ياشباب انا من ضمن المرشحين على الوظائف التي طرحتها وزارة الخدمة المدنية بداية هذا الاسبوع وتم تعييني على المرتبة الخامسة ببلدية شعبة نصاب التابعة للحدود الشمالية تبعد عن مسقط رأسي حوالي 1800 كم وبعد دخولي على قوقل ايرث للبحث عن هذه المدينة اتضح لي انها تبعد عن مدينة رفحا 150 كم جهة الشرق وغرب حفر الباطن بـ 100 كم لذلك اتمنى ممن لديه اي معلومات كافية عن مدينة شعبة نصاب من حيث الخدمات والسكن وشبكات الجوال المتوفرة هناك وماهو اقرب مطار اليها حتى يتم الحجز.

وهناك سؤال لأهل الخبرة هل يحق لي المناقلة منها الى اي مكان آخر قبل مباشرة التعيين ؟

انا كلي امل ان توافوني بأدق التفاصيل بخصوص انظمة الخدمة المدنية بخصوص المطالبة بتغيير مكان التعيين ان امكن ولكم مني عظيم الشكر والامتنان.

للرفع

هلا بك ي بعدي

اولا على البركة الوظيفـة

ثإنيـآ بالنسبة للشعبه اقرب مطار لك هو رفحاء وتبعد عن الشعبـه 150 كيلو او مطار حفر الباطن اللي هو بالقيصومـة ويبعد تقريبإ 150 كيلو


بالنسبـة للشعبـة .. اكتب وانا اضحك على سالفتك اللي تقول وش شبكات الجوال المتوفرة هناك

ي بعدي كل الشكبات stc >>> موبايلي >>> وزين كلها شغآلـه هنإك

وهي منطقـه مو كبيرة حيل ... لكن تقريبإ كل شي متوفر هناك .. والشي الاخر اهلها ناس طيبـة مره مره


والدوام راح يكون فلـه يعني ماعندك احد ... بترتاح بالدوام .. وبالنسبـة لمدير شعبـة نصاب المهندس شمام الشمري ونعم فيه كل الناس تمدحـه .. وانا الله شخصيإ ماعرفـه ولا قد شفته بس اسمع من الناس ..

والسـكن والله اتوقع للعزوبيـة فيـه بس مو بكثره ... هذا حد علمي .. واي شي ثإني انا بالخدمـه طآل عمرك

اعرف شخص موظف هناك وهو سكرتير مدير البلديـة .. وبالتوفيق ي بعدي


ودعواتك لنآ بالوظيفـةةة


موفق خير ي رب

الله يبيض الله وجهك ويبارك في ايامك يا فايز وجزاك الله خير على المعلومات القيمة اللي تريح النفس

اما بالنسبة للشبكات عشان اعمل حسابي لو كان مافية الا شبكة وحده آخذ شرايح للنت وللجوال تخبر بعض المناطق النائية مايتوفر الاشبكة وحده وينبلش الواحد ماعاد يقدر يتصرف بدون جوال ونت.

على العموم مشكووووووووووووووووووووووووور يالغالي ومانستغني عن المطاليق شرواك وان شاء الله نفرح بتعيينك وبقية الأخوان والاخوات.

ههههههههههههههههااااي

ياشيخ والله امك داعيه لك اذا جيت للشعبه. الشعبه مدينه حلوه بالمره وراح اذكرك ان شاء الله اول ماتاصل وتشوف.

مدينه اكثر من راعيه والناس طيبين فيها مره مره .

الله يوفقك ويكتب لك الخير فيها

انا واخوي

جزاك الله خير يالغالي والله يوفقك والطيب عادة من عوايد اهل الشمال ولاهي غريبة عليهم