المشاركة الأصلية كتبت بواسطة ترانيم نجدية

اختي الغاليه كلمتهم عشان احط الرقم ورفضو بحجة ان السكن ماخلص للحين يعني يجهزون فيه وصاحب السكن رجال كبير ومايبغي الناس تزعجه من الحين يعني اذا خلص كل شي راح انزل لكم رقمه بس اللي حابه تحجز تقدر تحجز عن طريقي وبالنسبه للسعر 2000 ريال للشهر سكن+ توصيل من والي المدارس+ حراسه 24ساعه+ خادمه+ سيارة وسائق 24 ساعه للمشاوير الخاصه وللحالات الطارئه
طبعا الحين حجز اختي مافيه دفع ولاهلله وانا مالي شغل في الدفع اذا خلص التجهيز بحط لك رقمه وتتواصلون معه اللي عندي الحين حجز فقط ربنا يوفقنا يااارب

المشاركة الأصلية كتبت بواسطة انفاس السوسن

-
اختي ترانيم
يسسسسسسسسسسسسسسسسسسسسسلمو على ارقام الشقق
دايركت نسختها وحطيتها فمفكره احتياط
انا بصراحه مارحت حائل الا مره فحياتي لما سويت المقابله
ولا ادري عن شيء فيها
ومحتاجه اعرف كل مكان عشان ماصير زي [صعيدي فالجامعه الامريكيه]
::
ترانيم يعني ممنوع الاطفال فالشقق حقة الرجال ؟؟
انا عندي بنوته فاول ابتدائي فالبدايه مابجيبها صعب عشان دوامها وتوها اول مره بتروح مدرسه
قلت اخليها لين ارتب وضعي
وكنت متحمسه انها بتروح وتجي معاي فمدرستي اخاف اتركها لحالها
مع ان مدرستها جنب بيتنا بس تكون تحت نظري افضضل
تاكدي لي من هالشيء تكفين عادي ادفع عنها ايجارها ههههههه
لو ماينفع ابد اتركها مع امي لين ربي يحلها
وبالنسبه للسعر بصراحه كونه موفر لنا سواقين وشغاله وخدمات وحارس والله السعر حلو مره
فكل الاحوال احنا بندفع للسايق الف وايجار بيت الف يعني هو بالعكس ريحنا من خلال الشغاله والحارس وراحة اهالينا
الله يتمم لنا على خير
بس سؤال اخير ترانيم
ماقال لتس متى ممكن يجهز السكن ؟؟؟ قريب والا متاخر
<<تبي سكنها جاهز قبل تباشر لانها ماتعرف احد فحايل ابد

المشاركة الأصلية كتبت بواسطة امواج العمر

المشاركة الأصلية كتبت بواسطة غيمه المطر

ترانيم. الله يسعدك أحجزي لي معاكم الله يرضى عليك

المشاركة الأصلية كتبت بواسطة ترانيم نجدية

[align=center]
بشـــــــــــــــرى للبنــــات المغتــربـــات في حائــــــــــــل

خواتي انا من مرشحات حائل وكنت متابعتكم واستفدت منكم كثير الله يجزاكم خير
وماكان عندي شي اقدر افيدكم فيه في السابق بس اليوم جبت لكم خبر اتمنى انه يسهل عليكم امور كثيره في غربتكم طبعا هذا الكلام للي من خارج حائل وبتضطر تسكن في حائل بحكم تعيينها
وصلني خبر اليوم ان فيه سكن راح يعد للمعلمات المتعينات في حائل وبصراحه شي خرافي جدا
هو عباره عن سكن مؤثث بالكامل ويوجد به شغاله للتنظيف وسائقين لتوصيل المعلمات من والي المدارس وسيارة بسائقها علي مدار اربع وعشرين ساعه تحت تصرف المعلمات للأمور الطارئه ولشراء المستلزمات الخاصه ويوجد فيه حراسه يعني الوحده تجي تحط اغراضها وتسكن ولاتشيل هم شي وتجي من مدرستها وترتاح والاحلى اسعاره ممتازه جدا وراح توفر علينا التعب والمال ايضا

انا تواصلت مع بنت صاحب السكن وقالت لي ان السكن يكفي 30 معلمه فقط وسجلت عندها انا وصديقتي
واتمنى يارب ان يكون تعييني في قطاع قريب من هالسكن بصراحه يابنات بيوفر علينا كل شي
يابنات انا نقلت لكم هالخبر عشان افيدكم لاتنسوني من دعواتكم وبالنسبه للي تقول ماتدري عن تعيينها انا بعد مثلكم مدري عن قطاعي بس سجلت عشان مافوت علي الفرصه في حالة ان تعييني صار قريب من هالسكن والتسجيل ماراح يخسرني شي يعني اللي حابه تسجل ترسل لي رغبتها وانا احجز لها
والله ولي التوفيق
[/align]