المشاركة الأصلية كتبت بواسطة جوانوو

أحلى صباح لاداريات نجران ...
كيف نفسياتكم ..طبعا انا من جدة و طلع اسمي في نجران
والله اني الى الآن مو مستوعبة كيف راح تصير أموري هناك لكن الله ولي التدبير..وفي نفس الوقت ما صدقت يطلع اسمي واتعين بعد 15 سنة بطالة ..لازم نرفع معنويات بعض على الأقل هذا اللي في يدنا نسويه ..أنا ماأبغى أتعشم انه في تغيير رغبات وبعدين انصدم واحبط وانتكس عشان كذا أنا راضية بما كتبه الله ومتأكدة انه مافي شي ربنا يكتبه للانسان الا وراه حكمة وخير للانسان ..يمكن لو اتعينا في مدننا ماراح نكون مرتاحين في بيئة العمل ما تدروا ..الخيرة فيما اختارها الله ..والله كلامي هذا مو عشان اسليكم أو مجرد مواساة لا أبدا هذي تجربة حصلت لأختي اتعينت معلمة في الجنوب وفي قرية مرة بعيدة وبعدها بكم سنة نقلت جدة وكانت مرة مبسوطة ..الى الآن ندمانة انها نقلت من القرية بسبب انه المديرة مرة صارمة ومتسلطة على المعلمات وبيئة العمل غير مريحة ..خلوا أملنا في الله كبير ..مو معنى كلامي انه مانسعى ونحاول بس في نفس الوقت لا نتعشم مرة ونزعل وننقهر احنا نسوي اللي علينا والباقي على رب العالمين واتأكدوا كل اللي ربنا يكتبه فيه خير ..
ماتدروا يمكن يطلع قراربتغيير الرغبات ..كله بأمر الله ..
الله يسهل امورنا ويوفقنا ويحقق لنا كل اللي نتمناه ..ربي اكتب لي الخير وارضني به
اللهم لا تجعلني أدمن التفكير وأنت ولي التدبير

المشاركة الأصلية كتبت بواسطة روحانيه

عواطليه وينك .. بنات الاداري يدخلون التكامل او لا والله احترنا ؟؟

المشاركة الأصلية كتبت بواسطة عواطليةبكل فخر

اهلين جوانو والله كلامك مرررررررررره عجبني ونفس تفكيري انا صراحة اخدة الموضوع تجربه جديده ومغامرة بعد 13 سنة عطالة جدا جدا فرحت بالوظيفة سمعت الي يقولي انتي بكالريوس وادري مرة ظلم وراتبك اقل مرة ظلم بس ولا كانه اسمع من هنا واطلع من هنا مدام انا مقتنعة بالشي خلاص حتى اهلي لمن شافو المنطقة في البداية شالو هم بس لمن شافو معنوياتي هانت عليهم وثقي تماما ربنا مايختارلك الا الاحسن والله ماندري ايش الخير الي ممكن يجينا من ورى هي الوظيفة ولا ايش تدابير ربنا لنا بس احنا لا نستعجل ونقبل بالي ربنا قدره لنا ونتوكل عليه ربنا مطلع علينا وعلى حالنا ونخلي املنا بالله كبير الله قال ( انا عند حسن ظن عبدي بي ) وانا الحمد لله عندي ثقة انها راح تتسهل سواء بالنقل او باننا حنكون مرتاحين بأذن الله في عملنا على فكره انا معاكي في نجران ترى ويارب نكون في نفس نجران وربنا يكتب لنا الي فيه الخير