ابغى اسالكم
وش افضل المدارس المتوسطه والثانويةة في سراة عبيده والتهامات
الله يعافيكم

السلام عليكم ..
واعتذر من كل من طلبني للمساعدة ولم ارد عليه بسبب سفري للخارج وانقطاعي عن متابعة المنتدى..
اولا الف مبروك توجيهكم للقطاعات..
ثانيا وهو السبب في اني سجلت في المنتدى ..
كنت اتابع التجمع من بدايته.
ولفت انتباهي موضوع مهم جدا وهو السكن والرغبة في ايجاد سكن مناسب ويكون مكانه مناسب . وتردد في اكثرمن رد اسماء لشقق مفروشة كثيرة في السراة
هذا الموضوع هو اول موضوع كنت ابغى اعلق عليه .
باحاول اختصر..
فيه شقق في السراة غير مناسبة لسكن العوائل لعدة اسباب . اما لمكانها او لسمعتها او لانها عادة تستخدم هذه الشقق في بعض الامور الغير شرعية. وهذا الأهم . ومثل هذا الأمر لا يعرفه الكثير سواء كان من اهل المنطقة او من خارجها.

اكيد ما اقدر اقول اسماء هذي الشقق لانو مو من حقي اشهر بها في منتدى عام.
وما اقدر ارسل برايفت لان عدد المشاركات لا يسمح.
لكن باحاول في ردي القادم اقترح بعض الحلول اللي اشوفها مناسبة ..
بالتوفييييق للجميع.

احسس اني رايحه مدينه ررررعب مووو مدينه بالسعووديه حرام يوجهوناا لكدا اماكن ورربي حسبي الله ونعم الوكيل بس

العرين ماهي القرى التابعه لها وكم متوسط فيها وكم المسافه من ابها للعرين احد عنده معلومه عنها

السلام عليكم..
بالنسبة للسكن لمن تعينت في ظهران الجنوب وتهامة ظهران .. فالظهران والسراة نفس الشي تماما .. لا يوجد اختلاف كثير
فالسكن في ظهران هو الخيار الافضل
لمن تعينت في تهامة قحطان .. تهامة كبيرة . لكن الأغلب يمكنهم ان يداومو من السراة وهو الأفضل بمراحل من السكن في تهامة
اما اذا كانت بعيدة المدرسة فافضل الخيارات السكن في الفرشة او الربوعة
اللي تعينت في السراة . اولا احمدي ربك . لان خياراتك كثيرة . يمكن ان تداومي من ابها او الخميس او من احد رفيدة او من السراة نفسها.
لكن في شرايح تابعة للسراة بعيدة عن المركز . وهي غالبا ما يتم توجيه المستجدين اليها.
وبما اني انا اداوم يوميا من ابها الى السراة فإني اقترح وبقوة السكن في السراة لأنه الأفضل والأكثر راحة ( قلق الدوام من مكان بعيد . خصوصا في العودة )
المشكلة وين تسكنو في السراة؟!
قبل احد يجاوبكم لازم تعرفو بعض الأمور
المنطقة المركزية او منطقة الخدمات في السراة صغيرة جدا . يعني المكان اللي فيه اغلب الأسواق والشقق والمطاعم لا تتجاوز الطريق العام الرسمي الوحيد بطول 2 كلم فقط.
سراة عبيدة ليست مدينة تتكون من عدة احياء مترابطة كالعادة في اغلب المدن او المحافظات الكبيرة
تقريبا مخطط أ ومخطط ب ومخطط ج وما جاورها هي اهم الأحياء ( ان صح التعبير ) اللي في السراة ( وهذي المخططات اغلبها عمائر استثمارية لتاجير الشقق والأدوار سنويا . ) وبصراحة هي مكان مناسب للسكن لكن داااائما فل وقليل جدا ما توجد فرصة للسكن هناك
ما يحيط بالمحافظة هي عبارة عن قرى . القرية تشبه اي حي في اي مدينة لكن الفرق ان جميع سكان هذي القرية يعرفون بعض وتربطهم علاقات اجتماعية قوية والفرق الاخر انه لا يوجد غالبا خدمات : (مطاعم .ماركت . صيدلية.... ) لكن لا تبعد هذي الخدمات اكثر من 2 كيلو لاغلب القرى المحيطة بالسراة (يعني دقيقة وحدة بالسيارة )
لذا انصحكم بالسكن في احدى القرى المحيطة بالمنطقة.
اسف جدا ع الإطالة . لكن صدقوني انا اقول هذا كله لأني قريباتي اللي تعينو بمناطق بعيدة نفسي ان احد ينصحنا بالأفضل. فأنا حاس بمعانتكم
باختصار :
والذي نفسي بيده لو ان اختي او قريبتي تعينت في السراة او في المناطق القريبة لتهامة لأخترت لها ان تسكن في قرية قريبة من المحافظة لهذه الأسباب:
_ القرية اااامنة جدا اكثر من اي مكان اخر .
_ لا يوجد عمالة الا عمالة خاصة وقليلة ( سائق . مزارع .... )
_هادئة جدا لا يوجد صخب ولا زحمة ولا تفحيط ولا سلوكيات مزعجة
_ الجيران بيكونو مثل الأهل بكل معنى الكلمة (وهذي انا جربتها ) . وامكانية وجود حضانة اهلية للأطفال ( عند وحده من الأهالي في بيتها )
_ الشقق كبيرة وعادة ما يكون معها حوش وتكون باقل من نصف سعر الشقق اللي في البلد

سوووري مرة ثانية ع الاطالة لكن اتمنى اني افدتكم..
مع ان فيه بعض الأمور من ناحية السكن اشوف ان المفروض اني انبهكم عليها بس ما ينفع اقولها في منتدى عام . لكن الله يدلكم على اللي فيه الخير.
عمام اعرف بعض الشقق المناسبة سواء في البلد او في احدى القرى القريييبة جداا من البلد
اللي تبغى المساعدة في السكن تخلي قريبها يتصل علي 0557288555
بالتوفيييييق

اخ غرريب انا متوجهه لتهامه قحطاان وقررت اسكن بالخميس لاني حسيتهااا متوفر فيها كل شي وخصوصاا انه بنسكن مجموعه معلمات الخميس بتكون امان افضل وبصراحه يوم جيت للمقابله حسيت المسافه من الخميس للسراه مره مو شي وش ررراايك

الحمد الله على السلامه يا اخ غريب الله يسعدك انا تعينت في قطاع العرين كلمني عن العرين وقراها و مدارسها

ام هنودي وسوسو
انا كلمت صاحب شقه في الخميس بس لسه ما اكدت الحجز
وقال الحي اسمه الشرفيه قريب من العزيزيه و كل العماير سكن معلمات ..
انتي سكنتي فيها ؟؟