مرحبا أختي معلمة جغرافيا

كل عام وأنتي بخير

حبيت أسالك عن الشقق في الأرطاوية

وهل هي أقرب لمشذوبه من المجمعة

أختي قمر بالعالي أختي كانت معينه بمشذوبه أسكنت مشذوبه اهلها طيبين مرة وحليوين وكل أربعاء تنزل الرياض وترجع الجمعه وسنه ونقلت

أختي كانت ساكنه شقه جديدة 12الف وكانوا اهل البيت جيرانها وكانوا دائماً يقولون اللي تحتاجين اطلبيه وأهل المنطقه من قبيلة حرب تقول ممتازين

أختي من اربع سنوات كانت فيها لكن الشقة مؤ مفروشة عاديه انتي تجيبين الفرش يمكن تحسنت بعد ما زفلتوا الطريق لان أختي كان الطريق صحراوي 60كيلو لكن الان الطريق معبد وسهل الله يوفقك ويكتب لك الخير انتي من وين بالرياض وش التخصص

اغلب معلمات الارطاويه سواء كانوا بالارطاويه نفسها اوجراب اومشذوبه بيسكنون الارطاويه لان فيها خدمات عكس القرى ومشذوبه لها نقل خاص يطلع لها من المجمعه ومن الارطاويه وهي عن الارطاويه 140كيلو ودمتي

مشذوبه اقرب للارطاويه من المجمعه المسافه من المجمعه لمشذوبه 200كيلو ومن الارطاويه لمشذوبه 140كيلو بس مستوى الشقق المفروشه افضل بالمجمعه وخدماتها احسن