[align=center]السلام عليكم ورحمة الله وبركاته

سؤالي ~
انا عندي مشروع بسيط ببدآ فيه بعد اسبوعين بالضبط ان شاء المولى !
ومهم جداً يكون في هذا التوقيت وكل تأخيره بتضرني لأن المشروع موسمي
المهم من الحساب الأولي للمشروع تكلفتة قدرها 6،000 ستة آلاف ريال
يمكن اربح قبل رمضان بإذن الله 10 آلاف أو 15 ألف ، أنا قلت ادخل في مشروع
افضل من وظيفة صيفية لأن المشاريع فيها أخذ بالأسباب حتى يزرقنا الله
من واسع فضله ..

- أين أجد من يدعمني ؟ لأني لا أملك هذا المبلغ
- ما أعرف شي عن قروض البنوك وانا طالب جامعي في الأساس
يعني ماني موظف .. هل فيه بنك يقرضني المبلغ بدون ما يكون فيه ( ربا )

ولاحد يشره علي عشان موضوعي السابق (الفكرة اللي ببيعها)
هي مجرد فكرة وما سويت لها دراسة جدوى وان شاء الله اذا ربي رزقني
بأعمل عليها ..

( أول مرة أعرف شيء اسمه دراسة جدوى وهذي فائدة من هذا المنتدى )
_ جزى الله القائمين عليه كل خير ووفقهم في جميع امورهم واسعدهم -


الله يوفق كل من يجيب على هذه الأسئلة
ويساعدني بدعوة في ظهر الغيب
تعبت وانا اهوجس

[/align]

الله ييسر امرك اخوي...

وعليكم السلام ورحمة الله وبركاته



أولا بخصوص موضوعك السابق .. لا تستقل نفسك مهما كان سنك صغير أو خبرتك قليلة .. كل الناس كانوا صغار وخبراتهم صفر .. لا أحد يولد وهو عارف !

وأنك تفكر في مشروع بفكرة جديدة وأنت صغير سنا هذا شيء يميزك ما شاء الله الله يبارك لك .. المهم حافظ على سريتها وسجل كل شيء فكرت فيه بخصوصها في ورقة لأن الأفكار مع الأسف تموت بالسرقة إذا أذيعت أو بالنسيان إذا بقيت في الذهن دون تسجيل .. وتأكد أن أصحاب الفكر ( تجاري .. سياسي .. صناعي .. أدبي ..طبي إلخ ) يحرصون على تسجيل الأفكار مهما كنت صغيرة لأنها هي الأساس اللي تبنى عليه مشاريعهم فيحافظون عليها من الضياع بتسجيلها ..

خصص لك مفكرة تسجل فيها أفكارك المهمة وتستفيد منها في المستقبل

ثانيا بخصوص مشروعك أحييك على هالتفكير .. وفعلا مشروع صغير أنت تتحكم فيه وفي دخله أفضل من وظيفة مؤقتة ممكن تكون بـ 1500 حتى لو كان لها فائدة الخبرة ورصيد في الـ سي في ! << المشروع أيضا بيكون رصيد لخبراتك بإذن الله.

بخصوص الدعم بما أنك طالب جامعي فأكيد عندك مكافأة .. أنصحك تستدين المبلغ من أحد قرايبك أو معارفك الثقات ( مو شرط تقول له سبب الاستقراض ) واتفق معاه أنك راح تسدد له دون فوائدخلال مدة معينة ( حددها حسب المدة اللي تقدرها لاسترجاع المبلغ من المشروع ) أو أنك راح تسددها شهريا من مكافأتك بمبلغ كذا !

وإذا اخترت الشخص المناسب ( عقلا وأخلاقا ) تأكد أنه راح يقرضك لأنه سيرى فيك مشروع مكافح ناجح

لكن انتبه تستدين مبلغ أثر من 6000 تحسبا لأي شيء لا سمح الله

وفقك الله

اللي فهمته من كلامك انك تبي قرض بدون فوائد
وان شاء الله راح يفيدك احد عنده خبره ،،

واذا مالقيت حل لانك طالب ومايعطونك قرض
شوف لك شريك ،،

يكون هو عليه رأس المال وانت عليك المشروع ،،

والارباح بينك وبينه بالنسبة حسب الاتفاق بينكم .. *

اخي الكريم شوف باب رزق جميل لدعم المشاريع الصغيرة قروضهم بدون فوائد وشروطهم ميسرة هذا بالنسبة للنساء اما الرجال ماعرف شروطهم بالضبط بس اعتقد نفس الشي اذا كنت من المدينة فرعهم في حي المستراح واذا حبيت اعطيك رقمهم استفسر بنفسك وتاكد والله يرزقك بالرزق الحلال

[align=right]
السلام عليكم~

أختي (عاطلة مش بطالة) اشكرك من كل قلبي والله اسعدني كلامك
كمان أنا كنت منحرج من الأعضاء اللي شافوا موضوعي الأول ..
لكن خلاص ما فيه احراج لأنه مو شرط اللي عنده افكار عنده فلوس !!
والله اسعدني كلامك الله يشرح صدرك قولي آمين ،~
اما قولك اقترض من اقاربك أو أصدقائك فأنا اقول لك شعاري منذ الصغر :
(غريب و في وسط لابة) يعني من قبيلة محترمة ولهم تاريخ ودايم مسوين
حقين فخر لكن للأسف ما استفدت منهم كل واحد فيهم همه نفسه وما اشوفه ،~
ولو على رقبتي لأسوي اللي برآسي لو ابيع نعناع ما أشيل همهم او استحي
منهم بعد كذا ~ وأما الأصدقاء صعبة جداً فأنا اسميها غلطة العمر إن أصحابي كلهم
عيال نعمة (الله يزيدهم ويهنيهم) لكن هما اللي تعرفوا علي مو انا اللي رحت لهم
ودايم تصير احراجات معهم .. هم بعمري ومعاهم سيارات فخمة (الله يزيدهم ويهنيهم)
لكن انا يتقطع قلبي لما اسمع همومهم هذا زعلان يبغى سيارة 2012 وهو معاه
هوندا كورد ويسب في ابوه يقول بخيل وهذا زعلان اقوله وش فيك يقول ابوي الزفت
طفشني يقول اول ما تتخرج تتزوج .. وانا والله دآآيم امسك نفسي لما اسمعهم لكن
آآخر مرة كنت في بيتهم ( فلة ماشاء الله) وكانوا يتكلمون ع نفس الموال
إن ما فيه شي عاجبهم في الدنيا وهم والله ما ناقصهم شي (عيال نعمة بمعنى الكلمة)
اللي خلاني ابكي إنه قبل يتكلمون ويستخفون في النعمة اللي هم فيها كنت افكر
في نفسي اش اسوي في العطلة وكيف اطلع فلوس سيارة وهل القى وظيفة
بدوام كامل وقاعد احسب الشهور اللي بعدها بطلع فلوس السيارة اشتغل سنتين يعني؟
طيب اذا طلعت من المدينة لجدة هل القى ظيفة فيها بدل سكن ومن اكلام هذا
واقول لا يا ولد خذ ترم صيفي وساعد اهلك حتى تتخرج بدري طيب السيارة
لازم تشيل هم اخواتك عن ابوك ووو وكلام ماله نهاية المهم اني كنت اهوجس
في همومي ولما بدؤو في الكلام هذي المرة ما قدرت امشيها جتني غصة في حلقي
وبسرعه صرفت نفسي قلت وين الحمام دخلت وشغلت الموية عشان الصوت وجلست
ابكي مثل الطفل معليش انا رحت بعييييد لكن المقصد انا خلاص لي شهر ما اتواصل
معاهم وهذي اطول مدة ننفصل عن بعض منذ اربع سنوات وبتركهم خلاص بخلي العلاقة
رسمية وفي الجامعة بس انا اللي بقوله انه الواحد يشكر الله ع النعمة اللي هو فيها وما
يجلس يتكلم في هموم صغيرة (واللي كنت بوصل له ما أتواصل مع اصدقاء الآن متفرغ
للإختبارات والبحث في امور مشروعي ) الله يفرجها علي جميع المسلمين

المهم انا بحاول من هنا ومن هنا حتى يفرجها الله اذا ما لقيت اجابة من احد
احتمال اروح السبت الراجحي لأن ما عندي اختبار السبت وبستفسر منهم
اذا فيه قروض ما فيها فوائد ربا واذا يقدرون يقرضوني او لا؟ ومشكورة اختي

اخوي اول الغيث قطرة مشكور
بس المشروع يعتمد على جهدي الشخصي يعني مو تجاري
عشان كذا صعب القى شريك لأن الشريك همه فلوسه وما يبغى يدفع
ويعتمد على مهارات شخص يبغى يشوف اوراق ومستندات
مشكور اخوي اسعدني حضورك


انا نعسان من بعد صلاة الفجر صاحي وابغى اروح انام
لا تنسوني من دعائكم الله يخليكم
والله بدعيلكم
[/align]

الله برزقك وبالتوفيق

الله ييسر امرك
مع اطيب تمنياتي