السلام عليكم...
انا زميلتكم -- معلمة إقتصاد __ متزوجه عندي ولدين ولله الحمد واسكن في الرياض
جاء تعييني بالقويعية ولاحول ولاقوة إلا بالله
عندي سؤالين: ومحتااااااااااااااره

الاول: متى التوجيه؟ وهل إذا كان التوجيه بعيد جدا اقدر اعترض عليه او اطالب بمنطقه ثانيه
الثاني : زوجي موظف في إدارة بنك ولا يقدر ينقل وانا محتاره هل اروح مع النقل يوميا مع العلم اني اسكن في شرق الرياض يعني يبيلي ساعة على الاقل عشان اكون في غرب الرياض بإتجاه القويعيه؟

مع تمنياتي لكم بالتوفيق جميعا

معلمة اقتصاد مرحبا بك أختي والله اني مثلك حايسة انا بشرق الرياض ومتأملة بإذن الله يخلونا مثل التعليمي ونكون على رغبات اذا خيرونا نختار القرى القريبة من الرياض ومالنا ألا النقل الخاص أم لو قلعونا للقرى البعيدة حيل مالنا الا السكنى بنفس المنطقة عموما البنات هنا ينتظرون التوجية والمناطق وبعدها يقررون اما النقل الخاص أو السكنى بالمنطقة والتوجية خلال هاليومين

أما الاعتراض ماتقدرين بس اذا معاك واسطة يقربونك للقرى القريبة من الرياض او تطلبين ندب بالنسبة للطريقة تسألين الاخ ابو باسل يفيدك
موفقه يالغلا

ينات شوفوا هالخبر من صحيفة سبق:

عوض الفهمي- سبق- الرياض: علمت مصادر "سبق" أن وزارة التربية والتعليم ستعلن نهاية الأسبوع الجاري قرارا يقضي بتعيين ٢٨ ألف معلمة جديدة ممن أنهين إجراءاتهن قبل شهر رمضان المبارك.
وقالت المصادر إن الوزارة تنتظر الأحد المقبل وصول الأسماء النهائية للمرشحين من المعلمين من وزارة الخدمة المدنية لتوزيعها الثلاثاء على إدارات التربية لإجراء المقابلات الشخصية.

وأضافت المصادر أن وزارة التربية ستقوم لأول مرة بتوزيع المعلمين المرشحين على جميع الإدارات التعليمية لإجراء المقابلة بعد أن كانت سابقا محصورة في خمس إدارات تعليمية فقط، وستقوم كل إدارة باختبار معلميها والرفع للوزارة بأسماء من اجتازوا المقابلة لإصدار قرارات التعيين.




يعني وشلون بتطلع اسمائنا هاليومين يعني؟؟؟اللي عندها فكرة تفيدنا ودنا تهدي اعصابنا ونرتب امورنا يارب انك توفقنا جميعا يارب

مشكورة اختي / ياذا الجود على سرعة تجاوبك
والله يسهلك امورك يارب
لكن الاخ/ ابو باسل كيف اقدر اتواصل معه؟

مشهور بالهارديسك _ أبو باسل
أنتي على هالرابط ضعي سؤالك وهو بيجاوبك وتقدري تستفيدي من إجاباته السابقة للبنات
موفقة يالغلا
وإليك الرابط https://www.btalah.com/t439369-726.html

السلام عليكم
كيفكم ؟؟

بنات عندي سؤال مالقيت له اجابة
هل يحق للمعلمة المتعينه المطالبة بإجازه أيا كان نوعها حتى لو استثنائي ؟؟؟
انا بنتي عمرها سنه وشهرين لو طلبت اجازة امومه يعطوني ؟؟

وضعي جدا ملخبط تعينت وماعندي احد اودي له بنتي اهلي واهل زوجي بمنطقة ثانية بعيدة
وقدمت ع شغالة وللحين ماجات

ودي بإجازة الترم الاول ع الاقل لعل الشغالة تجي

تكفووون اللي عندها جواب اكيييييد لا تبخل علي

معلومات للعسولات

تقع القويعية غرب الرياض بـ 160 كلم على طريق السريع ( الرياض - مكة المكرمة )

هي محافظة من فئة (أ) من المحافظات التابعة لمنطقة الرياض، ولا يوجد بها مطار، ويوجد بها كثير من الخدمات ...

محافظة القويعية تعتبر من أكبر المحافظات في المملكة وبالتالي تكون إدارة تعليمها من أكبر المحافظات التعليمية في المملكة ..

عاصمة المحافظة مدينة القويعية

أول المحافظة من جهة الشرق قطاع الجله وتبراك وأقصاه من جهة الغرب قطاع حلبان والخاصرة حيث يبلغ مسافة شرقها إلى غربها حوالي 380كلم .

بها عدد من القطاعات، والبرية منها شبه قليلة ...


1 - قطاع تبراك والجله .. يقع شرق المحافظة وهو قريب من الرياض مسافة 75- 100كلم ( طريق مسارين )
الخدمات متواضعة نوعاً ما والقطاع جميل جداً، خاصة من يسكن الرياض أو المزاحمية . بها بعض المدارس


2 - قطاع القويعية .. وسط المحافظة ويبعد عن الرياض 150- 230كلم ( طريق مسارين )
الخدمات ممتازة والموقع ممتاز .. بها العديد من المدارس


3 - قطاع االرويضة.. ويقع غرب قطاع القويعية ويبعد عن القويعية 66 كلم ( طريق مسارين ) الخدمات جيده جداً والموقع ممتاز .. وبها العديد من المدارس


4 - قطاع الرين ... ويقع جنوب شرق المحافظة ، ويبعد عن القويعية 65 كلم ( طريق مسار مزدوج )
الخدمات جيده جداً لكن الموقع سيء..


5 - قطاع حلبان والخاصرة .. ويقع شرق المحافظة ويبعد عن الرياض270كلم إلى 370كلم ( طريق مسارين )
ويوجد بها طرق برية .. الخدمات متواضعة .. وبها القليل من المدارس وهو الأقرب للطائف


6 - قطاع الحصاة ... ويقع جنوب المحافظة ويبعد عن القويعية 200كلم - 320 ( منها 50 كلم مسارين والباقي مسار مزدوج )


يوجد طرق برية .و الخدمات متواضعة جداً ... وبها عدة مدارس




أقرب قطاع للرياض اللي بالأحمر
وأبعد قطاع هو اللي بالأخضر يعني انتبهوا منه كأنك رايحه الطائف

اوطاااااان من الحطام
الف شكر يالغلاااا على هالمعلومات
والله يستر عندي ولدين على يبي يدرسون السنه الجاية والزوج مستحيل ينقل.

بنات ان شاء االله اذا طلع توجيههنا نبي نجتمع كل الي بنفس المنطقه عشان نتفق ع نقل لاني لقيت نقل وثقه بس قالي كل مازدتوو كل ماصار احسسن