صباحكم ورد

امس السبت كانت مقابلتي 7/5

في بريده _ القصيم

البدايه اول مادخلت اخذوا مني صورة للوثيقه وصورة السجل الاكاديمي وصوره حسن سيرة وسلوك

وصورة بطاقة الاحوال ختمتها كلها واعطتني ورقة اوقع فيها

وبعدها ورقة الرغبات وطلعت ع المقابله وهذي كانت الاسئله تخصص علوم ابتدائي

كيف تهيئين الدرس للطالبات

لو كانت الطالبة زهره او جهاز هضمي كيف تشرحين لها الدرس

طبعا انا هنا جاوبتها ان هذا يسمى ب لعب الادوار باستراتيجيات التدريس ..

وكيف تعاملين الطالبه المشاغبه والضعيفه

هل تتصفحين الانترنت واليوتيوب وماهي الاحداث اللي صارت

ماهي اخر مناسبة للسعوديه وكيف تهتمين لها مع طالباتك

تسألك عن مستواك بالكمبيوتر

كم سنه لك متخرجه

وكانت اللي تسوي معاي المقابله مرره عسسوله

وبعدها وقعت كمان عندها ونزلت اخذت الكشف الطبي وسلمتهم اوراقي اللي ختموها اول

واعطوني كمان ورقة تثبت حضوري وبس


وبعد اسبوع اسلمهم الكشف الطبي ..,



بالتوفيق للجميع يآرب ..,


^_^

ادارة الحوطة والحريق

الاجراءات نفس ماذكروا البنات

وهذة اسئلة المقابلة

اقتباس:

المشاركة الأصلية كتبت بواسطة وااقعية انا صعوبات وقابلت امس السبت الاجراءات مثل ماقالت اختي ورود حمراء واسئلة المقابلة حوارية يعني مافيه عددي ولاعرفي وش الفرق بين صعوبات التعلم وبطء التعلم هل فيه فرق بين استراتيجيات وطرق التدريس اذا بقى وقت من الحصة كيف راح تستفيدين منه اذا عينوك ادارية راح توافقين او لا وش المستجدات في تخصصك وش الكتب اللي اطلعتي عليها في تخصصك غير كتب مناهج الجامعة والمواقع اللي تزوريها تعرفين للكمبيوتر ووش الدورات اللي اخذتيها فيه وطبعا في البداية تحدثي عن نفسك وليش الى الحين ماتوظفتي حضرتي دورات في تخصصك كان لي شرف مقابلة الاختين ام الحلوين في منتديات العرب وورود حمراء والتعرف عليهم

كحل الورق وو اقعيه

حسن السيره والسلوك من ضمن شروط تكامل ؟


ولا انتم خذيتوها من أنفسكم لان ورقتي ضايعه

طمنوني بليز

مشكوووووره ابتسام

الله يجزاك خير و ييسر لك أمرك يارب

مشكلتي ان فيه ناس يقولون ضروري وناس يقولون أبدا

وتكامل ماكتب الا الوثيقه و كرت العائله

انا في الحوطة ماطلبوها مني على حسب الادارة

الله يجزاك بالخير واقعيه ويوفقك بالدنيا و الٱخره

السلام عليكم
صباح الخيرات والسعدة
مبروووك لبنات اللى خلصوا المقابله وعقبالنا
عندى سؤال وياليت اللى متاكده من الااجابه تجاوب

هل فيه فرق بين استراتيجيات وطرق التدريس ؟؟؟

السعادة000

اهلين اختي
في فرق بين طرق التدريس والاستراتيجيات
الاولى: الاساليب والطرق التي يستخدمها المعلم لايصال المعلومه الى طلابه خلال القيام بالعمليه التعليميه مثل الطريقه الحواريه ومجموعات التعلم التعاونيه ولالقاء والمناقشه.
الاستواتيجيات: مجموعة تحركات المعلم في الفصل اثناء شرح الدرس مثل حركات اليدين والنظرات والايماءت وحتى المشي والتنقل بين الصفوف.

اجتهاد بسيط اتمنى اكون افدتك*