ما نقدر نحدد الا اذا تحددت المدارس لانه يمكن اكون انا في الخرج نفسها وانتي في هجر الدلم او اكون ابتدائي وانتي ثانوي فرق في وقت الخروج
وتعرفين افضل شي اذا باشرنا وشفنا مدارسنا نسقنا مع بعض او انك تشوفين المعلمات الي في مدرستك يمكن فيه نقل للشمال
اذكر انا كذا اخذت عقد ويوم رحت للمدرسه نسقت مع المعلمات هناك والحمدالله كنت انزل اول وحده كان حظي حلو *

رفععععع

ولله الحمد والمنه سويت المقابله وكانت الاجراءت جداً سلسه والموظفات متعاونات الله يعطيهم العافيه 'تخصصي لغة عربيه وكانت الاسئله كالتالي...عددي طرق التدريس.. ؟ عرفي السجع والجناس والتوريه؟ اعربي جلس احمد على الكرسي؟ عددي بعض من المناسبات الوطنيه؟ما الفرق ين جاء الطالب مستبشرا و جاء الطالب المستبشر؟ وفي البدايه تتكلمين عن سيرتك الذاتيه...

انا جيت ... احلفي


مساء الخير يابنات ...

معليش راحت عليه نومه من المشوار زحمه الرياض وقرفه اليوم...

مدري ليه العالم مالقت تطلع الا معايا اليوم

مالكم بالطويله ..

مقابلتي كانت الساعه 11 الظهر ..

قلت يابنت اطلعي من بدري لان حسب ماعرف ان احنا شعب ابد مو دقيق بالمواعيد ..

طلعت سبع ونص لاني ساكنه غرب الرياض ووصلت ثمان ونص عشان الزحمه والفرفره لين عرفت الموقع ..

دخلت الاداره وماشاء الله قمه بالذوق والتعامل ... يعني يابنات لا تحاتون ياللي باقي ...

كلهم قالوا جايه هالحين وقت مقابلتك 11 قلت هذا اللي حصل

قالوا خذي الرقم واجلسي .. وطبعا رقمي 18 قلت ياويلي بطول ..

طبعا تعبين البيانات بعدين يعطونك رقم ..

خمس دقايق بس طابقت ... وعشر دقايق انتظار ونادوني للمقابله ..

يعني الساعه تسع طابقه تسع وربع مقابله لاحظت ان الارقام ماكانو مهتمين بالتسلسل ...
يعني سحبوا على الكل ونادوني تخيلو

اللجنه الثانيه كنت


جدا ممتازات يابنات ماتوقعتهم كذا ...

الاسئله ....


عرفي بنفسك ..؟

كم لك سنه متخرجه ..؟

كيف قضيتي وقت فراغك طول هالسنوات ..؟

هل سبق مارستي مهنة التدريس ..؟

الحاسب الاولي وش برامجه ...؟ ومااستخدام برنامج الاكسل ..؟؟

ماهو بحر الظلمات ..؟ وليه سمي كذا ..؟

بحر القلزم ..؟

اشهر سوق عند العرب ..؟

منهو داهية العرب ..؟؟ ماعرفته ...هذا السؤال الوحيد ...

اخر كتاب قرائتيه ...؟؟ واقتنيتي ...؟؟

تتعامل مع الانترنت وش استخداماته .؟

ظواهر ايجيابيه وسلبيه في المجتمع ...؟؟

حدث ومناسبه بالرياض ..؟ وكم سنوات البيعه ..؟؟

اذكري طرق التدريس عدديها ..؟؟ وحاولوا تسهبون بالشرح ..

مارأيك بالانتداب لمدارس اخرى ..؟

اكتبي بيت شعر تحفظينه ...؟؟

وشوي شوي جلسنا نسولف مع بعض سوالف حريم وين ساكنه وكيف الخرج اعجبك ..

تفضلي تمر وقهوه ومن هالهروج السنعه ...

وبعدها اخذت الكشف الطبي ثم ختمته من المستشفى خمس دقايق ورجعته ...

ورجعت بحمد الله الرياض ...


على فكره الرغبات مرتبينها وقلت لها ليه كذا قالت اصلا التوزيع...

من عند الرجال وهنا بس روتين اوراق ...

والحمدلله يابنات تسهلت مع هالعج والغبار ...



وحبيت اخبركم تجربتي لعل البعض يستفيد ...

تخصصي لغه عربيه وعلوم اجتماعيه ...

وترى قالت لي اذا مكتوب اجتماعيات راح تدرسين جغرافيا .. قلت العربي قالت لا ...

واسئل الله لكم التوفيق يابنات والله يسهل اموركم .....



دمتم بالف عافيه ..

مشكووووورة انعكاس الله يجزاك كل خير


طيب ماهي الظواهر السلبية والايجابية في المجتمع !!!!

وماهي طرق التدريس
هي نفسها استراتيجة التعليم

الظواهر السلبيه مثل التدخين البطاله ظهور البويات في المدارس والجامعات
الظواهر الايجابيه انتشار المراكز الصيفيه ودور حفظ القران وكذلك مراكز اللياقه
وكذلك ظاهرة التطوع وظهرة بشكل واضح في سيول جده وبعد الاهتمام بالكتب والانفتاح على الثقافه ويدل غلى ذلك الاعداد الكبيره الي تزور معرض الكتاب انتشار كفاله اليتيم
هذا الي يحضرني اللحين وبحاول اتذكر لك اشياء ثانيه وبالتوفيق

مبرووووووك انعكاس
الله يوفقك ويسرلك أمرك
دعواتكم لي موعدي اليوم الساعة٨

في أمان الله

الله يبارك فيكم يارب ...

بريقه الماس الله يسهل امورك ولاتخافين الامور بسيطه جدا ...


وعلمينا وش يصير معاك ...

صباح الخير

مبرووووووك لمن أنهت المقابلة
والله يوفق اللي اليوم مقابلتهم

داهية العرب أعتقد معاوية بن ابي سفيان رضي الله عنه

بكره مقابلتي بإذن الله .. دعواتكم

دين ؛؛ 7/15