تجمع المتعينات بالخرج

زهور وشوق · #**271** (**permalink**) 23-05-2012, 02:19 AM

اقتباس:

المشاركة الأصلية كتبت بواسطة ذوق الذوق

بنات انا من اللجنه الثانيه وعملت المقابله اليوم وكانو مره حبوبات بس شوي اسئلتهم صعبه يعني سالو عن الظواهر الايجابيه والسلبيه في المجتمع وسالو عن كيفية القضاء على تسول الاطفال وسالو عن طرق التدريس وسالو عن الطالبه الكسوله في الفصل وسالو عن قمة الخليج مالذي تم من خلاله وماالذي توصلو له وسالو عن لو كبت عليك طالبه كوب مويه وش ردة فعلك

وهي قاصده هذا الفعل وسالو عن استخدام الكمبيوتر في التعليم وسالو عن الارهاب وكيف

نحاربه وسالو عن لو جتك طالبه وقالت شرحك مو زين ماهي ردة فعلك

وبعدها اعطوني كتاب وقالو اقريه وبعدها قالو روحي خذي ورقة الفحص الطبي وعبي الرغبات بس فيه شي ماعجبني الرغبات تكتبها غصب هم اللي كاتبين القرى قلت ما ابي اكتب اللي كتبتوها قالت كانتس مستغنيه عن التعيين اكتبي اللي تبينه

يعني لاتتعبون وتجلسون تدورن قرى الله ييستر من التوجيه بصراحه عصبت مره ليه كذا

* بنات دعواتكم ليه جالسه اكتب لكم والله تعبانه من الصداع النصفي صار ليه شهر على هذا الوضع يارب اشفني شفاء لايغادره سقم

مشكوره ياقلبي الله يجزاك خير ويشفيك يارب العالمين ماقصرتي

بس فعلا اسئلتهم شويه صعبة انا من اللجنة الثانية الله يستر

ذوق الذوق · #**272** (**permalink**) 23-05-2012, 03:18 AM

زهور وشوق العفو ولو ماسويت شي والله يجزاك خير على الدعوات والله ييسر لك يارب

طرفة · #**273** (**permalink**) 23-05-2012, 02:29 PM

انا تخصصي تربية فنية تعينت في الخرج الي تبي الخرج وتبادلني بالرياض ولا حريملا اوملهم اوالعيينة انا مستعدة.

وديساس · #**274** (**permalink**) 23-05-2012, 03:16 PM

مرحبابنات،،،
أناتخصصي علوم ورياضيات تعينت بالخرج وخلصت المقابله اليوم الحمدلله
وماكنت متوقعتهاكذاأبدا صراحه كل شي تمام مشت اموري من احسن مايكون
طبعاً وصلت ع الساعه سبع وطلعت فوق ودخلت بغرفه اعطوني فيها ملف علاق اخضر ومجموعة
أوراق اعبيهاطبعاًالموظفه رتبتهالي بالملف واعطتني قلم وقالت روحي عبيهابالغرفه الثانيه رحت وعبيتها
ولماخلصت وديتهالغرفة المطابقه طابقوهالي وطلعت بالانتظار لمانادواع رقمي
دخلت ع لجنة المقابلات كانواعبارة عن ثلاث موظفات صراحه قمه في التعامل وبشوشات
اول ماجلست اخذوامني ورقة البيانات وورقه ثانيه وطلبوامني اتكلم عن السيره الذاتيه (اسمي والكليه اللي تخرجت منها
وبعدالتخرج اش سويت وكم سنه جلست بعدالتخرج وهل توظفت قبل كذا)
وبعدهاسألتني عن طريقة التعامل مع الطالبه الضعيفه
وعن طرق التدريس الحديثه
وسالوني هل استخدم الحاسب الالي وهل اخذت دورات في الحاسب
وأيضاًسألوني عن القمه الخليجيه ونتائجها
وعن المناسبه اللي احتفلت فيهااليابان أمس
أعطوني كتاب قريت منه اربع اسطر واعطتني ورقه وطلبت مني
أكتب عن فائدة مادة الرياضيات في الحياة
وسألوني عن رأيي في الانتداب
وأيضاًقالت لي لوطالبه عندك قالت لك أنتي نامصه يااستاذه والنمص حرام اش رح تردي عليها
(طبعاًسبب السؤال هذااني كنت مشقره حواجبي
باختصاريابنات المقابله حاجه سهللللله مرررررره عكس ماكنت متوقعه وفوق هذاروتينيه
والدليل اسألة الموظفات غير معده مسبقاًومايركزون كثير ع الاجابات ولايبونك تطولين الاجابه
وسلااااااامتكم
وبالتوفيق للجميع
ودعواتكم

ام روان · #**275** (**permalink**) 23-05-2012, 03:24 PM

الله يوفقك وديساس

تستاهلين احلى تقييم

ربي وووفقني · #**276** (**permalink**) 23-05-2012, 04:04 PM

وديساس ماشاء الله عالبركه انجزتي المهمه عقبالنا يارب الله يوفقنا يارب عاد كنت ناوية اشقر حواجبي شكلي بأجلها لبعد المقابلة ههههه

ربي وووفقني · #**277** (**permalink**) 23-05-2012, 04:06 PM

بنات هذا رابط عن طرق التدريس الحديثة مره حلو ويفتح النفس للقراءة
http://users2.nofeehost.com/xaouen/E...ok-tadriss.ppt

حاسب وبطالة · #**278** (**permalink**) 23-05-2012, 07:45 PM

منكم نستفيد
أنا من الدفعة الرابعة وتعييني بإذن الله بالخرج

الله يوفقكم يابنات ويتمم أموركم على خير.

ربي وووفقني · #**279** (**permalink**) 23-05-2012, 10:13 PM

الللهم امين ويوفقك يارب ويسهل امورك ان شاء الله

عبير عبدالعزيز · #**280** (**permalink**) 23-05-2012, 10:14 PM

اللهم لك الحمد حتى ترضى ولك الحمد بعد الرضا ولك الحمد اذا رضيت

موعد مقابلتي الساعه 11 صباحا في منطقة الخرج
اللجنه الثالثه ..
التخصص رياض اطفال

وصلت في تمام الساعه 9 وخمس واربعين دقيقه

طاعت الدور الثاني ((المقابلات في الدور الثاني ))

تدخلين الغرقه الاولى توقعين عند اسمك يعطونك رقم
ومقسمين على حسب اللجان الوان للارقام مثلا اللجنه الثالثه

اللون زهر .. جدا مرتبين ومنظمين التعامل اكثر من رائع ربي يسعدهم

بعد كذا يعطونك ورقتين تعبينهم ومخصصين موظفه رائعه تساعدك في التعبيئه

بعدين تجي موظفه خاص بالمطابقه والتصديق على الاوراق وتروحين معها لغرفه

تجلسين تطابق الاصل مع الصور وترتب الملف وتختمهم

ملاحظات في هذي المرحله :- دفتر العائله الصغيره يجب ان يكون مصور من الامام والخلف
بطاقة الاحوال تغني عن دفتر العائله
اخذو مني السجل المدني وقالوا انه مو الزامي بس اللي معها ياخذونه
اللي صلحت لي اوراقي انسانه راقيه بمعنى الكلمه

بعد كذا دخلت اوراقي على لجنة المقابلات وجلست انتظر ينادون لي
بحكم اني جايه بدري على طول دخلت

كان في طاوله كبير عليها اربع موجهات كل موجهتين يسالون وحده
بدت معي موجهة رياض الاطفال

عرفي عن نفسك ؟
تكلمي عن سياسة التعليم في المملــكه ؟
عددي الاركان ؟
اللقاء الاخير تكلمي عنه؟
طبعا راح يواجهك فصل في مبنى مستأجر كيف راح تتعاملين مع هذا الوضع؟
قبل اسبوع صار حدث مهم في الرياض ؟ايش هو وتكلمي عنه؟
كثر في توتر وافيس بوك الحديث عن الذات الالهيه وسب الرسول كيف تتعاملين لوصار نقاش في غرفة المعلمات ؟
راح يجيك ناس كثير يقولون رياض الاطفال مو مهم ((هنا حاولت تستفزني وهي تبتسم عن عدم اهمية رياض الاطفال ))
الحاسب هل تعرفين تتعاملين معه وكيف توظفينه في مجال رياض الاطفال

تقريبا هذي هي الاسئله ..

بعد كذا اعطوني ورقه ورجعت للغرفه الاولى اعطيتها لهم واعطوني الكسف الطبي وورقه تعبين فيها الرغبات

وبعدين رحت للمستشفى الملك خالد خلصت منه ورجعت اعطيتهم الورقتين دعو لي بالتوفيق وسألتها كيف راح تعرف
في مدرسه احنا قالت راح نستدعيكم

رجعت لبيتي في تمام الساعه 3 ونص العصر
دعواتكم حبايب قلبي