السلام عليكم بنوتااااات ,,,,, او معلمات اكشخ


بما اني توني مسجلة جديدة ,,,,واستفدت من مواضيعكم قبل المقابله حبيت انقل لكم تجربتي في المقابله اول ماخلصت بس التسجيل والتفعيل للمنتدى اخرني شوي



انا مقابلتي كانت بنفس يوم غدير الحربي

تخصصي اقتصاد منزلي وكان موعدي الساعة 8 ,,,, دخلت عليهم الساعة 7 في المدرسة العاشرة بجانب مبنى ادارة التربية والتعليم تقريبا

المهم رحت للقاعة طوالي بعد ماسالت وخلوني املى نفس الاوراق اللي ذكرتوها وكانوا مشددين ع الرغبات لاااازم 16 ومن هالكلام مع اني ما اقتنعت وحطيت في البداية 3 رغبات فقط ,,,, وتهاوشت معهم ,,,, لان عذري اني مسجلة في جدارة بثلاث رغبات الظهران والخبر والدمام وكان فيه خيار هل ترغب بالعمل في القرى المحيطة ,,,وحطيت لا ارغب ,,,,ليش تطلعون اسمي اذا مافية ,,,وليه تجبروني اعبيها كللللها مع اني لا ارغب ولا استطيع العمل خارج هالمدن الثلاث ,,,, طبعا اللجنة الاولى مشتني و ,,,,خخخخخخخ
قالت روحي للجنة التدقيق يتفاهمون معك

رحت للجنة التدقيق وفي البداية مشتني بعد ما اقتنعت بكلامي ,,,, والامور سالكة الين دخلت علينا موظفة
وقالت يابنات اللي ماراح تعبي الرغبات كاملة ,,,, مااااااا راح ادخل بياناتها وبعتبرها كانها ماجت



هناااااااا ,,,,غلبوني وحطموني ورجعت عبيت الورقة وانا


وبعدها رحت للمقابلة وكانت المشرفة رااااائعة ومافيه اسئلة صعبه

سالتني عن اسمي ,,,وين اشتغلت قبل كذا ,,,, وهل تعرفين
ستراتيجيات التعليم وتكلمت شوي عنها ,,,, بعدها مدت يها وسلمت علي قالت انتهت المقابلة
دعت لي بالتوفيق واعطتني ورقة مكتوب فيها اسمي وتاريخ المقابلة والتخصص واسمها وتوقيعها وقالت هذي ورقة المشهد,,,,روحي خذي ورقة الفحص


رحت واخذت ورقة الفحص ,,,كان في مركز اللياقة اللي له قصة لحالها


طبعا ما اعطوني ورقة البنك لان كانوا محتاسين شوي الموظفات واشياء كثيرة نقصت




نصيحة

خذي معك من كل شي 3 نسخ مو2
وملف علاقي الاخضر افضل من البلاستيك


وسلامتكم

لي رجعة اخرى باذن الله

منوووووووره ذعبلتون بس ايش هالاسم حدنا متخوفين من هاالقريه ههههههههههههه
ماعلينا والله يوفقك لاكن بليز وراي حجز ايش قصة مركز اللياقه
بليز فيديني لاني حجزت رجعه
الله يجزاك خيررر

السلام عليكم
زوجتي تعينت في الشرقية وأنا من المدينة
وعندي أستفسارات يا ليت أحصل أجابة عليها
* هل السجل الاكاديمي مطلوب أو لا
* كم الوقت اللي يستغرق في أنها كل المهمة من مقابلة وكشف طبي لأنا مرتبطين بحجز
* هل الكشف الطبي في الصباح فقط أو في الصباح والمساء

وجزاكم الله خيرا

بنات الدمام أبي رقم تلفون و عنوان مركز السموم بالدمام << كذا عطتني الدكتورة اسمه
هو اللي يسوون فيه فحص المخدرات
الله يسعدكم أبيه ضروري
وسؤال انتوا تسوون الكشف بمركز اللياقة حتى فحص المخدرات بنفس المركز ؟؟؟

جزاك الله خيرا أختي اريج الندى
الكشف الطبي نستلمة بنفس اليوم والا لا

اهليييين بنات



بالنسبة لمركز اللياقة رحت له اليوم الساعة ٧ الصباح وكان زحمة شوي ,,,لكن للاسف قالت الموظفة لازم موعد واعطتني ورقة فيها اسمي وتاريخ الموعد اللي هو بكرة الاثنين ان شاء الله ,,,وقالت جيبي صورتين من دفتر العائلة معاك,,,,


طبعا الوصف للمركز مو واضح لان المركز مالة لوحة على شارع الامير نايف ,,,, هو في مبني تجاري الدور الثاني والبوابة في الخلف ,,,مافيه اي لوحات على شارع نايف تبين مكانه ,,,, تقريبا العمارة اللي بجنب هايبر بندة


خلي هايبر بندة ع اليمين راح يجيكم مجمع جديد فيه محلات اثاث ع اليمين ,,,هذا هو المقر تلاقون البوابة في الشارع الخلفي



ملاحظة:
نظرا لان الشارع المذكور فيه اعمال صيانه وتحويلات ,,,,الافضل تمرون عليه بالليل او اي يوم عشان تخططون للطريق قبل زحمة الصباح ,,,, والله طريقة قلق ,,,,وربي يسهل ع الجميع


طبعا المركز يسوي فحص للزواج يوم السبت والاحد والاثنين عشان كذا زحمة

فالثلاثاء والاربعاء اتوقع يكون اخف زحمة ,,,, بس فيكم فيكم مشوارين للموعد

فيه نقطة ابي اذكرها عشان مايرح عليكم الوقت مثلي,,,,انا اول دخلت المركز وطلعت الدرج لقيت شبابيك حقت الاستقبال وكان مافيها موظفين وجلست انتظر ,,,,والناس رايحين جايين في الاسياب ,,,, بعد ما استوعبت ان الدعوى فوضى حصلت باب وساتر مكتوب عليه للنساء فقط ممنوع دخول الرجال ,,,, ومليااااان حريم رحت وغصت معهم ,,,,حصلت هناك موظفات الاستقبال جالسين ع المواعيد,,,وطبعا مافيه تحديد ساعة ,,,يعني انا اعطتني موعد باليوم بدون ساعة معينه اداوم من الصباح الين ربي يفرجها


ودوامهم من الساعة ٧ الى الساعة٣