10 سنوات في قوائم الإنتظار ياوزارة التربية والتعليم

10 سنوات دورات وخبرات كله عشان نعجب ونجيب نقاط

10 سنوات تدريس في مدارس اهلية ومرمطت مواصلات

علما انه هي المسبب بعد الله تعالى لحالتي الأن

تعب قلبي واصابتني حمى قوية ادت إلى ضيق في مجرى الدم في القلب

وبعد مراجعات ومواعيد وانا لازلت ( أكرف ) في المدارس الأهلية

قالوا لازم نوسع مجرى الدم مجرد بنج موضعي لتوسيع الصمام الضيق

حتى ان نسبة الضيق لا تتجاوز 30 %

وبعدها ولله الحمد رجعت لوضعي الطبيعي - أمارس عملي الوظيفي في المدرسة الأهلية

ومواضبة على مواعيدي ...

ويوم طلع اسمي مع المكرمة - فرحت وقلت هانت

انسي أيام المرض - أيام التعب - صرت أهتم بغذائي أكثر والأغذية إلي تناسب قلبي

حتى استطيع العمل بشكل أفضل -


وزارة التربية والتعليم حكمتـــــي علي بالموت _

وكأنك تقولي ( خلاص إنتي مريضة مافيك أمل )


اللهم شق على من شق علينا بهذا القرار ...

أختي طولي بالك أنتِ مرشحة ولا وش؟؟
إذا مرشحة كملي إجراءات تعيينك والله يتمم لك ع خير
لأنهم مايستبعدون إلا اللي عندهم نسبة سموم الله يكفينا شرها
ولا أمراض معدية مثل الوباء الكبدي الله يكفي المسلمين شر الأمراض
ويشفيك ويعافيك ويتمم لك على خير.

الله يشفيك ياقلبي بس ليش معقده الموضوع واي قرار تقصدين


كان الله بعون الجميع

القرار الي نزل البارح عن المصابين بضغط الدم وامراض القلب يمكن ماقريتوه ؟؟

حبيبتي اصبري اعتقد هالنظام للسنه الجاية ادعي ربك وحنا بندعيلك
وصدقيني باذن واحد اححد تنقبلين
اسال الله العظيم رب العرش الغظيم ان يشفيك

بسم الله عليك والله يشفيك وماتشوفين شر
الكشف الطبي باذن الله الواحد الاحد وبحول الي ماتنام عينه بيعدي على خير بس تعوذي من ابليس وانا اختك والله مالك عن المكتوب فوضي امرك للعزيز الحكيم

ا ستغفر الله واتوب اليه

مايقطع الراس الا اللي خللللقها
وباذن الله متعينة بقدرة قادر احد
حبيبتي لاتكدرين خاطرك
صدقيني الوزااارة عليها كلام وياليت تنفذه ولو افتراظا انه صح رغم ان البنات هنا يقولون انه للسنه الجاية
من متى الوزارة تطلع كلام وتنففففففذه
كله كلام الكلام عليه جمرك؟؟ ماعليه
وسعي خاطرك واللي كاتبه ربي بيصير

القرار للعام القادم
والله اعلم

مستغربة انها مكرمة ملكية المفروض تكون سهالة للجميع

ماودي اقطع ارزاق احد بس اكثر المعلمات معاهم ضغط وسكر وجلطات قلبية من التدريس والادارات التعسفية

يعني جات على الضعوف الي توهم وبعد سنين انتظار

والله الي شفناه في المدارس الاهلية ومن ملاك المدارس يشهد عليهم

يارب يسرلي امر الوظيفة

يعلم الله اني في ضيق من نزول الخبر وتعب نفسي / واحس اني مهددة بالكشف الطبي

مع اني لا اشكوا من شيء بعد العلاج والي استمر ساعة واحدة فقط

لكن فوضت امري الى الله

حبيبتي ياقلبي والله الكل يقول هذي اجرااءت روتينيه فقط لاغيررررررررررررررررررروالكشف اسهل ممايكون لاتشيلي هم ابدا افرحي وانبسطي وضبطي وضعك