صدق ان الإداريه صعب نقلها ؟

وان حصل لها نقل بالله بعد كم سنه ؟

مو صعب

لكن نقلك مو مثل المعلمه

لان الاداريين مالهم حركة نقل بس تقدمين بالاداره
وتابعين الموضوع بنفسك

بعد كم سنه انتي وحضك. ولكن بعض النظام الجديد الحمدالله معاد احد يطول في النقل سوا معلمه او معلم او اداري

سنه ينتين بالمثير ثلاث

لكن انتي بعد ماتداومين وتجلسين شهر تحاولين تقدمين نقل في الاداره نفسها

لا لا لا لا


وش هالكحي الله يجزاك خير

تكفى اسأل لي احد في تعليم الوادي الإداريه متى تنقل تكفى ؟

صديق الورود سببت لي جلطة
متأكد من كلامك ؟؟ احتياج الاجتماعيات 4
لالالا تكفى عدل بدل
بس سؤال بما أن عندك كل هالمعلومات معناها أنك تشتغل بإدارة التربية أو تعرف ناس فيها ..
طيب ممكن الله يجزاك خير تقولي على أي أساس يختارون معلمة البر ؟؟ هل هي بالنقاط ولا على أساس الخبرة ولا نقاط المقابله ولا وش العلم ..؟؟

وإذا صار ورحنا للبر السكن كيف ؟؟ في سكن للمعلمات ولا يسكنون بالمدرسة ؟؟ وهل فيها مستوصف ؟ مطاعم (تعرفون لازم الأكل لو بوفيه ) ؟ صرافات ؟؟ وكيف النت فيها والشبكات ؟؟ وكيف أهل البر نفسهم ؟؟

بليز رد علي الله يجزاك كل خير

اخت هواجس

خذي العلم
الاداريات لهم حركة بس ماتعلن مثل المعلمات يججيك خبر فتح تسجيل النقل الداخلي او الخارجي
ولكن هالابام كل شي تغير اللي خلاهم يحطون اداريات جامعيات يخليهم يحطون نظام حركة ادارية ولا تعقدين عمرك الامر بسيط

وان شاءالله قبل يتم لك سنه او بعد ماتباشرين تطلبين تكليف في اي منطقة انتي فيها وكل ماينتهي تكليف تجين وتطلبين تكليف حتى يجيك النقل

سويره لاتخليني معاد ارد على احد

عشان مايجيهم جلطه ولا غيره ههههههه ناقصين سب بعد هههههه

هذا الاحتيات اللي عرفته
وجالسه تكبين العشا انت تشتغل وانت بنجاوب بس. خليك سنعه ومفهيه هههههههه
شختك بختك بالنسبه للبر عمتي العام في السواده متخرجه مرتبة شرف وكل الشهادات العاليه معها وحطوها بالبر والسنه هذي جات داخل الديره


السكن بالمدرسة نفسها السواده والنميص فيها مستوصف

اما الباقيات الاربع لا

اما المطاعم بتصيرين سنعه هناك وتتعلمين الطبخ والنفخ لامطاعم ولا شي لوزين وتصبيره ومعلبات وحده منكم تتكفل بالقطه وهي جايه يوم الجمعه تعبي السيارع من الاكل ماتخلي شي بالسوبر ماركت
وكل يوم على مجموعه يطبخون ويتعاونون الا وحده غير ولا تحب الطبخ تجيب شغالتها معها وراتبها من المعلمات نت في جوال بالسواده والباقيات يقولون حطو بس مدري استغلت او باقي ويفصل يعني شبكه تجي وتروح

واهل البر انفسهم على الفطره اذا جا عندهم غدا عشا فطور اول مايعزمون انتوا. وتقولون انكم عند اهلكم

ياربي يا ابو نوره من جد سوالفك توسع الصدر

يا تسبديه وش بيسكنا في المدرسة ؟

يعني نصف طابور البنات ببجايمنا وجلابياتنا هو هو هو

والمدرسة فيها فرش وغرف نوم ولا في الفصول لاحول والقوة الابالله

تكفى اكتب البر اللي تبعد ٣٥٠ تكفى

صديق الورود
قسم بالله مت ضحك من سواليفك
خلاص ماراح نكب العشاء ولا راح أحقق خلاص بصير سنعه وأكبر مفهيه ولا يهمك
الله يجزاك خير والله ما صدقنا على الله أحد يجاوب على اسئلتنا اللي ما تخلص وأدري أزعجناك بكثر الأسئلة
بس معليش تحمل من اللحين لين يقولون لنا بكره دوام

عالعموم الله يوفقك ويسمح دربك ويخليك لعينٍ ترجيك ويحميك ويرزقك من حيث لا تحتسب

هواجس الحين انتي وش عليك يومنك تكلمين عن اهل البر هههههههههه
ومن ناحية الملابس نفس اللي سمعنا لاروج ولا استشوار ولا خرابيط مثلك وانتي قايمه من النوم يعني مابوه كشخه واذا بتجيكم مشرفه بتعرفون قبل تجي ب3 ايام او اسبوع بعد عشان تكشخون لها ههههههههه
هم يبون الاداريات عند المدارس اللي طالباتها فوق 150 موب ام 30 طالبه هههههههههههه
تذكرين ايام الحج كل وحده تاخذ عزبتها من مفرش ولحف وبطانيات هذا نفسهم. كل اسبوع وانتي جايه للوادي طقي لك مفرش جديد هههههههه ومافيه سرير وكشخه فيه تسدحين الفراش وتكبرين المخده
اللي تبعد 300 الى 350 بلتقى النميص السواده
الباقيات 250 الى 180

ابد اوخيتي ساره اسئلي ماجيت هنا الا تستفيدون لاني كنت اعاني مثلكم سابقا ايام ماكنت بشرورة

ولا يحس بالنار الا واطيها الله يكفينا الشر ياااااااارب

ويوفقكم جميعا يارب ويسر اموركم و

وللاخت هواجس كلكم بتنامون في غرفه او غرفتين موب كل وحده لحالها. ايام عز بيت اهلك