بالنسبة للرغبات

قالو لازم تحطين حسب القطاعات

وانتم يا اهل الرياض رتبنا لكم الرغبات حسب قربها من الرياض

اكتبوها زي مارتبناها وعددها خمسة

1- الخرج
2 الدلم
3- هجر الخرج
4 - القاعدة الجوية
5 - هجر الدلم

يعني ما تحطين اسماء القرى فقط القطاعات

وبنفس الورقة كاتبين أتعهد انني ما آخذ إجازة استثنائية ولا رعاية مولود أثناء السنة الأولى التجربة

والحمد لله على السلامة والعافية

طلعت من الخرج 10 صباحا والجو زين والطريق ممتاز والزحمة بدت من عند مخرج 13 تقريبا لأني متوجهة لشمال الرياض

عقبالكم جميعا تخلصون وترتاحون وننتظر النتائج والتوجيه بفارغ الصبر

طال انتظاري

الله يوفقك

السجل الأكاديمي ما طلبوه قلت الله يجزاكم خير سهلتو عل بنات المسلمين

وأنا حطو تخصصي عربي بس لما دخلت موقع تكامل لقيتهم حاطين اجتماعيات

قمت نزلت هنا موضوع اسأل اللي هم بنفس تخصصي قالو فعلا كلهم مثلي حاطين التخصص اختماعيات

لكن لما نتوظف بعون الله بنصير بتاع كلو بندرس كل شي بحكم ان الابتدائي ماله تخصص

يا حبي لكم يابنات مشكورات عل دعواتكم الطيبة

وأنا والله ماسويت شي بس حطيت نفسي مكان وحدة ماسوت المقابلة وفي راسها مية شغلة وما تدري وش تسأل وش تخلي

نسيت أقول لكم انهم فعلا يهتمون بشكل الوحدة ولبسها

ولأني مافصخت عباتي قالت وحدة من اللي سوت معي المقابلة وراك مافصختي عباتك فهمت انهم يبون يعرفون وش لابسة

وقلت ابد لابسة تنورة وتي شيرت تعرفون عشان مسافرة

اتوقع يدققون لو بنطلون أو عباية مبالغة زينتها بس بالنسبة للراس أو الكتف مايدققون

وأهم شي يابنات كان بتروحون لمستشفى الملك خالد خذو الوصف من الحين

عشان ما تتأخرون وانتم تدورون عليه خاصة اللي مواعيدهم متأخرة من 12 و1 وفوق

وبالنسبة لموقع المقابلة سهل وواضح خاصة اللي معها اي فون

ولا بلاك بيري الماب سهل مرة كل المواقع مكتوبة بالعربي

كثرت هذرة عليكم موفقين كلكم وعقبال ما تسولفون عن مقابلاتكم

معليش ازعجتك بالاسئله بس كم استغرق مشوارك من الخرج الى بيتك
والله يجزاك خير