[align=center]مساء الخير اخوي انا بحكي واقعي وابيك تجاوبني بصراحة على اللي صايرلي صح او خطــأ ,,
بدأت العمل في مؤسسة تجارية تبع المواد الغذائية بمهنة كاشير ,,,براتب 3000 ريال ودوام 8ساعات ولكن مدير المؤسسة قالي تداوم 6 ساعات وباقي ساعتين يوميا تداومها الخميس أو تداوم 8ساعات يوميا والخميس اجازة ,,طبعا الجمعه اجازة للكــل <<,ولكن بعد حوالي اسبوع اجبرني على دوام من 8ص إلى 2م ومن 4م الى 10 م ,,6 ايام كاملة ,,,ووعدني اذا داومت اضافي 12 ساعة يعطيني 4500 ريال يعني الساعه ب 12.5 ريال ,,وال8ساعات برضوا 12.5 ريال ,,,وقالي اسبوع تجربة وعديت اسبوع وقالي 3 اشهر مثل ماقال مكتب العمل قلت موافق مع العلم ماوقعت عقد وكل يوم يوعدني ,إلى نهاية الشهر وسلمني بعد مماطلة إلى 10 ايام من الشهر التالي 3000 ريال وقالي هذه مع دوامك الاضافي انت فيه اسبوع ناقص فيه عدد ساعات الحضور قلت انت قلتلي 6ساعات والباقي الخميس واضطريت اني اكمل معاه ووعدني بالعقد وزيادة بالراتب ولاشفتها ,,,خلصت الشهر الثاني ومماطلة اخرى واستلمت 3000 بدون اضافي وقالي اسلمك الشهر الجاي ,,,باقي شهر من التجربة والحمد لله اتميته وهالرجل يحتاجني لاني ادير له العمل بحكم عدم تواجدة في نفس المدينة ,,ماطلني في الراتب كالعاده واستلمته بدون اضافي ,,لكن هالمرة سألته التجربة نجحت ولاادور رزقي قال لا ابيكــ وطالبت بالعقد ووعدني وكالعاده تسحيب ,,,,,والان لي 13 يوم من الشهر الرابع لدوامي ,,
ايش رايكــ في اللي حاصل وايش تنصحني ؟؟؟مع العلم ان عندي جامعية متوسطة حاسب وارهقت من الدوام بدون اي مقابل مميز ؟!؟!؟
+ابغى ادخل معهد اطور مهاراتي واخاف مايوافق مع العلم ان المعهد يلزم تواجدي من 5م الى10م ,.,5 دورات وماتتفوت ,.,
والمحل التجاري يفتح من 8 ص الى2م ويقفل ويفتح بعد العصر 4 الى 10 م وبعض الاحيان الى 11مــ هل القانون يسمح بدوام على فترتين بحكم ان القانون يقول 8ساعات فقطــ للسعودي ,,وسجلني الرجل في التامينات الاجتماعية واكتشفت انه مسجليني براتب 1500 ريال فقطــ وسألته قالي انت ماراح تستفيد منهــا الا اذا شيبت ؟!؟؟!
والعقد قال بجيبة لك ب1000 ريال وهو بيدفعها يبي يضحكــ علي +قالي العقد فيه تامين طبي انا ادفعه ومافي بدل سكن لانك ساكن في نفس المكان
ياليت ترد علي الله لايهينكـــ اقسم بالله اني محتار كثـــير
تحيتي لكــ
[line]-[/line]
طبعا هذا كلامي قبل شهرين هنا في المنتدى وماحد رد علي والأن بدأت في الشهر السادس مع هذه المؤسسة والكلام نفس الكلام لاعقد ولاشي والراتب مثل ماهو ومافي اوفر تايمــ+تعامل الرجل اخس من اول ويكلمني من راس خشمه ويوم حاسبني في الراتب رمى الفلوس على الطاولة تقول رقاصه وقالي توكل على الله هذا راتبكــ وطبعا بعد تأخر كالعادة ,,,ومن تعامله الزفت والله طفشت من الدوام لكن انا ماابغى اخسر وظيفتي خصوصا بعد عطالة 3سنوات ,,,ويكلفني بعض الاحيان باشياء خارج وظيفتي ,, رأيك أخوي والله اني محتـــار وجاني اكثر من عرض وظيفي بس المشكلة الراتب اقل أو زيادة في الدوام[/align]
25-05-2012, 02:34 PM
العرض العادي
