تجمه سماء اسأل الله العظيم ان يجزيك الجنه ويفرج عليك كرب الدنياوالاخره وان يعطيك الرحمن من خيرالدنياوالاخره ويدفع عنك كل مضره وسوء،والله ان عيني تدمع وانااكتب،طمنتيني الله يسعدك دنياواخره ويفرج علي كل مسلم ومسلمه يارب

هالحين يابنات ابي جواب الله يخليكم

هل اذا سوينا المقابله خلاص انتهينا وتعينا ؟

والا باقي يستبعدون احد تكفووووون جاوبوني الله يوفقكم اللي تعرف ؟؟ لاني سمعت ان باقي الترشيح الاخير اللي هو التعيين اجل ليش طلعو اسمائنا للمقابله ؟؟؟

الأخت اللي نزلت مقابلة العربي الله يعطيك العافة ياقمر
شفا الله أمك رحم بيك خيتو وأكيد ماراح نناسك من دعوة بظهر الغيب

الله يوفقك ويحعل دربك سهاااالة ومشكووووورة من الأعماااق،؛،

السلام عليكم ..
أنا من الرياض ورحت للأحساء أمس الاربعاء
وتمت المقابله على خير
في غرفة الاستقبال أخذت ملفي بكامل أوراقه
نسختين من
وثيقة التخرج / السجل الأكاديمي / كرت العائله
وصورتين من بطاقتي الشخصية ( بس رجعتهم لي بعد ماطابقتهم بالأصل )
وأخذت ورقة موعد المقابله..

وبعد مادخلت على لجنة المقابلة سألتني في التخصص
( علوم القرآن ) وعن الصحابة وقرأت قرآن وطلبت مني
استخرج الاحكام التجويدية في الجزء اللي قرأته
وسألتني عن الكمبيوتر وكيف أعمل جدول في الوورد
وعن استراتيجيات التعليم ..
بعدين عطتني ورقة تعهد اوقع عليها وفيها أني أتعهد
بعدم تقديم أي إجازة بعد المباشرة وخلال السنة الأولى
وفيها تحديد رغبات مناطق التعيين ؛ وورقة ثانية إثبات أني سويت المقابلة .
وأعطتني ورقة الكشف الطبي..
والجو العام في الغرفة إزعاج وزحمة
لأن كل اللجان في غرفة وحدة ..
بعدها رحت لغرفة ثانية عطوني نسختين من طلب التعيين
ونسختين من الاستعلام عن الخبرات ووقعت لي ورقة الكشف الطبي
وخلصت ولله الحمد ..
وطلعت الساعة 2.30 ظ وأنا رايحة الساعة 10.15 ص
بالنسبة لورقة الكشف الطبي قالت ابتركها بدون اسم
علشان إذا بغيتي تسوينه في الاحساء أو في منطقتك
بس أهم شيء لا تتاخرين لأن نتيجة الفحص ماتطلع إلا بعد اسبوع
والله يكتب لنا اللي فيه خير وصلى الله وبارك على نبينا محمد

اللهم لا سهل الا ما جعلته سهلا وانت ان شئت جعلت الحزن سهلا

السلام عليكم ورحمة الله وبركاته
بنات انا من الطائف تخصصي دراسات اسلامية وسويت المقابله امس الاربعاء والحمدلله عدت على خير اول مادخلت قالو رتبي اوراقك مثل ماهو مكتوب في الورقة اخذت النموذج وبديت ارتب الاوراق وبعد ماخلصت مرتبتها دبستها وخرمتها ومهم تجيبون معكم ملف بلاستيك اي لون اذا خلصتي مرتبة اوراقك تروحين لغرفه مليانه خلق والموظفات جاسين ورى الطاولات ومكتوب على الجدران ارقام اللجان وكل وحدة تروح للجنة اللي تخصها انا كنت الاولى المهم طابقت لي الصور مع الأصول وعطتني ورقه ووقعت وخلتني اوقع وبعدين رحت للغرف اللي فيها لجان المقابله ودخلت على اللجنه الغرفه فيها عدد 3 لجان المهم ان الموجهات حبوبات ويهبلون سألتني ليه ما اخذتي دورات في الفترة اللي جالسه فيها في البيت قلت ماتيسرت كل مابغيت اخذ يجي ظرف يحوسني قالت طيب بتاخذين ولا لا قلت الا اكيد ان شاء الله اباخذ قامت سألتني عن مشكلة الطلاق بديت اتفلسف واتكلم قامت سألتني عن استراتيجيات التعليم وتراها مهمة يسألون كل وحدة عنها انا قلت لهم كل ما يستخدمة المعلم لكي يستطيع تحقيق الأهداف السلوكيه والتربويه وهو عدة استراتيجيات منها العصف الذهني والقبعات الست تكلمنا شوي غن القبعات الست واننا ممكن نستخدمها في حياتنا العامة ايضا بعدين قالت لي اكتبي اسمك ووقعي على مشهد المقابله وعطتني ورقة الكشف الطبي وأطلع واروح للغرفة الأولى اللي طابقت فيها الأوراق واخذ نموذج طلب توظيف تعطيك نسختين تكتبينها وفيها رغبات قلت احط بس الطايف الطايف الطايف لانها ثلاث خانات قالت لي لا ممكن تحرمين نفسك لان الطايف ممكن تكتفي باللي معدلاتهم اعلى منك المهم خلصت الاوراق ودخلت نسخة في الملف البلاستيك امامها طلب التوظيف والنسخة الثانيه تدبسينها في الملف من جوا من دون ماتدخلينها في الحديدة والنسخة الثالثة خليها فوق الملف رجعت لنفس الغرفة اللي عطتني اوراق التوظيف عند الباب فيه مكتب موظفه تراجع ملفك وترتيبه والاوراق كامله واسمك مكتوب على الملف من برا وتعطيك ورقة تعهد تحطين رغباتك المكانيه فيها وتكتبي اسمك وسجلك وتوقعين والرغبات كل وحدة تكتب اللي تبي من رغبة الى 12 وتسلمينها الورقة وتوقعين اخيرا تدخلين مكتب الاستاذة مها الزايدي تختم لك الكشف الطبي وتكتب لك المستشفى الحكومي الى تختارينه سواء في الطائف ولا في مدينتك وتراجع وثيقتك مع الحاسب اللي عندها وخلاص تختم الاوراق وتعطيك اياها وتقول الكشف لك عشرة ايام عشان تخلصينه وتجيبينه وصلى الله على سيدنا محمد واله وصحبه وسلم
اخيرا حبيباتي خذي معك دباستك وخرامتك وقلمك مع انهم ماقصرو حاطين بس حلو الواحد يكون مجهز كل امورة واهم شي خذي 3 نسخ من كل الاوراق اللي طلبوها وبعد 3 نسخ من ورقة المطابقة حقت الديوان و3نسخ من نموذج حجز موعد للمقابله والملف البلاستيك


اتمنى اكون افدتكم ودعواتكم لي بالتعيين القريب من عيالي وخذو راحتكم بنقل الموضوع لتعم الفايدة احبكم كلكم والله ييسر الخطوات الجايه