المشاركة الأصلية كتبت بواسطة جدارة بنت حافز

السلام عليكم

حرية الشام لاشكر على واجب حياك الله ..


ودي اقول كلمة للبنات اللي معتمدين على نقاطهم وبعضهم محبطين من الفارق


والله العظيم

ان الوظيفة رزق مايتعلق باي شي ولاحتى بالنقاط ولا بالمعدل ولا بالاقدمية


واني وقفت على عبر في كل ترشيح

زمان كان الترشيح على المعدل والخبرة والاقدميه ماكان لها اعتبار

وبعد ماخدت سنتين خبرة ومعدلي طيب

جا و كان التقديم اللي حصرونا بمكان اقامتك فاكرينه؟!! يعني ماتقدمي الا على مكان اقامتك

لو من سدير فقط تكتبين سدير والتابع لها

هذاالتقديم ترك فرص كبيرة لبنات القرى وتعينو كثير رغم انهم لامعدل ولاخبرة

هذاك الوقت كان عندي اثبات اني من القرية الفلانيه وفعلا لنا بيت فيها وقدمت

وطلعت النتايج ومره استغربت كيف ماطلع اسمي

القرية صغيرة وصعب الاثبات ووو

وتعينت صديقتي اللي اعلى مني بالمعدل بفارق بسيط جدا

راح اخوي للرياض بيشوف ترتيبي

اقسم بالله لما ضغط الجهاز ودخل سجلي قعد الموظف يضحك

يقول بشرها ترتيبها (1) اي استبعاد هي راح تكون والتعيين القادم بلاشك بينزل اسمها

جا اخوي قاله لي ولناس من قرايبي

وكملت خبرتي قلت يعني اضمن التعيين


ومن غير سابق انذار غيرت الوزارة السياسة بهالسنة ورجعت نظام التقديم عالمناطق

وتخربط ترتيبي والله العالم وين صار

وجا تقديم السنه الماضية واللي قبله وماقدمت الا عالمدينة وماكان لي نفس بالتعيين لظروف خاصة


فيه اشيا تصير مالنا فيها اي تدخل او توقع

اذا ربي منع رزقك مرح تجيبه النقاط العالية

واذا ربي راد رزقك والله لو نقاطك بالارض وتوك متخرجة رح يطلع

يعني يابنات ياللي محبطات من نقاطك اذكركم والله مالها دخل بالرزق