أنا خريجة علم نفس منذ عام 1423 نقاطي 84.31 وترشحت من الدفعة الاولى للمفاضلة وكان حلم وقرب يتحقق وكنت مقدمة على الشرقية بس ولما طلعت نتائج المفاضلة الاولى اقنعت حالي ان سبب قبول الاقل نقاط ان رغباتهم في المناطق اكثر ورغم حزني الا ان قلت هالوظيفة يابنت مو رزقك... بعدين عرفت ان في بنت بترفض الوظيفة في جدة لانها سجلت على الشرقية بس وقلت ادخل المنتديات استطلع وش صار بعد اخر قبول طلع ان البنات يفكرون في تبادل أماكنهم كل وحدة والأقرب لمنطقتها مثل ماهو حاصل هنا بالمنتدى ... وحملت حالي ورحت الخدمة المدنية اليوم وقلت لها ممكن اعرف ليش استبعدتوني مع أني مطابقة ووظفتو اللي نقاطهم اقل مني قالت موبأقل بس اخر بنت ترشحت بالشرقية نقاطها 86 وانتي 84 وشوي واخترتي الشرقية بس ولو كنت اخترتي مناطق اكثر فزتي بالوظيفة قلت لها طيب زميلتي نقاطها اقل مني وطلع لها بجدة اقدر آخذ مكانها قالت لا إحنا نختار قلت لها طيب هي مااختارت جدة و حذفتوها بجدة ليش قالت مستحيل قلت لها ماتكذب وليه بتكذب قالت نفترض غلطة مو هي اللي تختار بديلتها بالوظيفة قلت لهاطيب حنا المستبعدات اذا على اساس النقاط اولى قالت لا حتى لو كنتي اعلى من اللي رافضة الوظيفة ماراح تحلين محلها ولا اي بنت من المستبعدات وماراح تترشحون الا بمفاضلة جديدة قلت لها وليه قالت قانون هذا !!!!
قلت لها طيب اذا صديقتي بتشوف بنت من المرشحات المقبولات في اخر مفاضلة بتبدل مع بنت من الشرقية تقدر ؟ قالت لاماتقدر هذا قانون !!!!
قلت لها طيب ممكن سؤال أنتو باول مفاضلة ماتطلعون على نقاطنا ورغباتنا وعلى أساسها تفاضلون قالت إيه قلت اولا في بنات معدلاتهم اعلى بالاضافة لللاقدمية من اللي اخترتوهم بأول ترشيح ومااخترتوهم وتمت على اساس القرعة مش المفاضلة والمفاضلة الثانية تمت بعضها على اساس الواسطة وبعضهم على الرزق ومسألة تحطون بكيفكم قصدكم تحطون اللي تبونه منن غير أنصاف في بنات بحاجة الوظيفة وعندها البديلة القريبة لبيتها وأولادها تقولون لها ارفضي الوظيفة لان مش من حقك تختاري البديلة قمة الظلم . قالت يعني تبين أعينك غصب قلت لا أنا يمكن عذر إني مسجلة رغبة بس حجة مااقدر اقول شي لكم على أني متأكدة ان كثييييير من المتوظفات واسطة بس بسكت نفسي طيب البنات جالسين بالمنتديات يدورون بديلات قالت لا مايصير وهذا قانون مش واسطة وهي معصبة ومتنرفزة
وأي خدمة ثانية
قلت لها طيب مو أنتو قلتو اول شي التقديم لكلية اعداد المعلمات والتربويات البكالورويوس والبكالوريوس الغير تربوي بعدين لما ترشحو البنات قلتو بس التربويات مع أنكم اخذتو في المفاضلة ( القرعة واقعاً) من اعداد المعلمات والتربويات والغير تربويات وبنات الدبلوم وكأنكم ماتشوفون وش كاتبين البنات بعدين قلتو الوظايف خاصة بالتربويات واستبعدتو الغير تربويات وتفاجأنا أنكم اخترتو مع التربويات كلية اعداد المعلمات!! وبكالريوس الغير تربويات اولى من اعداد المعلمات عقلا وليش مااخذتو بالعدل من الكل دام اللي اخذتوهم قالت مو شغلي هم طلعو بالجرايد وطالبو بالتوظيف بدل الاستبعاد وترشحو !!!!!
السالفة مش حسد ولا تجيني بنت من اعداد المعلمات وتتكلم رجاااااااءا هذا حق
ليش التمييز ليش البكالوريوس مادرسو وليش اجل بالافضلية هم يتقدمون على اعداد المعلمات ولا السالفة سالفة خذوهم بالصوت لايغلبوكم بعدين ليش تتساوى التربوية اليكالوريوس في الراتب مع اعداد المعلمات طيب لو اختارو البكالوريوس الغير تربويات وخلوهم بنفس المرتبة بنقول جامعيات بس اعداد معلمات ونفس الراتب قمة الإجحاف او تتوظف التربوية والغير تربوية وإعداد. المعلمات بنفس الراتب بدون تفرقة ..
نصيحة كل بنت تتمسك بوظيفتها وان مااعجبك المنطقة الموجهة لها لانهم راح يحطون الواسطة على حسابك وبحجة انك رافضة الوظيفة واتمنى ان بنات البكالوريو يعملو نفس اللي عملوه بنات الاعداد وحتى المستبعدات لانها لعبة وواضحة مثل الشمس*