في،ألشركه لين الله يفرجها بوظيفه حكوميه لأنك ماشاء الله تبارك الله "6 سنوات خبره" ماهي هينه ولأ يستهان فيها،
واذا على المكده ف المطار فهي حلوه .. من ناحية شهر الشغل حلو وشهر لإ لان في نظام البوابات شهر تفتح وشهر تغلق!!مثلاً بوابه رقم 3، تفتح لمده شهر وبكذا يكون الشغل فيها زي ألعسل لو تشتغل يمكن تطلع شي حلو، وشهر مغلق يعني، تطلع نص ماكنت تطلعه في الشهر أيام ماكـانت البوابه فاتحه ولكن المطار والمكده فيه فيها رزق وأسع،وبركة فيه
اتمنى لك ألتوفيق وعسى الله يكتب لك ألخيره ودربها
ولكن نصيحتي لك " لأ تترك وظيفتك " انت طلع اللموزين وجرب الشغل وشوف قدرأتك وشوف وش مدى صبرك

من ترك شيئا لله عوضه الله خيرا منه

أبشر بالخير اخوي

جزاكم الله خير

لا تترك وظيفتك

حاول تنصح الإدارة عن الأخطاء اللي تشوفها بأسلوب طيب وإذا ما صححوا بلغ الهيئة إذا تشوف الأمر فعلا مخل !

لو نترك كل مكان نواجه فيه أخطاء راح يجي يوم نجلس في بيوتنا !



الله يوفقك

[align=center]
أخوي ليتك وضحت وش تبي
إنت إعتراضك على النساء االلي معكـ وإنك تبي تطلع من العمل
وإلا تبي تشتغل كدّاد وهمّ تهد شغلكـ
وإلا تبي تكمل دراستك ..
وإلا وش بالظبط ؟

لو على النساء ... فإنت قايل لكـ سنتين ... دام إنت حالك وهم في حالهم وش الضرر ..
تشتغل كداد ,, ليش لأ دام وقتك يسمح ...
والدراسه ... كملها إنتساب ..
كذا إنت جمعت المجد من أطرافه ...

لاتاخذ بشور أي أحد يقولك إترك الوضيفه زي الرد الل قبلي ... ماحد يعرف ضروفك أكثر منك ..

تحياتي لكـ
[/align]

طيب ليه ماتدور لك وظيفه بشركه ثانيه افضل من تترك الوظيفه بالمره

والله يجزاك خير على اخلاقك العاليه

وسيعوضك الله خير في حال تركت شيء لاجله

لا تطلع

اشتك عليهم

الاخلاق الجميلة صفة ممتازة
ولكن نتعامل مع الامر هذه برقي فكري بامكانك تنصح من تشوفهم في خطا
من ترك شيئا لله عوضه الله خيرا منه
الله يكتب لك اللي فيه الخير