18-05-2012, 06:01 AM
|
 |
عضو ماسي
|
|
تاريخ التسجيل: Aug 2009
المشاركات: 1,686
معدل تقييم المستوى: 4359639
|
|
اقتباس:
المشاركة الأصلية كتبت بواسطة قمر بالعالي
حياكم الله والله يسر الخير للجميع
دنيا بنات والله نحتاجك تعلمينا عن المجمعة ومناطقها والله يجزاك خير على مجهوداتك معنا ويحقق أمانيك .
أعرف بنفسي تخصصي لغة عربية وعلوم إجتماعية طلع أسمي وحاطين عربي يعني أدرس إبتدائي عربي .
أخوي القعدة يدرس بالكلية المجمعة يقول عنها منظمة ومتطورة غير هذا أحلى ما فيها إنها مافيها زحمة زي الرياض.
وما عليك أمر أبي أعرف كلية التقنية وين مكانها بالمجمعة بالوسط يعني وألا وين ؟
والحمدلله إن الله يسر أمورنا.
|
الكليه التقنيه وانتي جايه من الرياض يعني بالبدايه زي ماقالت اختي ام ميار
حتى جامعة المجمعه تبع العيال
وتراها ديره هاديه وبسيطه وتنامين بدون ازعاج  
شوفي اغلب الاحتياج بيكوووون بالارطاويه وقراها وديار سدير
المجمعه نفسها مااظن بتكوونون فيه بتقولين ليش
اقولك ليش لان حركة النقل الكبيره اللي صارت للمعلمات
كل معلمات الارطاويه وقراها وسدير دخلو للمجمعه
فانتو اكيد بيوزعونكم مكانهم
نجي لقرى الارطاويه
الارطاويه نفسها تبعد عن المجمعه 60 كيلو تقريبا
نجي عاد لقراها وكم تبعد عن المجمعه نفسها
مشرفه_95كم
حويمضه_100كم
السحيمي_98كم
شرف الزهره_68كم
النغيق_82كم
مصده_100كم
مشلح_125كم
الشهباء_85كم
العقله_60كم
حنيدر_125كم
برزه_88كم
برزان_102كم
القاعيه_90كم
ام سديره_125كم
ام الجماجم_120كم
مشذوووبه _200 تقريبا >>هذا تعيين اختي جا فيها عام 2008
بس سنه ونقلوا هي وصاحباتها لانها تعتبر قريه نائيه وبعدين حطوها بقرية مشلح قعدت فيها سنتين من اجمل ايام حياتها بكلامها
لانها انقلت للشرقيه بحكم زواجها
وفيه نقل يطلع من الرياض للارطاويه نفسها>>صاحبة اختي كانت تجي من الرياض للارطاويه بس الحمدالله جاها النقل الخارجي للرياض
نجي الحين لديار سدير وانا انصح اللي ساكنه بالرياض ترز ديار سدير بالرغبات كونها الاقرب للرياض
بس بنات مايحضرني كم المسافه بينها وبين الرياض او المجمعه بالضبط
بس استعنت بقوقل..
-
حوطة سدير تبعد عن المجمعه 48 كم على طريق الرياض السريع>>ديرة حلوم
روضة سدير تبعد عن المجمعه 40 كم على طريق الرياض السريع
جلاجل تبعد عن المجمعه من جهة الجنوب 25كم تبعد عن روضة سدير 15كم
تمير تبعد عن المجمعه 65 كم وعن عشيرة 25 كم لها اكثر من طريق
عشيرة تقع على طريق الرياض السريع 50 كم عن المجمعه
التويم بين روضة سدير وجلاجل
والمسافه بين الرياض والمجمعه 180 اغلب اهل المجمعه يروحون
للرياض من يومهم ويرجعون
زي ماقلت بنات اللي ساكنين بالرياض اختارو الاقرب لكم
مثل عشيرة سدير والخ..\\
وبس والله يوفقكم
واذا فيه غلط بكتابتي سامحوني لان حاولت بقدر مقدر اجمع
من هنا وهنا
فالكم الديار اللي ترتاحووون لها 
|
العرض المتطور
