نموذج الكشف الطبي

ندى الايام · #1 (**permalink**) 19-05-2012, 02:22 AM

كثرت التساؤلات والاستفسارات عن الكشف الطبي

وأنا هنا بحاول أوضح بعض الأمور حسب فهمي

ونتشاور ونتبادل الاراء

طبعا أنا سألت وحدة تعينت العام الماضي

وقالت لي إن الكشف الطبي بعد المقابلة وليس قبل المقابلة

يعني تروحين تعملين المقابلة حسب الموعد اللي أخذتيه

ويعطونك نموذج للكشف الطبي

و يشترط انك تعملينه في مستشفى محدد من قبل الادارة اللي انقبلتي فيها

واللي أعرف إن المرشحين والمرشحات يعملو في هذا الكشف فحص المخدرات

وهذا مو أي مستشفى تسويه وياخذ وقت على بال ما تطلع النتيجة

يعني اللي ساكنين بعيد عن منتطقة تعينهم راح يضطرو ينتظرو

واللي أعرف مستشفى الملك سعود بالرياض

هم يسوونه

ولا تسألوني عن المدن الثانية لأني ما أعرف

وهذي صورة من النموذج بس طبعا للاطلاع فقط مو تطبعونه وتودونه

طبعا صاحبتي انقبلت في منطقة شقراء وعملت الفحص في الرياض

هذا والله أعلم

معلمه مرشحه · #2 (**permalink**) 19-05-2012, 02:25 AM

الله يسعدك اختي بس شلون نرجعه لهم بعدين اذا سويته مو بنفس مكان تعييني

جغرافيا منسيه · #3 (**permalink**) 19-05-2012, 02:26 AM

اح ريحوني فيها ابرررره مره خايفه

فل و كادي · #4 (**permalink**) 19-05-2012, 02:28 AM

حبيبتي

هذي السنة اول مرة يطلبون

السجل الاكاديمي

واول مرة يطلبون الفحص الطبي مع المقابلة

وهذا الشي نزلوه في الاعلان

معلمه مرشحه · #5 (**permalink**) 19-05-2012, 02:29 AM

جفرافيا ياخوافه

لووول

تري امزح معاكي من جد طفشت وانا ابي احجز موعد ومو راضي

ندى الايام · #6 (**permalink**) 19-05-2012, 02:31 AM

اقتباس:

المشاركة الأصلية كتبت بواسطة معلمه مرشحه

الله يسعدك اختي بس شلون نرجعه لهم بعدين اذا سويته مو بنفس مكان تعييني

أنا أقصد انه ممكن تعملينه في الادارة اللي تعينتي فيها أو في المنطقة اللي انتي سكنك فيها المهم انه يكون المستشفى معتمد من عندهم وتعرفين هالش بعد ما يعطونك النموذج
تقدرين تسألينهم وش المستشفى المعتمد لديهم

والأفضل للجميع انهم يسوونه بعد المقابلة ويسلمونه ويخلصون
واللي أعرف من صاحبتي أن هذي الخطوة أصعب خطوة لأن زحمة كبيرة على هالمستشفى بالذات
وهو مخصص للكشف على الخادمات

الله يعيينا بس

ندى الايام · #7 (**permalink**) 19-05-2012, 02:33 AM

اقتباس:

المشاركة الأصلية كتبت بواسطة فل و كادي

حبيبتي

هذي السنة اول مرة يطلبون

السجل الاكاديمي

واول مرة يطلبون الفحص الطبي مع المقابلة

وهذا الشي نزلوه في الاعلان

السجل الأكاديمي فعلا أول مرة يسووونه

بس الكشف الطبي مو أول مرة

سووه السنة الماضية

وسووه للبديلات المثبتتات

ويسوونه المعلمين الرجال بعد وتقدرين تتأكدين

تيلاد · #8 (**permalink**) 19-05-2012, 02:42 AM

يعنى ان شاء الله مو في نفس منطقك الترشيح ..
يارب الله يسمع منك ..
ريحتى قلبي ..

ندى الايام · #9 (**permalink**) 19-05-2012, 02:48 AM

اقتباس:

المشاركة الأصلية كتبت بواسطة تيلاد

يعنى ان شاء الله مو في نفس منطقك الترشيح ..
يارب الله يسمع منك ..
ريحتى قلبي ..

ايه اختي تاخذين النموذج وترجعين منطقتك وتسووين الفحص وترجعينه لهم بعد ظهور النتيجة

بس بشرط يكون في منطقتك مستشفى معتمد من قبل ادارة التعليم اللي تعينتي فيها