تجمع المتعينات في الحوطه والحريق

رياااانة · #**131** (**permalink**) 26-05-2012, 06:53 PM

ورود حمراء وش تخصصك؟

ورود حمراء · #**132** (**permalink**) 26-05-2012, 07:36 PM

رياضيات

الله يجزاكم خير · #**133** (**permalink**) 26-05-2012, 07:46 PM

اقتباس:

المشاركة الأصلية كتبت بواسطة ورود حمراء

السلام عليكم.....

اليوم كانت مقابلتي في تعليم الحوطه والحريق......وبقولكم اللي حصل بالتفصيل....عشان الفايده للجميع...واتمنى تدعو...بالتوفيق لي لكم....وربي ييسرها لنا....

------------------------------------------------------------

اولا انا من الخرج وطلعت الساعه 6 صباحا والطريق اخذ تقريبا ساعه ومكانهم واضح تمشي مع خط الجنوب وتعدي اول دوارين وبعدين دوار المستشفى بعده تشفون مسجد لونه بني على يمينك (مبني شون المدرسات مقابله عطول ملاصق للمتوسطه الرابعه)

دخلت ولقيت وحده بالرسيبشن وتوزع ارقام اخذت رقم وكان باقي ما فيه زحمه الساعه تقريبا سبعه وشوي.....وبعدها تدخلين عن مكتب ياخذون الاوراق المطلوبه صورتين من كل مستند..وتحطه وترتبه في ملف اخضر علاقي...وبعده تروحين لمكتب ثاني تتم فيه مطابقه المستندات بالاصول..((السجل الاكاديمي طلبوه...)) ...ويعطونك نموذج توظيف تعبينه ونوذج لتعبئه الشرائح المكانيه...وهي خمسه اماكن((الحوطه الحريق وادي برك الربوه المليحات))...

للمعلوميه تراهم يساعدونك.....ويعطوك الاراء المناسبه لك ولمكان اقامتك.....ويرتبوها لك....وتوقعين تعهد....على سنه تجربه..............((وهذا اجراء روتيني لاي موظف))!!!!!!!!

وبعدين وجهونا للجنة المقابله......وكانت الاسئله.....((كيف تعملين مع الطالبه المشاغبه..وماذا لو اعطتك المديره حصص زياده عن النصاب...او مواد غير موادك....وكبف تقييمين بنات المدارس بصفه عامه...وهل اخذت فكره على المناهج المطوره الجديده...وماهو حال الواقع الاسلامي الحالي..وبعدها جاء اسئلة التخصص وكانت اسئله عن طريق اختيار ورقه من عده اوراق..تحتوي اسئلة تخصص )).....((بصراااحه الاسئله شوي تحتاج تركيز.

.....والله ييسرها))

وبعدين عطوني ورقه الفحص الطبي وطلعت لمستشفى الحوطه العامه وهو قريب جدا...من المكتب....الساعه الان الساعه تسعه تقريبا......

بعد ما وصلت وقعت الفحص من الاداره جمب الاسعاف واخذت رقم لسحب العينات وسحبت دم ((وانا صايمه عشان فحص السكر))....وعطوني موعد بعد ثلاثه ايام.....وكملت باقي الفحص من العيادات الخارجيه....((قسم الاشعه وعيادات العيون والجراحه والباطنيه والنفسيه )) مرمطه والله...

والمهم انهم قالووووو لازم نروح الرياض عشان فحص المخدرات في مستشفى الملك سعود!!!!!!!!!!!!!!!!!!!!!!!!!!!!!!!!!! الله يعين....وخلصت الساعه 11 تقريبا.....ولفيت المستشفى ..........

هذا اللي صار وبكره ان شاء الله بروح لمستشفى الامراض الصدريه عشان كشف المخدرات

..............الله يارب يسهل كل الاجراءات.....

يارب وفقنا وسهل علينا وارزقنا الوظيفه المناسبه وبارك لنا فيها........

الله يوفقك ماشاء الله

عندي سؤال الكشف الطبي لازم من الحوطه ومستشفى الملك سعود؟؟
طيب الي ماتقدر تروح وش السوات ...

ورود حمراء · #**134** (**permalink**) 26-05-2012, 08:43 PM

هلا حبيتي,,,,,يجزاك خير.....

ايه والله لازم من الحوطه............انا كان ودي اسويه بالخرج....وعفكره الخرج يسونه في نفس اليوم ويخلص كله .........بس الحوطه مشترطين.....انه من عندهم لانه موجه باسم المستشفى....

الله يعين.....وما عليه حاولي فيهم يمكن يقدرو ظروفك....عموما تراااا الموضوع في الحوطه شوي معقد بس يخلصون كل شي ما عدا التحليل في نفس اليوم يعني لازم مشوارين للمستشفى...
ت
الله يارب يوفقنا ويفتح عليك وتتسهل في وجهك......

شكرا

ثمن حياتي · #**135** (**permalink**) 26-05-2012, 08:44 PM

بنات السجل الغوه لييش حقين الحوطه لسى مصرين ويطلبونه

ثمن حياتي · #**136** (**permalink**) 26-05-2012, 08:57 PM

بخصوص الكشف الطبي امرى كل العيادات ويسوون فحص من جدهم ذولا وكمان لازم اكون صايمه طيب واذا مااكان فيه وقت وخلصت عادى ارجع لهم بعدين ولا لازم في نفس اليوم

فتاه الحوطه · #**137** (**permalink**) 26-05-2012, 11:27 PM

لا مب لازم تكوني صايمه ياثمن
حبوبات خلصت اليوم اوراقي ولله الحمد من قبل ومن بعد رحت اخذت نتيجه الفحص وتوجهت للشئون المدرسيه عطوني ورقه اعبي فيها اسمي وخبراتي وكذا
لااازم تودون شهادات الخبره في هالمرحله بيقولون لك اخر شي خلاص روحي ولا اعلنو توزيع المدارس بينادونك بس متى ماادري
موفقين يارب معليش خاشه من جوالي وبسرعه اكتب اي استفسار انا حاضره بالخدمه