ماطلعلي اي شرووووط

بنات الرياض كلية التربيه الادبيه اللي في الملز باقي مكانها والا نقلوها

أخواتي والله انقلب راسي من كثر وسوسة بعض البنات حررررام عليكم أهجدو وهدو أعصابك انشأ الله بتتسهل الامور وبتكون ابسط مما
تتوقعون
أنا اخترت موعد مقابلتي في 6/30 هذا حسب الايام اللي طلعت لي في الموقع بس وحده من الأخوات تقول موعدها في اول شهر سبعه وهو اول يوم كيف بفهمها هذي انتم اطلعتو أكيد علي الايام المتاح لنا فيها المقابله مامر عليكم تاريخي ثلاثين سته ترا بدئت اشك بقدراتي العقليه
وفيه سؤال علي الطاير سمعت ان من يتولي التريب السلوكي اداري مو من الطاقم التعليمي يعني هو يطلق عليه أخصائي مو معلم
لا تلوموني اذا طلعتلي قرون اجل هذا حكي خبلو فينا

ياختي المتوهقه انا لما حجزت موعد كان من ضمن الخيارات اليوم اللي حجزتيه ٦/٣٠ اللي هو يوم الاثنين
وعلى حسب مافهمت ان كل وحدة تحجز يطلع لها الايام اللي لسا مانحجزت يعني انا لما حجزت كان فيه ايام مكتوبه وايام لا
ان شالله اكون ريحتك
وحبيت اقولك ريحي اعصابك وراك تدريييييس يبيله روقان اذا من اولها توترتي كيف بتكونين مدرسة وتتحملين هالبنات ...........

هلا بنات سجلوني معكم في هالتجمع المبارك مرشحة في الخرج اقتصاد منزلي ملابس ونسيج / المرحلة متوسط وثانوي / شمال الرياض الملقا وربي ييسر جميع امور اخواتي وبالتوفيق

اهلن بالجميع تم ترشيحي في الخرج السكن شمال الرياض حي الملقاه

يابنات ممكن وصف لمكان المقابلة
خصوصا إحنا اللي عمرنا ماطبينا الخرج

عزيزآآآآتي,,,

آنآ في الخرج وجربت اكثر من مدرسة تطمنوآ آن شآء الله ماراح تواجهون مشااكل

عندكم مدارس الاسكان في المصانع وقاعدة الامير سلطان وثانوية الهياثم الاولى تعتبر المدارس النموذجية على مستوى المحافظة
فيه مدارس مرررة روعه من ناحية الطالبات والادارة
مثل المتوسطة العاشرة والخامسة عشر والاولى
والثانويات فيه ثانوية الهياثم الاولى مديرتها نفلا القحطاني
الثانوية الاولى حلوة واغلبها اجانب
الثانوية الثانية رووعه ع حسب مااسمع
الثالثة نظام مقررات وهي ثانويتي اللي درست فيها
الرابعه في اسكان المصانع

الخامسة كنت اسمع انها مو مرة بس والله ماادري لو وضعها الآن اختلف
السادسة رااائعه
السابعه بعد حلوة ومديرتها متميزة
الثامنة مقررات واسمع عنها كل خير
التاسعه مدرسة رووووووعه ومتميزة
العاشرة نص ونص
الحادية عشر والله ماعندي عنها خلفيه
الثانية عشر ماعليها
الثالثة عشر اسمع الكل يذكرها بخير
الرابعه عشر ماقد سمعت عنها شئ
الخامسة عشر مديرتها تهببببل بس طالباتها نوعا ما قلق
السادسة عشر والله ماعرف عنها شئ
الرفايع هاادئة جدا واغلب طالباتها فلسطينيات واعدادهم جدا قليلة
الضبيعه حسب ماسمعت جيدة


ولو حبيتوا افادة انا ماراح اقصر معاكم وماابغى غير دعوة في ظهر الغيب

بس بشكل عام المدارس تعتبر في فئة الجيدة جداا


منقوووووووووول

اولا كلكم ياهل الرياض لاتفوتكم الرفايع ترى اشوف البعض يكتبها غلط اسمها الرفايع هذي فلهه مره على الخط السريع طوالللي وواضحه مره وقبل الخرج هي بحوالي عشرين كيلوو مايبيلها على قولتهم نشدت مطوع
بعدها الهياثم هذي بعدها مفرق الدلم تجي هي اول هجره وباقي هجر الدلم تعتبر بعيده نوعا ما عشان كذا بعدها برجعكم تكتبون هجر الخرج وبعدين الدلم وبعد الهياثم السلميه هذي في بداية مدخل الخرج يسار وبعدها نكتب السيح اللي هي وسط الخرج وبعدها اليمامه وبدها نكتب المحطه هذي عشان محطة القطار تمر حولهم سموها هيك وبعدها الشديده وبعدها نرجع للقر الدلم اللي هي الضبيعه وبعدها نعجان وابعد شي واللي احذركم منه التوضيحية والقاعدة الجوية القاعده بوابة لها مستقله بطريق حرض ووزحمه وقرف تقريبا البوابه يدخل معها اكثر من خمسة الاف موظف الصبح ولازم تصاريح للدخول وغثاء تاخيرررر في تاخيررررر زوجي موظف فيها وهي تبعد من بيتنا بالرياض انا بلبديعه 180 كيلو وبعدين التوضيحيه برضوه بطريق حرض وهدي للمعلوميه يصرف للمعلمات فيها بدل نائي 4 بالميه هذي بعد القاعده الجويه وانتبهو من هالثنتين والباقي كله سلامات وسهلات باذن الله
وبالنسبه للي يسالون عن مكان المقابلة مرهه واضح اسالي عن طريق الملك فهد اسمه المشهور طريق القاعده امسكوووه للين يجيكم ملعب نادي الشعلة واضح مره على اليمين بنفس الشارع بعده ادارة تعليم البنين برضوه على اليمين وبعدها بكيلو تقريبا يجيكم تعليم البنات الموقع المطلوب برضوه يمين على الشارع
وحاضره لعيونكم


منقووووووووووووول

بنات انا طلع ترشيحي في الشرقيه وانا ابغا الخرج اذا فيه وحده من الشرقيه
تبغا الشرقيه نبادل انا رياض اطفال