المتعينات بوادي الدواسر تتفضل هنا

هيبة ملك30 · #**561** (**permalink**) 08-08-2012, 10:22 AM

اقتباس:

المشاركة الأصلية كتبت بواسطة هواجس ناعمة

الله يعافيك أجل الله يعينك. ع المشاوير من اذان المغرب الين. عقب العشا تطامر بنا كل يوم في حديقه

كبر الموتر من هالحين. شكل مو بس ورعاني اللي بيتمرجحون خخخخخخخخخخ

هههههههه
كلها حديقتين هههههههههه
والموتر جاهز وكبير

يعني مو بس الورعان

هههههههه

هيبة ملك30 · #**562** (**permalink**) 08-08-2012, 10:25 AM

خخخخخخخخخخخخخخخخخخخخخخخخخخخخخخخخخ ادفع لك عمري كله
<وحده نصابه

يعني نرتبهم كذا لاطلبوا منا[/QUOTE]

ابد مانبي عمرك وش نبي فيه ههههههههه

نصابه شوي ههههههه

ايوا نفس الخطه هذي غيرتي فيها الله يعوض عليك

لان الخماسين والولامين والفرعه واللدام منطقه مركزيه يقال له الحرم الحين ههههههههه المقصد كل شي فيها سكن سوق كل شي قريب ماياخذ دقايق منك مطاعم حديقه عشان اخت هواجس تبي تتكي من عصر بعد الدوام هههههه

هيبة ملك30 · #**563** (**permalink**) 08-08-2012, 10:29 AM

اقتباس:

المشاركة الأصلية كتبت بواسطة هوت شوكلت

هاذا الخبر من جريدة عكاظ

«التربية»: تعيين 9602 إدارية والمباشرة بداية الفصل الأول
*عبدالله عبيدالله الغامدي (الرياض)

أصدر مدير عام الشؤون الإدارية والمالية صالح بن عبدالعزيز الحميدي قرارا بتعيين (9602) مواطنة في جهاز الوزارة وجميع إدارات التربية والتعليم بمناطق ومحافظات المملكة على وظائف إدارية بالمرتبة السادسة المشمولات بالأمر الملكي الكريم رقم (أ / 121) في 2/7/1432هـ.
وعلمت «عكاظ» أن إدارات التربية والتعليم بكافة المناطق ستبدأ توجيه الإداريات المعينات خلال الأيام القليلة القادمة من خلال رسائل نصية وستتم مباشرتهن مع بداية العام الدراسي القادم.
(الأسماء على موقع «عكاظ» الإلكتروني www.okaz.com.sa

طيب هذا الخبر الحين وش يدل عليه قسم انلحس مخي يعني احجز طيران او لا الحين فهمني يابونوره
مع العلم يابو نوره انه فتحوا الرغبات المكانيه بالرياض والقصيم بس باقي الادارات الثانيه

اذا فتحو الخرج والحوطه حنا بعدهم هي تمشي الين تجي للوادي
وموضوع الحجز احجزي مصيرك تجين للوادي
لا التذكره رايحه عليك ولا الحجز رايح ماجيتي في نفس موعد الحجز احجزي على التذكره الاولى اللي حجزتي عليها من قبل بعد ماتحجزين تتصلين على الخطوط عندي تذكره حجزت ولا رحت عليها وابي احجز عليها مره ثانيه ويقولون تم

هواجس ناعمة · #**564** (**permalink**) 08-08-2012, 05:35 PM

إيه والله بتكي واتمرجح أوسع صدري أنا ووريعيناتي

تكفى يالو نوره اسأل منا مناك مميتا عن اداريات الدفعه الثانيه وش ربي قايل بهم متى يعتمدون قرار تعيينهم

أبله عطيات · #**565** (**permalink**) 08-08-2012, 05:48 PM

ياأبو نوره الله يرزقك الجنه ويجعلك ممن يدركون ليلة القدر يارب ممكن إذاماعليك كلافه تخبرنا عن السليل وش فيها من أحياء أو قرى وكم المسافه بينها وبين الوادي الله يرحم والديك وبعد منطقة شرق الهضب وغرب الهضب وش فيها من قرى والخدمات من وسائل مواصلات وبعد الكهرباء بالتفصيل ربي يعطيك العافيه والمسافه .وأرقام سواقين بالمحرم وبعد رقم واحد يدلنا على المدارس تكفى يابونوووره الله يحفظها لكم.

هيبة ملك30 · #**566** (**permalink**) 08-08-2012, 05:57 PM

اقتباس:

المشاركة الأصلية كتبت بواسطة هواجس ناعمة

إيه والله بتكي واتمرجح أوسع صدري أنا ووريعيناتي

تكفى يالو نوره اسأل منا مناك مميتا عن اداريات الدفعه الثانيه وش ربي قايل بهم متى يعتمدون قرار تعيينهم

اان شاءالله

ولو عندي حدس انكم مع بداية الترم يعني الاسبوع الجاي يقولون حطو مدارسكم

موب ثقه اقول حدس

بمعنى احساس

هيبة ملك30 · #**567** (**permalink**) 08-08-2012, 06:04 PM

اقتباس:

المشاركة الأصلية كتبت بواسطة أبله عطيات

ياأبو نوره الله يرزقك الجنه ويجعلك ممن يدركون ليلة القدر يارب ممكن إذاماعليك كلافه تخبرنا عن السليل وش فيها من أحياء أو قرى وكم المسافه بينها وبين الوادي الله يرحم والديك وبعد منطقة شرق الهضب وغرب الهضب وش فيها من قرى والخدمات من وسائل مواصلات وبعد الكهرباء بالتفصيل ربي يعطيك العافيه والمسافه .وأرقام سواقين بالمحرم وبعد رقم واحد يدلنا على المدارس تكفى يابونوووره الله يحفظها لكم.

اللهم اميييييييييين يارب وياااااكم جمبعاا ولايحرمكم اياها

السليل اصغر من الوادي والاحياء ال محمد وال حنيش
وال نادر والرفه وكلها على بعضها بسيطه جدا بساعه تلفين الاحياء
وتمره وخيران وتبعد عن السليل 10 كيلو

بينها وبين الوادي 80 كيلو فيه معلمات يسكنون بالوادي ويداومون بالسليل يروحون الساعه 5 ونص كلها ساعه او نص ساعه وهم بالسليل
الجوال شغال في السواده في شرق الهضب وبعض الجبال في قمران وام اسليم
والغرب لايوجد به شبكة نهائيا
الكهربا شغال في السواد هوام سليم وقمران وشركة الكهرب شغاله لتوصيل الكهرب
لهجرة مراغه اما يحامر والسلام وعينة الاهمله فلا يوجد بها كهرب وانما مواطير وغرب الهضب
يوجد كهرب في النميص والعسيله اشتغل في شهر جماد الثاني السنه هذي يعني له اربعة اشهر

اللي من الرياض وحطوها بالسواده او النميص
او من القصيم او من الدوادمي او من الخرج

وحصلت احد يداوم معها من مكانها اقرب لها من الوادي

والسواقين لحد الان مازلت اتابع معهم بخصوص النقل لمناطق البر فيه 2 وكلهم عددهم مكتمل
ومازال البحث جاري عن واحد مامعه زحمة

هوت شوكلت · #**568** (**permalink**) 08-08-2012, 07:49 PM

يابو نوره خلاص يعني احجز خلاص على 4 او 5 شوال اكيد ترا على مسئوليتك

الي محيرني انه مابعد قالوا لنا عن مكان المدارس فكيف احجز ادري غثيتك بس الشكوى لله

وش اسوي محتاره

ابي ترتيب للمناطق الي انت حطيته احسها عشوائيه

هيبة ملك30 · #**569** (**permalink**) 08-08-2012, 08:16 PM

اقتباس:

المشاركة الأصلية كتبت بواسطة هوت شوكلت

يابو نوره خلاص يعني احجز خلاص على 4 او 5 شوال اكيد ترا على مسئوليتك

الي محيرني انه مابعد قالوا لنا عن مكان المدارس فكيف احجز ادري غثيتك بس الشكوى لله

وش اسوي محتاره

ابي ترتيب للمناطق الي انت حطيته احسها عشوائيه

احجزي وان ماحصلتي بعد حجز حجزت لك بحسابها هههههه.
واذا ماطلع اسمك في الاجازه لاتجين على هذا الحجز بيلتغى واحجزي على نفس التذكره
منتي خسرانه شي الحمدالله تذكرتك ومعك
والاعلان عن المدارس يعتمد على ورقة مباشرتك من الادارة تستلمينها من عندهم الا اذا تبرعوا ونزلوها في النت عشان ماتزاحمون عندهم
وابد نوصلك لحد باب شقتكم
التوجيه
ابد اختاري على مسؤوليتي
الخماسين
الولامين
الفرعه
اللدام
المعتلى
الزويرا
النويعمة