ياخواتي الوادي بسيط جدا ولا تخافون ولا فيه مثل ماتتوقعون. بر او اي شي ادارة التعليم وسط المحافظه وتروحين لها من اي طريق الوادي كله طريق واحد. يعني تلفين الوادي كلللللله ب10 دقايق. والسواقين موجودين والسعر من ٤٠٠ الى ٨٠٠ بالشهرر وفيها اللي يكونون كلهم بمدرسه وحده يمكن يكون سعر لكل وحده ٢٠٠ وبعضهم باص جديد يرفع السعر ١٠٠٠ يقال له موصلكم لجزيره الواق واق
اللي تبي بمحرم واللي تبي بدون محرم والشقق موجوده. فيه قروبات بنات يجي واحد من اولياء امورهم وياخذها باسمه وعندنا. سهاله في الادارة وبتروح كل وحده لاهلها وتقول يالبى نظام التعليم بالادارة صح بعض المدارس فيها بنات يهبلون اللي ماينهبل. واللي وفيه شركة نقل تنقل من المطار الي شققكم ب٤٠ ريال للمطار يعني كل شي متوفر ماعليكم خوف وانا من اهل الوادي. الحمدالله واي استفسار ياخواتي مستعدين والرحلات يوم الجمعة والاربعاء رحلتين صباحية ومسائية يعني اللي بتحجز كذا او كذا بس احيانا تلاقينها زحمة المسائية ومافي شده مثل المناطق الرئسيه الحمدالله يوم يومين تعرفين لك معلمة من اهل الوادي بعدها تخدمك يكون قريبها في الاداره
ومن ناحية السكن صراحه نار واللي تبي اي شي مستعد سوا من طرفها او ولي امرها عادي واي استفسار حياكم
اخوكم

الله يعطيك العافيه اخوي صديق الورود
بس إذا صرنا بالبر وش نسوي وكيف نتصرف إذا عندك خلفيه لانهم يقولون مافيه كهربا ولا جوال
وشرايك انت

الله يستر هذي عاد امها داعية عليها صدق مافي الا المدرسه تسكنون فيها والمويه بالوايت والكهرب مواطير
والنت طبعا مافيه بس عدد مدارس البر كله ٤ مدارس بس يعني وعدد طالباتها مايجون ٢٥ طالبه بالبر كله بترتاحون في الدوام ولا ترتاحون في السكن الدوام فله دوام سبت واحد واثنين والباقيات اللي مداومو يكملون بس هذي اتفاقيات بينكم
والمشاوير والمواصلات مليون بالمئه اول اسبوع معاناه ولكن بتلاقون معلمات من الوادي يوصلها احد من اهلها وبياخذكم معها
يعني صباح السبت ترحون بدري
او عصر الجمعه
وسكن هناك لان اقرب مدرسه تقريبا ساعتين عن الوادي نفسه المشوار
وفي الغالب اللي هناك الثلاثاء بعد الدوام يسافرون عشان يلحقون على طيارة الاربعا او الثلاثاء اللي مثلا تسافر اسبوعيا. مثل فيه موظفات من جده كانوا اسبوعيا يسافرون الاربعاء

وللمعومية مافي ثانوية بنات بالبر يعني اهل المواد العلمية يفرحون شوي بس لان مالهم مكان هناك غير الرياضيات والعلوم

الله يسعد قلبك قل امين قسم بالله فرحتن وريحتن الله يعطيك راحة البال

بس قبل فتره فيه احد منزل رابط المدارس بالوادي وفيه ثانويه بالبربالهضب والسواده
انا تخصصي كيمياء

بالنسبة لك ياختي شريط ذكريات

المدارس كلها ابتدائيه ومتوسطه وثانوية وحده وحده يعني المواد العلمية وتربية الخاصة مالهم طريق بمدارس البر وحده من الكيمياء والفيزياء والحاسب مالهم بالبر لان اللي هناك ادبي مو علمي يعني حطي ببطنك بطيخ صيفي يامعلمة الكيمياء والفيزيا والاحياء الا اذا احتاجوك في العلوم

وعددها ابتدائية ام سليم
مجمع السواده
ابتدائية مراغة
ابتدائية قمران
ابتدائية بلتقى
ابتدائية العسيلة
ابتدائية النميص
السواده والنميص بينها وبين الرياض بر تقريبا ٣٥٠ كيلو

الي تبي شي نخدمها فيه اذا تبي هي او احد من اهلها يتصل نعلمه بالي نعرفه

ايه يسكنون بالمدرسه او الدور الثاني او سكن بسيط كرفانه او هنقر بجنب المدرسه وفيه حارس سعودي كيف مافيه غيركم اجل وشو له رايحين تدرسون الجدران هههههههههههاي فيه البدويات سنعات لو تبينها تمصعه مصعته قدامك وقالت لك وش رايك بالسناعه ههههههه

الامر بسيط جدا بيجيك هم مثل ماجاك ايام المقابله تفكرين وتتعبين وكان اسهل منه مافيه ولكن هذا شوي ثقيل يعني يبي لك فتره تتاقلمين

اكثر شئ شايله همه السفر و الخدمات هذا اهم شئ مشكله مافي رحلات مباشره الوادي الدمام