31-05-2012, 03:56 PM
|
عضو متواصل
|
|
تاريخ التسجيل: May 2012
المشاركات: 81
معدل تقييم المستوى: 26
|
|
سلام ياحلوين
مقابلتي كانت أمس الأربعاء تخصص رياضيات اللجنة الثالثة
بما اني أول وحده دخلت سويت المقابلة ماكان فيه في اللجنة غير مشرفة الرياضيات بس
دخلت سلمت عليها وقالت تفضلي اجلسي ياأستاذه
أول سؤال عرفي بنفسك ؟
قلت اسمي وتخصصي وتاريخ التخرج وسكت قالت كملي تكلمي عن نفسك أكثر وبديت اقول لها ايش سويت خلال سنوات تخرجي وكلمتها عن حياتي الاجتماعية ....الخ
تكلمي عن استراتيجيات التعليم ؟ وحوست حوسه خخخ
هل اطلعتي على المناهج الجديدة ؟
بعدين قالت لي عادي ادخل في التخصص والا تبغين بعد شوي قلت لها عادي هاتي اللي عندك هههه
رسمت لي مثلث قايم الزاويه معلوم فيه طول ضلعين والطول الثالث مجهول قالت أوجدي طوله ؟
طبعا الحل باستخدام نظرية فيثاغورس
ماهي الأعداد الأوليه ؟
بعدين رجعت للأسئلة التربويه
كبف تتصرفين مع الطالبة كثيرة الكذب ؟
كيف تنمين حب الوطن في قلوب طالباتك ؟
بس هذا اللي أتذكره
قالت خلاص روحي يا أستاذه بالتوفيق
هذا ما يخص القابلة وفيه بنات سألوهم ماهو الخط المستقيم ؟ هو الخط الواصل بين نقطتين
بنات روحو قبل الموعد بنص ساعة أفضل وحتى تاخذي على الجو
أول ماتدخلون بتحصلون لوحات ارشادية مكتوب عليها أختي المرشحة للمقابلة الشخصية فور وصولك اتجهي الى غرفة التدقيق ومطابقة البيانات . أول ماتدخلون يمين تحصلون الغرفة تدخلون يعطونكم ورقة تكتبون فيها ترتيب القطاعات التسعة نفس ترتيب الورقة اللي طبعتوها من موقع الادارة وتكتبون اسمكم عليها وتوقعون
بعدين يطلبون أوراقكم أعطوهم الملف الأخضر العلاقي القديم ومعاه ( نسختين من وثيقة التخرج + نسختين من بطاقة العايلة اذا كانت صغيرة صوروها وجه وقفا حتى تبين رقم الحفيظة + نسختين من أي دورة أو خبرة )
بس هاذي الأشياء واللي مو مكتوب في وثيقتها النسبة المئوية أو المعدل يطلبون السجل الأكاديمي بس أنا ما شفتهم طلبوه من أي أحد والسيرة والسلوك أبدا ما طلبوها
وطبعا راح يطلبوا منكم ورقة موعد المقابلة وورقة ترتيب الرغبات واللي مالحقت تطبعها عادي تقولهم يطبعون لها المشرفات جدا متعاونات
كذا خلاص تجلسون بالاستراحة تسولفون وتتقهوون خخخ لحد ما ينادونكم للمقابلة وخلال المقابلات تمر عليكم وحده من الاستاذات بكشف أسماءكم وتسألكم عن مناطقكم حتى تكتب اسم المستشفى اللي تحولكم عليه راح تطبع لكل بنت ورقة كشف باسم مستشفى منطقتها تسوون الكشف براحتكم وترسلون صورة بالفاكس على مديرة شؤون المعلمات الاستاذة بثينه والأصل تجيبونه معاكم وقت المباشرة
وبعد ماتخلصون المقابلة اصبروا راح تتاخروا شوي لأنهم بيوزعون عليكم أوراق تعبونها اللي هي طلب التوظيف ومسوغات التعيين راح يكون معاكم استاذه وأنتم تعبون تمشي معاكم أول بأول
بعدين يسوون التدقيق النهائي بملفاتكم ويتأكدون انها كاملة وما فيها أي خطأ
وبعدين تمشون
أنا دخلت الادارة الساعة 4 وخرجت 9 ونص
المشرفات حبوبات ومتعاونات جدا جدا وصبورات بشكل
الله يسعدهم ويوفقهم محللين رواتبهم من قلب
بالتوفيق ياحلواااات لا تخافون أبدا هذا اليوم كان من أمتع أيام حياتي
اللي عندها أي استفسار لا تتردد
دعوااااتكم
|
ا
العرض العادي
