رفع وينكم يابنات الباحه تجاربكم في المقابله الله يسعد كم

مقابلتي بالتفصيل

تخصصي رياضيات وتعينت في الباحه

في البدايه خرجت من الشقة الساعه 6 ونص ووصلت لموقع الاشراف الساعه 7 وكان معي 2 من البنات

المهم رحنا الارشيف اخذنا ورقه علشان نرتب اوراقنا زي ماهو مكتوب ونبدا من تحت لفوق

بعد مارتبنا بدوا ينادون ليطابقون اوراقنا وترتيبنا صح او غلط

بعدين رحت عن مقر لجنتي 3 وانتظرت للساعه 9 وربع ودخلت وكنت متخوفه لان وحده قبلي انجليزي تقول اعطوها اسئلة كتابية فمن باب اولى انا رياضيات


توكلت على الله ومن اول مادخلت وكانوا يضحكوا وبشوشين ويفتحوا نفسك

سلمت عليهم وكيف الحال واش الاخبار ومن فين انتي ؟
قلت : من جده
قالوا : اجل بتسكين الباحه تراها تجنن<<<<<< بيني وبينكم ماارتحت فيها في اول يوم بعدين بدات اتاقلم بس لحد الان ماتاقلمت

بدات الاسئلة واعطتني ورقه وقلم <<< قلت الله يخارجنا

قالت : كم لك سنه متخرجه ؟

قلت : 10 سنوات

قامت اعطتني مفكوك عبارة وقالت حليها وحليتها وقالت ممتازة<<< كاني في الابتدائي
السوال الثاني : ناسيه طريق السوال بس هو زي قطعه النرد اش الاحتمالات اللي ممكن تنتج ؟
السوال الثالث: اعطتني متسلسله وقالت هاتي الرقم الاخير وبمساعدتها حليتها <<< قالت ممتاز كنت بقول ابغي نجمه



جاء دور الاسئلة التربويه من جد سوال تافه وبسيط الحمدلله قالت : انتي بتدرسي رياضيات كيف توصلي معلومات الدرس للطالبات
جوابي : بالتحضير الجيد والوسائل التعليمية واستخدام برامج الكمبيوتر وممكن استخدم حد استراتيجيات التدريس

مااعطيتها مجال علشان تورطني بشرح استراتيجيه مافهمتها فقلت لها : ممكن احول الحصة للعب او ممكن استخدم طريقه خرائط المفاهيم (اعجبتهم هالاستراتيجيه ةفتحةا فمهم وممتازة وبارك الله فيك ) وكملت وقلت ممكن اسالهم سوال خارج الدرس ومن خلال المناقشه والحوار اتوصل للحل



انبسطوووووا منى وقالوا : انتي عندك خبره ؟
قلت : سنتين ونص


خرجت وانا مبسوطه وهم مبسوطين ودعولي بالتوفيق والنجاح وجلسوا يمدحوا الباحه ؟؟؟

بنوتات يعطيكم العافيه ع التفاعل
وعندي سوال مهم هل اخرم اوراقي وارتبها كل نسخه بملف والا هم يخرموها ويرتبوها ؟؟؟


وعطوني وصف دقيق لبنك الدم على طريق العقيق بس وين بالضبط

مقابلتي الاربعاء 16 دعواتكم تتسهل اخاف اتاخر بالكشف لانه نهايه الاسبوع وانا توي والد وعمليه قيصري وحالتي حاله ...

عضو راقي الله يعطيك العافيه ويسعدك ياقمر
ام اكوني انا كمان مقابلتي الأربعاء الله يسهل أمورنا وياليت البنات يجاوبون ع سؤالك لانه
حتى انا مؤ عارفه وين مكانه

خرميها والا تخرميها عندهم عادي انا خرمتها عندهم

اما بنك الدم انتبهي لاتضيعي زينا ترى هو لوحه على جدر بنايه ولون البنايه بني وهو في طلعت جبل وركزي وانتبهي للوحات <<<<<< معليش مااعرف اوصف لاني مو من سكان الباحه وبالقوة لقيته اقصد بنك الدم

بنات لما خلصتوا الكشف وخلاص بتخرجون من المستشفي اعطوكم ورقة او شي

لان انا من هبالتي مااخدت ورقه وقريت ان يعطونا ورقة صغيرة ورديه وانا محتارة

طيب كيف اعرف نتيجة تحليل البول والدم ومتى وكيف .

عضو راقي انتي بس رحتي بنك الدم وطيب مستشفى الملك فهد مارحتيه وماسألتيهم عن نتيجة التحليل متى؟

بنات انا سويت كشف نظر وسمع واشعه بس في مستشفي الملك فهد وبعدين رحت بنك الدم وسويت بول ودم وهنا قريت انكم سويتوا مرتين بول ودم في مستشفي الملم فهد وبنك الدم

انا لما كنت في مستشفي الملك فهد قلت مافيه تحاليل دم وبول ؟
قلي دكتور هناك : لا احنا ماعندنا لابول ولادم لازم في بنك الدم ورحت وسويتها

ورجعت جده الان كيف ، وكمان عرفت ان في ورقه ثانية تاخذيها من الاستقبال في مركز الدم تكون ورديه انا مااخذت . اش اعمل

بنوتااااات انا تخصص تربية خاصه اعاقه عقليه
سويت مقابلتي اليووووم واللجنة الثانيه
عنجد كل اهل البااااحه اخلاااق وربي مافيهم شوفت نفس
ولا شيء جداً رااااقين
المهم سألتني ٤ اسئلة كيف تكتشفين الاعااااقه
وماهي اسباااب الاعاقه العقليه
اساليب واستراتيجيات تدريس المعاقين عقلياً
اذا عندك طالبه انصرعت كيف تتعاملين معاهااا وبسسس

يابنات اللي سوا المقابلة اخترتوا 3 مناطق ام بس القطاعات كلها قصدي الاوراق اللي عبيناها انا شفت بورقة 3 رغبات سالتها اكتبها قالت لا هي تعبيها وانا اللحين كاتبين تخصصي اقتصاد وانا بوحدة من الورقات حطيتها تغذية وعلوم اطعمة اللي هو تخصصي بالوثيقة ماادري في استبعاد بسب البيانات اللي كتبناها والا لا وهي سالتني ان عندي خبرة قلت ايوة بس مو بالتدريس قالت فيه اثبات قلت الحين لا لاني ماحسيتها ضرورية ماادري اقدر اجيبها لمن استلم الكشف الطبي لانوا اخاف يتاكدوا ويلاقوا انه قيدن اشتغلت وهي قالت ان مامعاكي اثبات الحين حطي لا وحطيتها لا ومن جد خايفة انه استبعد وماصدقت اترشحت