صباااح الووورد
وش الموضوع يالحلوات
اليوم راحت علي نومه << والله من كثر المذاكرة
والله يوفق اللي عندها مقابلة اليوم ..

علمونن وش الهررررررجه ..

انتي معنا يا اللماسه بس نتاكد وين مدارسنا ومتى الطلعه عشان ما ناخر بعض

مرحبا يابنات

كيفكم أخواتي

بشروني عنكم وعن المقابلات ان شاء الله كل شي تمام

أنا اليوم سويت المقابلة والحمد لله سهالات كل شي سهالات وأي شي بتسألون عنه أنا حاضرة

على البركه الحمد الله خلصتي وفالك المباشره بسئلك
ايش الاسئله العامه الي سئلوك ايها
وكتبتي املاء او لا
واسئلة التخصص كانت دقيقه او لا
والله يجزاك خير

أهم نقطة يالغاليات تجون بدري حتى لو قبل موعدكم

ماشاء الله عليهم موظفات الخرج نشيطات وذوق وأخلاق

على طول يعطونك ملف علاقي أخضر ورقم ومجموعة أوراق

عبيت بياناتي والموظفات ما قصرو يجاوبون على كل الاستفسارات

وبعدين خذتني الموظفة على غرفة ثانية فيها استاذات ينادون الاسم ويستلمون الورق ويطابقون

وبعدين هم ودوالملف لغرفة المقابلات طبعا مرة كان كل شي سريع لأن موعدي بدري

طيب ايش الاسئله

الله يسعدك ويوفقك يارب
طيب متى تحددين الرغبات المكانيه
وتصدقين عندي رعب من الاملاء ما احبه وان شاء الله ما تعطيني املاء لان تخصصي فكري

وبعد ماخلصت رجعت للغرفة الأولى اللي دخلتها أول شي

وعطيتهم ورقة اجتياز المقابلة

قالو تبغين تسوين الكشف الطبي هنا بالخرج سريع وتخلصينه بنفس اليوم

قلت ايه أفضل من الروحة والرجعة للخرج

عطتني نموذج الكشف وورقة الرغبات

وقالت لازم يختمها مدير المستشفى ويوقع طبيبين

وينحط صح عند كل خانة عشان ما أضطر ارجعكم للمستشفى ثانية

وخذت الوصف من كروكي راسمينه ومعلقينه ومو واضح أبد

وطلعت وسأل زوجي والحمدلله دخلت المستشفى وزوجي هو اللي يطلع من غرفة لغرفة ومن دكتور لدكتور

وحطو صح وختمو ووقعو وهم حتى ماشافوني

وخلصت ورجعت لإدارة التعليم ثانية وسلمتهم الكشف والرغبات

الحمد الله تسهلت من عنده عقبالنا وكل البنات
بس غريبه الكشف ما دققوا عليه لانهم هذي السنه مشددين حتى الي فيها ضغط وسكر يستبعدونها
الله يجزاك خير ويسعدك في الدارين