أريد مساعدة في مشروع كوفي شوب

قرطبه · #1 (**permalink**) 19-05-2012, 11:14 PM

بسم الله الرحمن الرحيم
السلام عليكم ياأخواني جميعا عندي فكرة مشروع كوفي شوب أفراد وعوائل وحاب أسأل بعض الأسئلة وياليت اللي عنده خبرة يفيدني:
*وين أحصل أدوات صنع الكوفي.
*أفضل شركة ممكن اورد منها القهوة والنكهات.
*أفضل عمالة في أتقان الشغلة.
*هل ممكن أحصل شركة تدرب العمالة.
*ماهي الأدوات المطلوبة والاساسية في محل الكوفي شوب.
*أنا موجود بمنطقة قريبة من الرياض.

نوريني · #2 (**permalink**) 19-05-2012, 11:27 PM

ما شاءالله تبارك الله

انا عن نفسي اشوف ان الفلبيني احسن شي

وابعد عن البنقاله والهنود مقرفين ووسخين

طبعا في شركات تدرب العمالة

الادوات الجديدة غالية حاول تشوف محل يبغى يفنش واشتري منه مستعمل

المهم لا يكون عندك شي في المحل منتهي الصلاحية من ماكولات لا تروح فيها هههههه

الحارث بن همام · #3 (**permalink**) 19-05-2012, 11:49 PM

السلام عليكم ،،،

أدوات الكوفي شوب تلقاها بشارع الضباب ،،،

وعندك محل بشارع العروبة بعد ما تتعدى اشارة مستوصف الشبلان وانت متجه شرق تلقاه على اليسار أسمه حلول التسويق....

مر على المحلات وشوف الأسعار،،،

بالنسبة لتدريب العمالة لا تكبر الموضوع....شوف لك أقرب كوفي شوب تعجبك قهوته..كابتشينو..اسبريسو..كوفي لاتيه...وضبط معاه...وهات العامل حقك وهو يدربه ،،، أو تتفق معه ويجيك بمحلك في غير وقت دوامه ويدرب عمالك...الموضوع سهل ولا تكبره ، واذا تورطت عندي واحد بالخرج قهوته زينه مستعد يدرب عمالك...

أهم شي شغل العامل وما عليك من جنسيته...وعموما الأفضل الفلبينيين...

وأي اسئلة أنا حاضر....

واذا تحب أجهز لك المحل بالكامل ما عندي مانع، مع ستيكرات داخلية وخارجية ، واختيار الوان الديكور الداخلي والجلسات ، وتصميم البروشورات ما عندي مانع ، بشرط يكون قريب من الرياض حسب وصفك...

الحارث بن همام · #4 (**permalink**) 20-05-2012, 12:25 AM

عندك اشياء لازم تسويهاااا ....

اذا ما بعد استاجرت المكان ... اتعب انك تلاقي موقع كويس ...الموقع ثم الموقع ثم الموقع...الموقع هو اللي يشغلك وخذها نصيحة مني ... لو كان الاجار اكثر بموقع ممتاز ...افضل من اجار اقل بموقع متوسط...اختيار موقع غير جيد معناته تضيع فلوسك وانت تتفرج...

الارضيات انصحك تكون باركيه شكلها كويس وتعطي فخامة للكوفي شوب...شوف عندك الغملاس بطريق الملك عبدالله..قبل شارع الحوامل وانت متجه شرق...اسعاره كويسه وعنده اشياء حلوة...

خلاط العصير تلقاه عند حلول التسويق سعره الف وخمس مية انصحك فيه...وعند غيره لا يقل عن ثلاث الاف...بتحتاج عصير خصوصا باجواءنا اللي تشبه اجواء باريس...

والسلام

الحارث بن همام · #5 (**permalink**) 20-05-2012, 12:28 AM

على فكرة خلا ط العصير نفسه تستخدمه للموكا والكوفي كراش وشوكولاته مثلجة وغيرهااااا

الحارث بن همام · #6 (**permalink**) 20-05-2012, 12:58 AM

شوف هذا الرابط فيه بعض النماذج لورق جدران وستيكرات اشكالها حلوة...وصور محل عصير أنا جهزته بالرياض...

الله يوفقك...ولو ما طلع الرابط...بيطلع لك مستطيل اضغط عليه وتطلع لك الصور..

تمنياتي لك بالتوفيق