حلو ياجروح انا من شمال الرياض ومحتاره اسكن في الخرج او ناخذ نقل
مهم اذا خذنا نقل تكون احيائنا متقاربه وكذالك الطلعه عشان ما تجي وحده ونص الا في بيوتنا اما اذا صار النقل كوكتيلا بنروح فيها
لان المعلمه الي في شمال الرياض اخر وحده تنزل

بالنسبه لي مستحيل أنتقل هناك
خلاص أي وحده ساكنه شمال الرياض نعمل قروب نكون مع بعض

شكراا لك أختي حجابي نجاتي

والله ريحتيني

الله يوفقنا جميعا ..

كويس كذا ان شاء الله اذا خلصنا مقابله وحددوا لنا المدارس لازم نرجع للبعض عشان نشوف مناطقنا وين
لازم ننسق بينا خصوصا حنا يا شمال الرياض عشان نقدر نرجع بدري لبيوتنا ولا نضطر نطلع قبل الفجر
يارب سهل امرنا وجعل الوظيفه خير لنا

ماشاء الله بنات الخرج
انا بعد بالرياض شرق وتعينت بالخرج
ضموني لكم
بس انا احتمال اسكن بالخرج
لسة ماقررت مع زوجي

طيب يابنات هجر وقرى الخرج مين تعرفها وكم تبعد عن الخرج
يعني كيف الوضع عندهم
لاننا اكيد ماراح نكون كلنا بقرية وحدة
صح ولا انا غلطانة

رفــــــع

على ما سمعت ان الخرج صغيره يعني لا تخافين يشوتونك مكان بعيد وانا الحمدالله تربيه خاصه معروفه مدارسنا

يعني لو سكنت بالخرج واخترت اي قرية
ماحمل هم انشاء الله
لاني مو عارفة اي شئ فيها

الي متزوجه وعندها عيال افضل لها تسكن في الخرج

بيوتكم واطفالكم لهم حق عليكم

الخرج مدينه حلوه ورايقه اعرفها من زمان واكيد تطورت اكثر

الوحده ترجع لبيتها 1 او 2 بالكثير وتداوم سبعه

افضل من تروح الفجر وترجع بيتها 4 او 5 مع الزحمه يمكن توصل المغرب

فكرو زين واستخيرو