الحمدلله حمدا يليق بجلاله وعظيم سلطانه

اخواني واخواتي هناك امور مهمة طبعا يجب اخذها بعين الاعتبار في الشغله هذي الا وهي الأمانة والثقة

والله والذي نفسي بيده يا ناس انه الشغلتين هذي تلعب دور كبيييير في العمل في الجوالاتوتعتبر رأس مالك الحقيقي قبل السيولة المادية حتى .. قد يكون الانسان مايفهم في الجوالات مثل المطلوب ويكون احيانا سعره غالي بالمقارنة في الاماكن والمناطق الثانية ولكن بسبب وجود شخص امين وثقة ويخاف الله اقسم بالله انه راح يعين خير منها .. لانه انتم عارفين انه الان قد لا يخلوا شخص من دون جوال واغلب الناس يضعون امورهم الشخصية من صور وفيديو وملاحظات وارقام مهمه فلمّا يجي الزبون ويشوف شخص يشتغل بنزاهه وامانه والله مايروح لغيره ...

بقولكم قصة حصلت لواحد من الشباب ... مره وهو جالس في المحل ويشتغل جاته زبونه وقالت له عندي صور ابي احذفها من الجهاز وكانت المره خايفه انه تعطي جهازها لواحد وياخذ الصور منه كما يفعل الشباب هداهم الله يشتغلون ويتعلمون الشغله هذي لغرض غير التجاره الله المستعان .. المهم صاحبنا قالها ابشري وخذ الجهاز وحطه بجنب المره وجالس يشتغل وهي تشوف ايش قاعد يسوي وبعد ماحذف الصور وعلمها الطريقة قالت : والله انه ماراح اجي الا عندك اذا ابي شي حق الجوالات وبعدها الرجال معين خير كل اسبوع تجي وحده وتشتري عن طريق هذي الحرمه اللي حذفلها الصور .... فهنا صارت عملية النزاهه سمعه بالنسبة لك وقس على هذا جميع الامور في العمل

وفيه شغله ثانية الا وهي الإبتسامة

والله ياناس انه هذي اللغة التي من غير حروف ساحره وتجذب الزبائن حتى لو انك في اخر الدنيا ... وقبل كذا لا ننسى قول الرسول صلى الله عليه وسلم

الابتسامه في وجه اخيك صدقة

وللحديث بقية باذن الله

دمتم بود

ماشاء الله ممتاز

نفس مشكلتي الوظيفة والربطة مافي احلى من العمل الحر

الله يوفقك لكل خير ويفتح لك أبواب رزقه من حيت تحتسب ولا تحتسب

ماشاء الله تبارك الرحمن

ما شاء الله فكرة راااائعة