معلمة تاريخ وينك ليش ماتصلتي علي عسى المانع خير اختي

هلابك اختي والله قالي زوجي انو اخذالرقم بس للاسف ضاع منه البارح وعي ليتصل ثاني مره يقول انه مستحي انا ابي ارسلك رقمي على الخاص البارح ورفض اذا تقدرين ترسلينه لي على الخاص احسن

خليه يتصل وياخذ الرقم مافي احراج

اختي شكلك ماتبين تتعرفين على احد اويمكن زوجك مايبيك تسكنين مع احد اخذ الرقم للمره الثانيه ولاشفت لك اتصال خلص انا لقيت وحده

بنات وينكم شكلكم انقرضتوا هههههه اخبارك يامعلمة تاريخ جوالي فاضي ماشحنته كنت ابي اتصل عليك بس تعتقدين يخلونا نسكن مع بعض اقصد صاحب الشقه المفروشه على العموم لوماحصل لنا نسكن في شقه وحده نستأجر جنب بعض واي خدمه ترينا حاضرين انا معي طفلين صغار وشغالتي

مرحبا معلمة جغرافيا انا تخصص تاريخ ويارب اكون قريب للرياض لكن شكلي بسكن في المجمعة لكن بغيت اسألك شغالتك اش جنسيتها وكيفها للاطفال لاني عندي طفلين والثالث يالطريق انشاء الله وشغالتي الاندونيسية راحت والناس يمدحون الكينية للاطفال بالله يابنات شورو علي الله ييسر لكم كل عسير

صباح الخير

أخباركم ؟

اللي متعينات بالمجمعة لا تنسوني بسكن جنبكم لان أخوي معي

ما دريت إنكم إتفقتم تكونون مع بعض

وإن شاء الله إذا طلعت الأماكن بينا أتصال

الاخت ناكازاكي كوتو اقصد سومه ميمي ههههه مرحبا واحلا تحيه لعيونك ذكرتيني بسامي اليابانيين الله يقطع ابليسك اقوووول يالغاليه اذا تسمعين النصيحه لاتجيبي جنسيه افريقيه لعيالك اذا تبين سلامتهم انا شغالتي اندونيسيه جايه جديده ميح الفتره هذي اعلمها كيف تعتني بالاطفال فهمها بطئ انا اشوف انك تجيبي من الجنسيه الآسيويه لوايجار الين ادبري لك شغاله وفيه حل ثاني دخليهم حضانه بالرياض وفيه مره بالرياض الظاهر مصريه تشتغل حاضنة اطفال ترزق الله ادخلي موقع منتدى عالم حواء وافتحي المبوبه تلقين اعلانات حتى عن الخدم انا شريت شغالتي تنازل من وحده تعرفت عليها من خلال هالمنتدى

سلمتي على ذوقك العالي في الرد يامعلمة جغرافيا
لكن الله العالم اني اتمنى اسيوية لكن الاستقدام من اندونيسيا موقف والزوج مبتعث والاهل في مدينة وانا في الرياض وحتى لو حطيتهم في حضانة في الرياض انا للحين ماني عارفة وين بيحطوني فيه والله المستعان
لكن كلي ثقة ان تدابير ربي خير لنا جميعا