وهنا بعض الهجر التابعة لرفحاء حددت اللي أعرفه منها أفضلها هجرة التمياط حسب علمي

الشمالي الله يجزاك خير ...

يعني تنصحنا اذا تعييني في قريه ولا هجره نسكن في المدينه التابعه لها .. مثلا هجر رفحاء اسكن في رفحا والقريه اللي فيها مدرستي اروح بسياره ,,,,

وكيف الطرق بينهم خايفه من الحوادث

وإياك
أصلا ً حسب علمي ومو أكيد
بعض الهجر مافيها سكن (ليش مسوين لهم مدارس ما ادري)
وكل المعلمين والمعلمات يسكنون في رفحاء

وإذا فيها سكن لاتعتقدي انها مدينة مصغرة وفيها خدمات
يمكن فيها بس ابتدائية ومستوصف ومركز شرطه
لذلك قلت ماينفع تسكنوها
الله يعينكم على المشاوير

بالنسبة للطرق اللي على طريق رفحاء عرعر-رفحاء الحفر هذا جيد

لكن الهجر اللي داخل ما أدري والله
واتوقع بعضها طرقها ردمية
الردمية يعني مسوين طريق ترابي مثل هذه الصورة



أهم شيء تتفقوا مع السايق مايتعدى سرعه معينه
وتكون سيارته مكيفه
وتاخذون ماء بالروحة والجية ..

ماودي أقول هالكلام لكن حتى ماتنصدموا ع الأقل يكون عندكم فكرة عن الوضع

الله يعينكم ويمكن رأيي غلط مافي أحلى من الواقع إذا جيتوا تقررون الشيء المناسب لكم

ياالشمالي الف شكرررر
ماقصرت الله يرزقك يارب

افدتنا كثيير
طيب روضة ابن شريم تبع اي قطاع؟؟

العفو أختي ريماس
روضة بن شريم تابعة لرفحاء وهي على طريق عرعر
داخل شوي عن الطريق الدولي
حددتها لكم بالخريطة
وإبن شريم من قبيلة شمّر العريقة ..

[align=center]صبحكم الله بالخير

انا اتعينت معكم بالحدود الشماليه وبالتحديد رفحاء وانا من اهل الجوف يعني الحمدلله قريبه من ديرتي بس مظطره اسكن برفحاء لانها بعيده اربع ساعات تقريبا مو زي عرعر ساعه وشوي <<<<<<الحمدلله على كل حال

واحب اطمنكم الحدود مره حلوه مو بالتطور والمولات لكن اهلها ناس طيبين واجاويد زي باقي الشمال قلوبهم بتنفتح لكم قبل بيوتهم لاتخافون واتوكلو على الله وهجر الحدود الشماليه ارحم من غيرها زي الجنوبيه والشرقيه
والاخ الشمالي مو مقصر معكم ماشاءالله واي استسفسار حاضره لكم باللي اعرفه

^_^[/align]

[align=center]ايه وبالنسبه للي يسألون عن الاسواق للي معها محرم ممكن بالخميس والجمعه تروح سكاكا عندنا فيه مول فيه الماركات الاساسيه اللي ممكن تخدم بالدوام زي مانغو وسنتر بوينت وسيتي ماكس وهوم سنتر وكذا ماركة ثانيه متنوعه بين عطور وساعات وغيرها يعني تفك أزمتها وقت الحاجه اذا اضطرت [/align]

ياااربي سهلها علينا..

وش هذا كل القرى بعييييده ..

انا شمااليه ماني متعوده على كل هالمسافات طريف نفرها بربع ساعه ..

يعنني لازم نسكن برفحا مافيها مجاااال..