السلام عليكم

اسأل الله العظيم ان يرزقنا جميعا الحلال الطيب المبارك ويوسع مدخل رزقنا ويجعلنا من يكسب ماله بالحلال يارب العالمين اول شي صلو على النبي (عليه افضل الصلاة والسلام)
ثاني شي ياخواني انا وعوذو بالله من كلمة انا ابي ادخل مشروع ولو كان بشركا ولاكن مضمون وراس ماله ثلاثين الف فوق كذا ماظني لي مكان فيه وغير كذا ناس أنصحوني بمشروع الكريسبي يعربه وببيع عليهم عامل هندي بالأسواق او التجمعات او المنتزهات وانتم وشورك علموني بالصح وناس قالو ادخلي مشروع توصيل معلمات وعطوني آرائكم واهم قبل الآراء النصاييييح
واللهم وسع مدخلي وغنني بحلالك عن حرامك يارب العباد

بامان الله

اللهم صلي على محمد واله وصحبه اجمعين

اهلين فيك

بالنسبه لعربات الكرسبي اكتشفت انها غاليه مو سعرها بس قيمة الايجار في المجمعات اتوقع المبلغ اللي معك مايغطي
لكن بغير المجمعات ماعندي خبر يعني مثل المنتزهات النسائيه او مراكز صيفيه

اقترح عليك شراكه بمشغل اذا تعرفين احد تشاركينه لانه هو الشي الوحيد اللي ممكن تشرفين عليه

والاجرائات القانونيه يتكفل فيها الشريك ونسبتك تكون على قد المبلغ اللي مشاركه فيه

توصيل المعلمات برضو مشروع حلو لو دخلتي فيه شراكه والربح مضمون لكن مشاكله كثيره يعني الواحد يخاف من المسؤوليه مشاكل السواقين او الطرق

انت شوفي اش عندك ميول او مواهب تقدرين تشغلينها بهالمبلغ
لازم الانسان ينظر لنفسه اولا وش يحب وش ممكن يقدم

والا الافكار كثيره لكنها تعتمد على قدرات الشخص واللي يناسبه
ومووووووفقه لكل خير يااارب

على هواك الشغل مو لازم اراء الناس

هندي يبيع وش الفايده راتب الهندي الان 1200 هذي انتي اولا بها

الله يوفقك

سئلت عن العربات وطلعت بالعلالي من جد الدنيا طارت

افتحي لك محل عطورات اتوقع مو غالي مره والعطورات سوقها ماشي طول السنه

غير انك مكلف يبي له تصاريح وشغله طويله عريضه

انا اشوف بما ان وقت الصيف قرب تشوفين لك مهرجان نسائي تستآجرين طاوله وتشوفين وش تبدعين فيه سوآء مآكولات من البيت او آكسسوارات