المتعينات في المجمعة نورونا هنا

أم ميمونة · #**491** (**permalink**) 06-06-2012, 07:10 PM

السلام عليكم ورحمة الله وبركاته
اللهم لك الحمد كانت مقابلتي اليوم
كان موعدي الساعة 11 ودخلت للمقابلة الساعة 9ونص تقريبا
لأني جاية من 7 وثلث
لجنتي رقم 1
تخصصي دين
بصراحة حبيت اهل المجمعة تعامل الجميع راقي وخدومين
وجدا أخلاق الله يجزاهم خير أعجز أوصفهم وخاصة رئيسة لجنة المقابلات
الله يسعدها
وهذي الأسئلة
اذكري شرط من شروط التوبة
ما عقوبة قوم عاد
ما عقوبة قوم نوح
اذكري شروط الإمامة
ما هو أحب الأماكن إلى الله وما هو أبغض المساجد إليها
قال تعالي : { وكأين من قرية عتت عن أمر ربها ...} ما معني عتت ؟
أحكام النون الساكنة والتنوين أربعة أذكريها ؟
ما هي حروف الإقلاب ؟
ما هي حروف الادغام بدون غنة
قرأت من المصحف وسألتني عن حكم تجويدي ( من خير ) اظهار
تقريبا هذي أسئلة التخصص
نجي للأسئلة التربوية
ظاهرتين في المجتمع ما تعجبك
الطالبة المشاغبة كيف تتصرفين معها
هل تجيدين الحاسب
تكلمي عن البيئة الصفية
ما هي طرق التدريس الحديثة
كيف نحمي أطفالنا من الفضائيات
تقريبا هي هذي الأسئلة
الله يوفق الجميع

قمر بالعالي · #**492** (**permalink**) 06-06-2012, 10:45 PM

سلام عليكم شخباركم

اليوم طال عمركم رحت المجمعة علشان مقابلتي عند لجنة 3 تخصصي لغة عربية وعلوم إجتماعية

مدري أحس إنها بعيده وفكرت أسكن فيها من بعد ما سجلت رغباتي

( تمير ـ سدير ـ المجمعة ـ الأرطاوية ـ مشذوبه ) ولما رحت للكشف الطبي

جلست أهوجس بالسيارة أحس إنها بعيده ومشورة كل صباح ونقل

(يا ماخذوني يا ما ردوني ) <<< يعني أجي هلكانه وأروح هلكانه ،

وبعد مناقشات ودية مع أخوي وأمي طال عمرهم توصلنا إني أسكن

بالمجمعة وتكون رغبتي الأولى المجمعة قبل تمير وسدير

وبعد ما رجعت لهم الكشف طلبت ورقة المناطق قلت بغير قالت وش تغيرين

قلت بحط المجمعة أول شيء قالت ليش قلت وش أسوي حبيتكم وبصير عندكم : ح

قالت الله يحبك عنده <<< عاد أستحيت شوي المهم غيرتها الله يسر اللي فيه الخير.

بالنسبة لي جاية بدري 7,30 بدري بصراحه وطابقت أوراقي ورحت أخذ رقم

أحتاروا وش يعطوني رقم لأن موعدي الساعة 10 صباحا وبعده الله هداهم وعطوني رقم 8

ما طولت دخلت على اللجنة ولما قلت أسمي ويجيني ذاك السؤال الصاروخي <<<

ما معنى اسمك <<< عاد أنا صرت هه والله كنت حاسه إن أسمي معذب الشعب

السعودي <<< عاد على طوووول وبدون مقدمات كنت حاسه إن هذا السؤال بنسأل لي

قالت ليه : do5h: قلت علشان اسمي حلو وفيه همزه يعني للمهارات الإملائية ينفع

وتسألني عن الخبرات وإستراتيجيات التعليم اللي طبقتها بمدرستي

وبعدها قريت سطرين وسألتني عن إعراب جزء منه وكان جار ومجرور ومضاف وصفه <<< قالت حلو

وبعدين طالعت للي جنبها قالت خلاص ولا باقي أسئلة قالت باقي التخصص

قالت اسئليها ، قالت الاسئلة عندك قالت ما عندي شيء <<< عاد أنا بين الثنتين

وتفكر الثانية شوي وبعدين تسألني ... عددي الجهات الأصلية ؟ : tsfiq: قالت طيب

ماهي الجهة التي تقع بين الشمال والغرب ؟ <<< قلت الشمال الغربي . قالت طيب

وبعده قالت سؤال عددي المراحل التي مرت بها الدولة السعودية ؟ : Y <<< قلت تونا كنا حلوين

وش صار ضحكت قالت بسيطه وبتجاوبين <<< والله مدري عاد العلم عند الله قلت المرحلة الأولى:

مرحلة الدعوة اللي ساندهم فيها محمد بن عبدالوهاب.

المرحلة الثانية : يوم صارت الدرعية عاصمتهم هاه <<< عاد الثنتين قايلين هاه

قلت المرحلة الثالثة : يومن دخل عبدالعزيز الرياض وبدأ يستولي على باقي المناطق ومستمرة

ليومنا هذا والله يديم عزهم <<< عاد طالعت فيهم قلت صح قالت وحده إيه ( والله مدري عنها )

وبعده قالت تفضلي قلت تبون الأوراق مجهزتها قالت لا ، روحي أخذي ورقة الكشف وأخذتها

وبعده سجلت الرغبات وكتبت لين : do5h:تعبت المهم حسنا شوي بالكشف وآخر شيء الله يسرها

وختموا أوراقي ورجعتها لهم وإن شاء الله الجميع فالهم الوظيفة.

قمر بالعالي · #**493** (**permalink**) 06-06-2012, 11:15 PM

اقتباس:

هلا وغلا خسارة ليتني شفت رسالتك قبل ماراوح مدري وش سويتي

بس احس انا تقابلنا اغلب اللي معي اليوم كانوا من الرياض

مرحبا أم ميار أحس إني قابلتك عطوك رقم 11 وكنتي متضايقه منه

وغيروه لك صح

وفالك الوظيفة.

نسيت أقولكم سؤال <<<

عاد لا تقولون هذي ماسكة الصفحة ما خلت وما بقت

السؤال هو بعد ما سألتني عندك أهتمام بالسياسة ومتابعة الأمور السياسية

قلت أحيانا

قالت ماهي القضيايا السياسية الحاصلة في وقتنا هذا ؟

جوابي : قضايا الثورات العربية في الدول العربية على زعماءها مثل سوريا <<< أم ميار هذا السؤال

عطيتك إجابتها وحنا جالسين هه ذكرتيني

وسالتني ما تأثيرها على المجتمع

قلت بصراحه وأنا أدرس كانوا الطالبات السوريات مشغولات على أقاربهم بسوريا

والأحداث اللي تصير فيها كان أغلب كلامهم عنها <<< قالت الله يفرجها لهم . قلت آمين

ام الحب · #**494** (**permalink**) 06-06-2012, 11:50 PM

قمر بالعالي الله يوفقك والله وسعة صدري على رسالتك صرت اضحك لحالي وبنتي مستغربه مني
الله يعيني مقابلتي السبت دعواااااااتكم
وأكيد محد يحتاج مقابلتي لان اخر وحده والكل سوى مقابلته

فتحيه الدمرداش · #**495** (**permalink**) 07-06-2012, 12:43 AM

ام ميمونه مبروك اجتياز المقابله

ام ميااااااااار قمر بالعالي ماشاء الله تقابلتوا ومادريتوا عن بعض

فتحيه الدمرداش · #**496** (**permalink**) 07-06-2012, 12:45 AM

اقتباس:

المشاركة الأصلية كتبت بواسطة ام الحب

قمر بالعالي الله يوفقك والله وسعة صدري على رسالتك صرت اضحك لحالي وبنتي مستغربه مني
الله يعيني مقابلتي السبت دعواااااااتكم
وأكيد محد يحتاج مقابلتي لان اخر وحده والكل سوى مقابلته

لا ياقلبي
سجلي كل خطوه لان فيه دفعه رابعه جديده متعيناات

اكيد بيستفيدوا منها

وانتي ليه حاطه اخر يوم

انا اول يوم بوجه المدفع

متفاااائلة · #**497** (**permalink**) 07-06-2012, 01:53 AM

[هلا بالغالية متفاااائلة الله يوفقك

وبغيت أسألك وين سويتي الكشف وجيت على الموعد وألا قبله ولك أحلى تحية [/QUOTE]

عذرا اختي قمر ماشفت سؤالك توني داخلة من أمس
ومبروك وعقبال المباشرة
شكلك متضايقة من الطريق زيي رجعت احس بدوخة وتعب الى اليوم
بس مااقدر أسكن على أنه هو الأفصل
الله يكتب اللي فيه خير للجميع

أم ميمونة · #**498** (**permalink**) 07-06-2012, 02:56 AM

اقتباس:

المشاركة الأصلية كتبت بواسطة فتحيه الدمرداش

ام ميمونه مبروك اجتياز المقابله

ام ميااااااااار قمر بالعالي ماشاء الله تقابلتوا ومادريتوا عن بعض

سبحان الله لكل من اسمه نصيب
اسمك فتحية واستفتحت اول يوم واول من بشرنا وطمنا
الله يجزاك خير ما قصرت والله يبارك فيك
نصيحة لكل وحدة في موضوع الفحص الطبي تراهم حليوين في المستشفى
بس يبغالها رجال يدخل عليهم واذا رفضوا إلا يحولونك على مستوصف الفيصلية خليه يشرح لهم وضعك وانك جاية من الرياض ... الخ
والله الموضوع ما أخذ مني ولا 5 دقايق الا وانا راجعة وسلمت الكشف الطبي للمسؤولة .
نسيت اكتب سؤال سالوني اياه : ماذا تفضلين العمل الجماعي أو الفردي ولماذا ؟
الله يوفقك الجميع

قمر بالعالي · #**499** (**permalink**) 08-06-2012, 02:29 AM

اقتباس:

قمر بالعالي الله يوفقك والله وسعة صدري على رسالتك صرت اضحك لحالي وبنتي مستغربه مني الله يعيني مقابلتي السبت دعواااااااتكم
وأكيد محد يحتاج مقابلتي لان اخر وحده والكل سوى مقابلته

تسلمين أختي أم الحب

الله يجعل حياتك حب × حب دوووووم ويديم ضحكتك دنيا وآخره

وبالتوفيق في المقابلة

وأتمنى تحطين مقابلتك علشان العاطلين مستقبلا يحتاجونها

والله يرعاك

اقتباس:

ام ميااااااااار قمر بالعالي ماشاء الله تقابلتوا ومادريتوا عن بعض

أعتقد إنا تقابلنا

وكنا جالسين جنب

بعض <<< لأني سألت اللي بجنبي

وكانت مقابلتها الساعة 11 >>> وعلى طول ذكرت أم ميار

بس الظاهر إلا الآن بالمجمعة

تتعرف عليهم وعلى عاداتهم وتقاليدهم

وتشوف الجو عندهم وتجيب الأخبار

الله يسر لها الخير وين ما كانت

اقتباس:

عذرا اختي قمر ماشفت سؤالك توني داخلة من أمس
ومبروك وعقبال المباشرة
شكلك متضايقة من الطريق زيي رجعت احس بدوخة وتعب الى اليوم
بس مااقدر أسكن على أنه هو الأفصل
الله يكتب اللي فيه خير للجميع

[COLOR="DarkGreen"] تسلمين أختي متفاااالة

الله يبارك فيك ويسر لك الخير[

الطريق >>> الله بيسره لنا ونحط طيارة بسطحنا

تودينا وتردنا

/COLOR]

ام ميار الزهراني · #**500** (**permalink**) 08-06-2012, 03:21 AM

هلا اختي قمر بالعالي
انا عرفتك بس انتي لخبطتي بيني وبين اللي جلست جنبك
صح مقابلتي كانت11 ورقمي 12 بس ما اعترضت ولا غيرو رقمي لكن الله فرجها من عنده ودخلت قبل وقتي ولله الحمد
أسال الله العلي العظيم ان لم يكتب لنا لقاء في الدنيا ان يجمعني بكن وبمن نحب في جنات النعيم
ااااااااااااااامين يارب العالمين