21-05-2012, 06:41 PM
|
عضو نشيط
|
|
تاريخ التسجيل: May 2012
الدولة: الرياض
المشاركات: 150
معدل تقييم المستوى: 26
|
|
اقتباس:
المشاركة الأصلية كتبت بواسطة تخصص جغرافيا
بنات الله يهديكم ليه ماحد يرد على استفساراتنا ؟؟؟
هالتجمع عملتوه عشان نفيد بعض اذا كل وحده بتشوف كلام الثانيه وبطنش معناته ماله داعي التجمع
كلكم هنا مرشحات القويعية وكلكم جهزتوا لكم وثائق
اسألكم شنو الوثائق الي بتاخذوها ولا وحده ترد علي ليه ؟؟ وش الفائدة من هالتجمع اذا مافي تعاون ؟؟
|
بسم الله على قلبك
انا اوخيتس انا تاريخ لا تعصبين هم هنا بنياتنا يستحون مو متعودين على الناس سمحي لنا
انا أمهم هنا أسأل وأرد على نفسي انادي واسمع صدى صوتي بس عادي مستمره
آمري تدللي انا موعدي الخميس البعد الجاي آآآآآآآآآآآآآآآآآخر الناس وش اسوي ظروف
انا طالعه سفر عشان السجل
هو صحيح القويعيه ما حطت طلبات لكن انا حاولت اجمع من المنتديات ياحظي مع هالخدمه
سمعي الى الآن قيد التجهيز
1) أصل الوثيقه (الأم )
2) أصل بطاقة العائلة خشت أبونا والأحوال اللي فيها خشتي
3) أصل السجل الأكاديمي وهو كشف درجاتك وموادك اللي درستيها بالجامعه (للأسف ماجهز)
4) أصل البرنت اللي سحبته من الموقع اللي بدون كروكي فاضي الى الآن ما طلعت الصوره
5) أصل ورقة وزارة الخدمه المدنيه اللي بالمطابقة
6) صور لكل اللي سبق أتوقع من الخوف بجيب مية صورة لكل وحده
7) صورة للوثيقة + السجل الأكاديمي (مختومه من الجامعه بختم مكتوب فيه كلمة طبق الأصل ) لم يجهز
8) ورقة يقال اسمها افادة تعطى من الجامعه مع السجل بس لازم ننبههم لأنهم ينسونها من الزحمه تختم فيها الجامعه انها سلمت البنت سجلها الأكاديمي تدرين هو قدامهم بس ما يصدقون الا بالافاده اللهم لك الحمد والشكر بس .
ياعمري هذه عدتي اللي شي منها جهز وشي لسه قيد التجهيز لأني بسافر للسجل
ربي يسهل عليك وعلينا وعلى جميع بنات السعوديه المتعينات ويبعد عنهم الحسد والعين
|
العرض العادي
