مشكورة ياقلبي

كنت متوقعه ان مافيه مساء
لكن وش هي الاوراق المطلوبة
سمعت ان السجل الاكاديمي ضروري
مع وثيقة التخرج
وكرت العائلة
وطبعا ملف علاقي

حبيبتي ابتسام ياليت ترسلين لي رقم الببي حقك ع الخاص
لان ما عندي مشاركات تسمح لي ارسل لك رساله ع الخاص ...

صباح الخيرات صبايا

اليوم صارت لي سوالف ماكتبتها الظهر لاني مادل الطريق قمت وصحصحت الحين

الصباح قلت ي بنت قبل لاتروحين اعرف سالفة الكشف مو كل ساعه بتروحي تجي

جلست احورف علي النت اطلع ارقامهم تيع وادي الدواسر مالقيت رقم صاحي
قلت كلمي الديوان واهل الرياض تعرفونهم مايردون مشغول دايم

قلت ي بنت ماعندك الا تبوك هم اللي يبردون القلب ويوسعون الخاطر
دايم اكلمهم ويبشروني فديت العتبان انا والله
المهم رد علي موظف قال لا تسوين المقابله وتاخذين الورقه وتسوين هونيك الكشف ترا مايطول يوم يومين
سكرت منه وجيت خبرتكم

ثم قلت ي بنت كلمي الوادي يمكن هم غير يمكن يرضون اسويه بالاحساء واجيبه معي المقابله يتساهلون يعني
لكن مافي امل يردون
قلت ي دانتيل لايضيع اليوم ولا سويتي شيء

واروح ادور ارقام مدارس بالوادي قلت هم اللي بيردون واطلب الرقم منهم حق مكتب الاشراف

توكلت علي ربي وجلست اشوف الاسماء ي بنت علي اي مدرسه تدقين
اخترت المدرسه الاولي بالخماسين ودقيت

وردت علي مساعدتهم
السلام عليكم كيف الحال
قلت لها ممكن رقم الاشراف حقكم انا من اللي بسوي مقابله هونيك
قالت ابشري
وقالت ي هلا وغلا فيكم
وان ماشالكم الوادي نشيلكم حنا
قلت كيف الوضع عندكم كل شيء اوكي
قلت هذي مدينه ولا تحاتين وكل شيء متوفر
قلت يقولون تمشون بالسلاح
والبنات طار قلبهم ولا عاد يبون يجونكم
الا ذيك الضحكه تشق التلفون شق
والله 10 دقايق هي تضحك وانا اضحك
قالت خير خير وين حنا
قلت والله خافو البنات بس انا ماخفت لاني بجيب سلاحي معي
قالت من الللي قال لكم كذابين
ويقوم هالتلفون يمشي علي كل اللي بالغرفه
ضحك وسوالف معهم ويطمنوني فديت قلوبهم ولا تحاتين ولا تخافي
فديت الدواسر انا فديتهم فديت اهلي وناسي ي اهم اهل نخوه وكرم

بالاخير عطوني اكلم مديرتهم
قالت ي بنتي تعالي ولا تحاتين انا مثل امك وان ماشالتك الوادي تشيك بيوتنا الا جد انتي بنت ولا متزوجه قل توني بنت وتوني متخرجه
قالت لا نخاف علي رجالنا كذا انا ماقدرت امسك نفسي وضحكت وتضحك
والله العظيم الصباح انا وهم مهسترين مدري ويش هم فاطرين اكيد محششين علي الضحك اللي صار
بالاخير قالت هذا جوالي وكلميني اي وقت وبرسلك علي الواتس اب صور الوادي عشان ترتاحين
وعطوني رقم الاداره كلمتهم
ردت علي وحده
قالت لها ابي اسئل بخصوص المقابله
علي طول نشبت بحلقي قالت عندك الموقع قالت كل شيء فيه
قلت ادري حبيبتي بس انا ابي اسئل عن الكشف يصير اسويه عندي قبل اجيكم قالت لا
قلت طيب بجي الاحد وبسوي اموري كلها وبرجع بنفس اليوم
قالت انتي صاحيه تعالي عندنا اسبوع
اشربي من حليب الابل وزوري هالمزارع واجلس علي هالرمال النثريه هي قالت كذا وانا صار وجهي كذا
قلت من جدها هي الحن لا تستهبل
قلت لها ي عيوني فترةاختبارات وابوي مو فاضي نجلس اسبوع
وحليب الابل لاحقه عليه بجلس عندس سنه وبعزمس عليه
بس الحين نبي نخلص سريع سريع
قال لا مااتوقع لازم اسبوع
وقالت المقابلات من 11 الي 2 الظهر

وربي مكالمتهم ريحتني وتحمست اروح لهم
ناس فله شكلهم ووسعين صدر ي لبي الدواسر بس

سكرت منهم ومن الحماس قلت لاابوي نحجز نروح الاحد ونرع الجمعه

ولا حصلنا حجز
بالاخير بروح الجمعه بليل وموعدي السبت الساعه 6 المغرب يعني موعدي اول يوم بالاختبارات 5-7
يصير الصباح بعسكر بالاداره اطابق اوراقي واعبي النوذج واخذ الكشف اسويه ولا جاء المغر رحت للمقابله
والاحد طلع الكشف وديته بيطلع الاثنين الثلاثاء بجلس
لكن اككثر بنزل الاحساء واخو زوجة عمي ياخذه يوديه لهم

لانو طلعو انسبه عمي من الوادي

وبس هذا الاكشن حقي اللي صار

هذا رد بنت علي

ترا الكشف راح ياخذ يومين لأن واحد فالمستشفى العام
وحق المخدرات في العسكري وكلها لازم تروحين فالنهار

يصير الصباح بعسكر بالاداره اطابق اوراقي واعبي النوذج واخذ الكشف اسويه ولا جاء المغر رحت للمقابله
والاحد طلع الكشف وديته بيطلع الاثنين الثلاثاء بجلس << كيف الصباح بالعكسر وليش بطابقين اوراقك مافهمت ي عسل عليك انا بروح السبت واوصل الليل بس مقابلتي الاثنين ابي استثمر الاحد في شئ مفيييد فبللليز نوريني فديتك ويالييييييييييييييييييت تسدحين لنا رقم الاشراف

وربي يووفقك ويبرد قلبك ويزيل همك ي عسسسسسسسسسسسسسسل وفالك المباشره ي رب

تربيه فديتك كيف حجزك في طيران مباشر ولا فيه محطة وقوف ولا كيف خبريني

ليت تجاوبيني عن كل هالاسئلة ربي يسععععععدك