23-05-2012, 12:17 AM
|
عضو جديد
|
|
تاريخ التسجيل: May 2012
المشاركات: 20
معدل تقييم المستوى: 26
|
|
اقتباس:
المشاركة الأصلية كتبت بواسطة فتاه الحوطه
طيب مع اني ماشفتكم داعين لي بس بكتب مقابلتي
كان موعدي الساعه 11 ومسويه نظاميه حاضره الساعه تسع وتفاجئت ان رقمي بالاربعين يعني مشو بالارقام مو بالمواعيد
يعني حاولو تروحون بدري قد ماتقدرون
بعدها مسكت سرا ع غرفه المطابقه طابقت وطلبو مني الوثيقه ونسختين منها
البطاقه الشخصيه ونسختين منها
السجل الاكاديمي و الموعد من النت و ورقه المطابقه الي ايام المطابقه قبل طلبوها مني مع ان فيه بنات ماطلبوها منهم
بعدها رحت الغرفه الثانيه وسجلت رغباتي حاطين خمس رغبات الحريق الحلوه وادي برك المليحات الربوه ترتبينهم انتي حسب القرب من منطقتك هم راح يساعدونك
بعدها سويت المقابله بقولها لكم في رد ثاني لان حددي مصدعه
واخذت ورقه الكشف وتوجهت المستشفى تحليل دم وعيون واذن وحنجره وفيه تحليل مخدرات مدري وش موقعه من الاعراب نسويه بمستشفى صحاري بالرياض
هذا الي عندي الحين ماقدرت انام كويس من المشوار عسى التوفيق بس ودعواتكم عاد هالمره :$
|
رجعت لكم
بالنسبه للمقابله اجروها معي ثنتين اول شي انا تخصصي علوم
دخلت صافحتهم وجلست سلموا علي وكذا سالوني درست قبل قلت ايه بداو بالاسئله
1- ماهي طرائق التدريس المستخدمه
2- اذكري مهارات التدريس
3-ماهي قضايا العصر التي عايشناها
4-لاصارت عندك طالبه مشاغبه كيف تتصرفين معاها
5- ماهو التعليم النشط < هنا تنحت
6- اول دخول لك بالحصه كيف يكون وكيف تتصرفين مع طالباتك
تقريبا هذي الاسئله العامه الي اتذكرها
بالنسبه للتخصص
1- كيف يصاب الانسان بالمرض
2- ماهي مميزات الزواحف
3- ماهي عمليات التمثيل الغذائي في الانسان
حاولت اتذكر وش بعد سألوني ماقدرت لان احس خلاص فيني نوووم وماعاد ركزت بأجوبتي بس احس بشكل عام ان شالله المقابله مريحه خصوصا ان وجه المشرفه بشوش ومريح نفسيا
بشوف اسئلتكم واجاوب عليها وحده وحده
التعديل الأخير تم بواسطة فتاه الحوطه ; 23-05-2012 الساعة 12:23 AM
|
العرض العادي
