مرحبا بنات الله يخليكم اللي تعرف عن ابتدائية التويم شي تخبرني طبعا بسدير قرية تويم وكم تبعد عن الرياض

بنات ماجتني رسالة التوجيه انتم كيف عرفتوا مدارسكم

امم ابتدائية التويم في مجمع دراسي واحد في الديرة للبنات القرية مرررة صغيرة
والطالبات قليلات وتبعد عن الرياض تقريباً ١٥٠ كيلو

وانا اختي حلمي التدريس تعرفين ابتدائيه جلاجل كيف وضعها وكم تبعد جلاجل عن الرياض

شوفي جلاجل والتويم وروضة سدير وحوطة سدير بين الوحدة والثانية اللي١٥ كيلو وال١٠ كليو
كذا يعني قريبات من بعض ومجمل بعدهن عن الرياض١٥٠ بس كل وحدة ابعد شوي بكم كيلو بس
جلاجل بعد التويم ب٢٥ كيلو تقريباً اكبر من التويم واظن فيها ابتدائية وحدة والعدد مو مرك كبير
اكبر هاللي كتبت حوطة سدير واكثر اعداد للمدارس وللبنات لكن الباقي من مجمع يضم كل المدارس
الى مدرسة وحدة او ثنتين لكل ديرة شوفوا يمكن بالبداية تصعب عليكم لكن تهون اذا عاشرتوا ناسها
وترا الحمدلله مافيها هجر وغثاء وطريق رملي زي مانسمع عن بعض المناطق لا كل شوارعنا مزفلته وطرق
سهله وعال العال الحمدلله يمكن اصعب طريق في سدير كلها طريق تمير والحمدلله يضبطون فيه
وجلاجل فيها روضة أطفال والتويم راح يفتتحونها هالسنة ان شاء الله ربي بيسرها لكم ^_^

بنات انا بالارطاوية مدرسة الشهباء احد معي ؟؟

يا حلوات انا احتمال اسكن بالمجمعة مع ان مدرستي تبع الارطاوية
بس ودي بمدارس كويسة لاولادي
اذا فيه احد رح يسكن هناك يبلغني لو على الخاص
نرتب لنا سكن مع بعض او على الاقل جنب بعض

انا مدرستي في الارطاوية واسمها السحيمي
في احد معايا

اهلين اختي حلمي التدريس الله يعافيك ويجزاك خير ويجعله في موازين حسناتك