شباب معي 8000 ريال ابي افتح مكتب عقار وجاني راي احطها في الاسهم ومادري حنا الفقراء منعرف نفكر وابي حلكم تكفوووووووووووووووووووووووووووون

والله وانا اخوك مبلغ 8 الاف لمثل حالاتنا ثروه
لكن اللي انصحك فيه انك لو حاب تفتح مشروع افتح مشروع بحدود 4 الاف والاربعه الثانيه خلها

الله يرزقك ويفتحها عليك من حيث لا تحتسب

اخوي لا تحط بيضك في سله وحده
انا اشوف انك تفتح محل خضار احسن لك لان ٨٠٠٠ ماتكفي لمشروع
او يكون عندك مزرعه وتزرع فيها كوسه وطماطم وخيار هذي انسب فكره

اذا انت تفهم بالاسهم شوي
وترضى بالربح القليل (( لان المبلغ مو كبير )) ومع الايام بيزيد ان شاء الله ..
توكل على الله وادخل الاسهم ..
لـــــكـــــن
اذا انت فاضي وتقدر تجلس في المكتب
وتشوف المبلغ يكفي ..
استشير اللي افهم مني ..

موفق ان شاء الله ..

ان شاء الله يجووون يفيدونك اكثر .. الله ييسر امرك ..
مع اطيب تمنياتي

الله يعطيكم العافية مشكورين واحد واحد
انا دخلت في الاسهم بمبلغ 5700
في اكتتاب الطيار 100 سهم الله يسر الامر دعواتكم
وهي مغامرة مني

مكتب عقار مميز من جهه وسلبي من جهه اخرا لانه احيان تقعد كم شهر وماتتبيع شي واحيان تجيك بيعه تطلعك بالميزانيه وتدخل قيمة كم شهر وغالبا حتى لو مافيه بيعات اقل القليل تحصل دلالات على تأجير الشقق وتتراوح في العقد الواحد من 500 ألى 2500 حسب عدد الغرف و ايجار الشقه تكون نسبة الدلاله 5% من قيمة الايجار ويعتمد على الاتصالات بينك وبين مكاتب العقار الاخرى والبحث الشخصي عن العروض وفي المقابل الطلب

بالنسبه للاسهم لا اعلم فيها اي شي وانا شخصيا لم اقتنع فيها اتمنى ان اكون وفقت في التوضيح لو بالقليل تحياتي لك

انصحك ماتدخل في الاسهم لعدة أسباب منها ان مبلغك قليل يعني وش بتدخل من المضاربات ؟ والاكتتابات كل فتره وفتره وغير ان كثير من الاسهم محرمه

خلك بمكتب العقار وشدحيلك علاقات مع المكاتب والزباين وان شاء الله بتعين خير غير كذا العقار عندك مجال كبير تتطور وشغله فيها بركه بس خلك صادق ولو على حساب خسارتك